مسابقة فوازير المنتدى

انا معاكو فى المسابقى دى بس انى غبى شويتين فكدة كدة هابقى الاخييييييييييييييييير

برافو أتيلا مظبوووووووووط تمااااااااااام

كدا الترتيب شريف --- 8 ،، أتيلا --- 4 ،، رباب --- 2
يلا فين باقى المتسابقين و لإنت يا عبد الرحمن مش غبى و لا حاجة فكر شوية هتلاقى الحل سهل جداً
السؤال اللى بعد كدا بيقول
((واحد فى السوق عايز يشترى طيور دخل المحل وسأل البائع فقاله
الفرخة ب5 جنيه
20 بطة بجنيه
الحمامة بجنيه
ازاى يشترى 100من التلاتة دول ب 100 جنيه(خليط من التلاتة )

مش عارف هتكون صعبة عليكم و لا سهلة ان شاء الله

19فرخة بقيمة 95 جنية
80بطة بقيمة 4جنية
1حمامة بقيمة 1جنية
يبقى الاجمالي 100طائر بقيمة 100جنية

وحياة الغاليين عندك يا أدمين تعرفني الطيور دي عندها انفلونزا الطيور ولا اية؟
ولو سليمة عرفني في السر عنوان الفرارجي الانسان دة

abdelrahmaaan كتب:: انا معاكو فى المسابقى دى بس انى غبى شويتين فكدة كدة هابقى الاخييييييييييييييييير

انا 3 شويات قول اربعة

atilla كتب:: 19فرخة بقيمة 95 جنية
80بطة بقيمة 4جنية
1حمامة بقيمة 1جنية
يبقى الاجمالي 100طائر بقيمة 100جنية

وحياة الغاليين عندك يا أدمين تعرفني الطيور دي عندها انفلونزا الطيور ولا اية؟
ولو سليمة عرفني في السر عنوان الفرارجي الانسان دة

مشكلة والله يا اتيلا انت هههههههههههههههه
انا خلاص بقيت مدمن ادخل اشوف ردودك انت والدينامو ردودها برضة مشكلة

و الله يا جماعة انا مش عارف اعمل معاكم ايه

بصراحة انا مفترض حاجة من الإثنين

إما ان انتم أذكياء زيادة عن اللزوم و أنا اقل واحد فيكم ذكاء

أو ان انتم حليتو الأسئلة دى قبل كدا او بتغشوا الحل من مكان ما

على فكرة انا الفزورة الأخيرة دى قعدت ساعة أحل فيها و مش عرفت

عموما تكسب يا أتيلا و إطمن الموضوع آمن جداً و مفيش أنفلونزا طيور و لا حاجة

بس أعتقد لما تبقى الفرخة بـ 5 جنيه و الـ 20 بطة بـ جنيه و الحمامة بـ 1 يبقى أكيد عندها إيدز و العياذ بالله

أتيلا كدا بقيت 6 نقط و تقرب من شريف و المنافس الثنائية تشتد بينكم

و يبقى الترتيب شريف --- 8 ،، أتيلا --- 6 ،، رباب --- 2

السؤال اللى جاى بقا مش عارف هيبقى صعب و لا سهل أنا خلاص فقدت الأمل فى انى الاقى حيرة منكم فى الإجابات

((افرض نفسك قبطان سفينه طولها 80 متروعرضها 30 متروعليها 45 بحار و20 طباخ و40كيلو سكر و15 خروف فكم يبلغ عمر القبطان ؟؟؟؟؟؟ ))

أعتقد مفيش أسهل من كدا

ان لله وانا اليه راجعون

بيتهيالي هوا مات خلاص

يالا معلش هيا الدنيا كدة

فين السفينة Sad

look_like كتب:: ان لله وانا اليه راجعون

بيتهيالي هوا مات خلاص

يالا معلش هيا الدنيا كدة

فين السفينة

مشكلة بجد ردودك يا هند ههههههه

السفينة الآن ................
فى بحر الظلمااااااااااااااااات

مش عارف يا جماعة ازاى مش عارفين تحلوها دى أسهل من أسئلة الثانوية العامة
فينك يا شريف يا مكتسح المسابقة اكيد انت اللى هتحلها او اتيلا كمان
عايزين نشوف مروان و عبد الرحمن و رباب و أبو سيف و كل الأعضاء ييجوا يحلوا معانا

33سنة يا ادمين في 15يونيو الجاي

kogak كتب:

atilla كتب:: 19فرخة بقيمة 95 جنية
80بطة بقيمة 4جنية
1حمامة بقيمة 1جنية
يبقى الاجمالي 100طائر بقيمة 100جنية

وحياة الغاليين عندك يا أدمين تعرفني الطيور دي عندها انفلونزا الطيور ولا اية؟
ولو سليمة عرفني في السر عنوان الفرارجي الانسان دة

مشكلة والله يا