مسابقة فوازير المنتدى

atilla كتب:

مش عارف ليه يا أتيلا مش مقتنع بالحل ده
عموما نستنى باقى الحلول و نشوف
لأن انا نفسى مش اعرف الحل لحد دلوقتى

لتانى مرة بسجل إعتراضى على المواعيد
مفيش تكافؤ فرص يا أدمين
ولولا إنك حبيبى وإن اللى كسبان أخويا أبو النضال كنت إنسحبت وقدمت شكوى فى الفيفا
بس معلش .. خليها عليا المرة دى
أما عن سؤالك الأخير فعلا فهو حقيقى صعب
لكن حلها إنك تفك
يعنى تقسم السبيكة لتلات قطع .. كيلو .. وإتنين كيلو .. وأربعة كيلو
وكدا يبقى عندك كل فئات العملة
اليوم الاول يعطيه القطعة الكيلو = 1
اليوم الثاني يعطيه القطعة الإتنين كيلو وياخذ الواحد = 2
الثالث يعطيع القطعة الكيلو + اللى معاه = 3
الرابع ياخذ منه القطعة الكيلو والقطعة الإتنين كيلو ويعطيه القطعة الأربعة كيلو = 4
اليوم الخامس يعطيه القطعة الكيلو + اللى معاه = 5
اليوم السادس ياخذ القطعة الكيلو ويعطيه القطعة الإتنين كيلو = 6
اليوم السابع والاخير يعطيه القطعة الكيلو + اللى معاه = 7

وكدا يبقى بالتلات عملات الفكة اللى قسمهم على مرتين قضى المسافة كلها

وأحب أفكرك إنك قلت فى الأول الفزورة الصعبة عليها نقط أكتر

وأطالب مرة تانية بموعد ثابت مناسب للمسابقة لأنى مابقدرش أخش على النت وأنا فى الشغل

sherifalwakkad كتب:: لتانى مرة بسجل إعتراضى على المواعيد
مفيش تكافؤ فرص يا أدمين
ولولا إنك حبيبى وإن اللى كسبان أخويا أبو النضال كنت إنسحبت وقدمت شكوى فى الفيفا
بس معلش .. خليها عليا المرة دى
أما عن سؤالك الأخير فعلا فهو حقيقى صعب
لكن حلها إنك تفك
يعنى تقسم السبيكة لتلات قطع .. كيلو .. وإتنين كيلو .. وأربعة كيلو
وكدا يبقى عندك كل فئات العملة
اليوم الاول يعطيه القطعة الكيلو = 1
اليوم الثاني يعطيه القطعة الإتنين كيلو وياخذ الواحد = 2
الثالث يعطيع القطعة الكيلو + اللى معاه = 3
الرابع ياخذ منه القطعة الكيلو والقطعة الإتنين كيلو ويعطيه القطعة الأربعة كيلو = 4
اليوم الخامس يعطيه القطعة الكيلو + اللى معاه = 5
اليوم السادس ياخذ القطعة الكيلو ويعطيه القطعة الإتنين كيلو = 6
اليوم السابع والاخير يعطيه القطعة الكيلو + اللى معاه = 7

وكدا يبقى بالتلات عملات الفكة اللى قسمهم على مرتين قضى المسافة كلها

وأحب أفكرك إنك قلت فى الأول الفزورة الصعبة عليها نقط أكتر

وأطالب مرة تانية بموعد ثابت مناسب للمسابقة لأنى مابقدرش أخش على النت وأنا فى الشغل

وانا بضم صوتي لصوت الغالي شريف يا ادمين ولازم تحدد ميعاد مناسب للموضوع
بس خد بالك وانت بتحدد اني مش هقدر اكون موجود من الساعة 9بليل للساعة 9 صباحا
هتحلها ازاي بقى مش عارف
وانا شايف ان حل شريف احسن من الحل بتاعي لانه مفيش فيه دفع مقدما زي ما الحل بتاعي عمل
اصل بصراحة محدش يضمن البدو دول ولا الجمال بتاعتهم

يلا نبدأ من تانى نقول فوازيييييييييير

و المرة دى فزورة سهلة جدا جدا
بتقول ((فى كل مرة يحتفل فيها حماده بعيد ميلاده يكون على كعكة عيد الميلاد العدد الصحيح من الشموع
حيث عدد الشمعات على الكعكة يساوى عمره
فمثلا فى عيد ميلاده التاسع كان عدد الشمعات على الكعكة تسع شمعات ......

فهل تستطيع معرفة عمره الان اذا علمت انه أطفأ 861 شمعة حتى هذه اللحظة ))
يلا الحل بسرعة عشان اجيبلكم وحدة صعبة

حمادة عزو عنده 41 سنة

ROBOS كتب:: حمادة عزو عنده 41 سنة

صح 41 سنه تمام

صح مظبوط تمام الحل يا رباب

و بكدا يا رباب تواصلى تقدمك البطئ جداً
كدا يبى الترتيب
شريف -------- 13 نقطة ،، أتيلا ------- 12 ،، رباب ------ 4
يلا الفزورة اللى بعدها و عايزين نشوف وجوه جديدة فى المسابقة
(( أيهما أوفر أن تدعو صديق إلى السينما مرتين أو أن تدعو صديقين مرة واحدة ؟ ))
سهلة اوى اهى يلا فين الحل

أخى هانى الجمال فين مشاركاتك و حلولك
انا فرحت لما عرفت انك كيميائى زيى مش تقول يا راجل من بدرى
يلا عايزين الكيميائيين يظهروا المهارات و الذكاء

أخيرا قريت الفزوره قبل اى حد و هاحاول اجاوب

طبعا لما تعزم صديقين مره واحده أوفر لانكم هاتبقوا تلاته انما لما تعزم صديق مرتين تبقوا أربعه

انت عاوز تعمل رابطه للكيميائيين بالمنتدى و لا ايه يا ادمن

صح مظبوط تمام

كويس يا حازم انك لحقت
كدا الترتيب شريف ----- 13 ،، أتيلا ----- 12 ،، رباب ---- 4 ،، حازم ---- 2
السؤال التالى
((حارس منزل وقف صاحب المنزل على الصبح و قالو

-حلمت بيك يا سيدي أنك أصبحت غني جدا وعندك بدل هذا المنزل قصر و...

و لم يكمل الحارس كلامه حتى طرده صاحب المنزل

لماذا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟))
يلا و على فكرة دى سهلة أوى اوى

لانه حلم اي نام اي ان الحارس ليس له اي فائده

معلش و الله يا ادمين اصلي مبلحقش اشارك

صح يا هانى مظبوووووووووط اوىىى

و بكدا يظهر معانا اسمين جداد فى المنافسة
انا عارف ان دلوقتى شريف و اتيلا حاسين ان فيه مؤامرة عليهم
الترتيب دلوقتى بقا
شريف --- 13
اتيلا --- 12
رباب --- 4
حازم --- 2
هانى --- 2
يلا السؤال اللى بعده
((عندنا 1000 جرام دهب وزعناهم على عشر تجار كل تاجر 100 جرام دهب وطلبنا من كل واحد يعمل بالمائة جرام 10 خواتم كل خاتم 10 جرام
كل تاجر عمل 10 خواتم بس فى تاجر منهم كان حرامى عمل كل خاتم 9.5 جرام ووفر لنفسه بكده 5 جرام
المهم عايزين بوزنة واحدة نعرف مين التاجر الحرامى
احب افكركم ان ليكم وزنة واحدة بس وبعدها المفروض نعرف مين التاجر الحرامى ؟))
الحل فين يا عباقرة

نأخد من كل تاجر خاتم ونحطهم في الميزان
ونبدأ نشيل واحد واحد
كل مرة ها ينقص 10 جم
الا خاتم واحد ها ينقص الميزان 9.5

صح ده ولا حل عبيط ؟؟؟؟؟

نجيب كل تاجر يحط الخواتم واحد واحد فالاول هيكون 100جم ثم يضيف الثاني فيصبح 200 و هكذا حتي نجد ان هناك 5 جرام فرق فيكون هو الحرامي

هو حل هانى ممكن لو تعتبر وزنة واحدة
لكن لو المقصود بالوزنة إننا نحط الحاجة مرة واحدة ومانضيفش أو نحذف

يبقى الحل إننا ناخد من كل تاجر عدد مختلف من الخواتم
يعنى واحد ناخد منه خاتم .. وواحد إتنين وواحد تلاتة .... وهكذا
ونشوف الوزن الناقص قد إيه ونقسمه على نص
يعنى لو ناقص جرام .. يكون التاجر التانى اللى خدنا منه خاتمين هو الحرامى
ولو ناقص مثلا 5 .. يبقى التاجر العاشر اللى خدنا منه عشر خواتم هو الحرامى

أى خدمة يا كبير العيلة

ومافيش مؤامرة ولا حاجة بالعكس أنا كنت سعيد جدا لما دخلت ولقيت دايرة المشاركة وسعت
والمنافسة بقت أكبر وأجمل

ROBOS كتب:

نأخد من كل تاجر خاتم ونحطهم في الميزان
ونبدأ نشيل واحد واحد
كل مرة ها ينقص 10 جم
الا خاتم واحد ها ينقص الميزان 9.5

صح ده ولا حل عبيط ؟؟؟؟؟

حلك مش عبيط و لا حاجة يا رباب
بس المفروض نوزن وزنة وحدة و مش نشيل من الميزان يعنى من القراية الاولى يا دكتورة
يعنى حلك غلط

helgamal كتب:

نجيب كل تاجر يحط الخواتم واحد واحد فالاول هيكون 100جم ثم يضيف الثاني فيصبح 200 و هكذا حتي نجد ان هناك 5 جرام فرق فيكون هو الحرامي

كدا هيبقوا اكتر من وزنة يا هانى
الحل غلط للأسف

sherifalwakkad كتب:

صح يا شريف مظبوط الله ينور عليك
انا ابتديت اشك انك حليت الالغاز دى قبل كدا
كدا الترتيب يبقى
شريف ---- 15
اتيلا ----- 12
رباب ---- 4
حازم ---- 2
هانى ---- 2
الفزورة الجديدة بكرة ان شاء الله

منافسة ايه بس يا شريف
ده انت بتلعب في مستوي لوحدك يا عم
يا شريف يا جاااااااااااااااااااااااااااااااااااااااامد

بجد

بجد

ما شاء الله عليك

Admin كتب:

sherifalwakkad كتب:

صح يا شريف مظبوط الله ينور عليك
انا ابتديت اشك انك حليت الالغاز دى قبل كدا
كدا الترتيب يبقى
شريف ---- 15
اتيلا ----- 12
رباب ---- 4
حازم ---- 2
هانى ---- 2
الفزورة الجديدة بكرة ان شاء الله

إخص عليك يا شاذلى .. بتشك فيا
بدون شك ولا شكشكة
أنا قلت قبل كدا إنى كنت أعرف الفزورة الرابعة بتاعة التلاتة اللى مروا
ودى كمان كنت سمعتها من فترة بصراحة
ودا كان فى لقاء شباب الجامعات اللى فات فى شبين
كان فيه تحديات كتير من النوع ده

ROBOS كتب:: منافسة ايه بس يا شريف
ده انت بتلعب في مستوي لوحدك يا عم
يا شريف يا جاااااااااااااااااااااااااااااااااااااااامد

بجد

بجد

ما شاء الله عليك

ماتحرجينيش بقى يا جناب الخبيرة
الموضوع مش عبقرية ولا يعنى أنا الواد الفت اللوذعى
كل الحكاية إنى عجوز شوية ولفيت حبتين
وفيه اللى بكون عارفه من هنا وهناك زى اللى فاتت
وفيه اللى ربنا بيهدينا لحله .. برضه تراكم خبرات

لكن لو على مستوى الذكاء .. فالفوازير مش مقياس
إحنا إيش وصلنا يا دكتورة لمستواكى
أو مستوى العبقرى اللى بجد .. المخترع محمد الشاذلى

sherifalwakkad كتب:

برافو يا شريف انت عبقري

بس والله ما انا فاهمه حاجه
يعني شويه ايضاح يا شريف راعو المستويات الاقل ذكاء يا جماعه
وبعدين فزوره الراجل اللي عنده 41 عرفتو ازاي مش تفهمونا

[

بس والله ما انا فاهمه حاجه

يعني شويه ايضاح يا شريف راعو المستويات الاقل ذكاء يا جماعه

وبعدين فزوره الراجل اللي عنده 41 عرفتو ازاي مش تفهمونا[/center][/quote]
لا دي سهله قوي يا رانيا في السنه الاولي طفي شمعه و الثانيه 2 و الثالثه 3 و هكذا هتلاقي المجموع صح عند 41 سنه

كويس جدا اني كنت غايب اليومين اللي فاتوا عشان الاسئلة الاخيرة كانت صعبة بصراحة
وتحياتي ياشريف وبجد أحب أحيي تفكيرك ياغالي واللهم لا حسد
بس واضح انك من هواة الفوازير شكلك بيقولك كدة

» تلات فوازير رخميننننننننننننننننننننننننننننننن
» فوازير رمضان بدأت..............
» مسابقة اسم الاعب ايه؟؟؟؟؟؟؟؟
» مسابقة العضو المميز
» شروط مسابقة توقعات كأس مصر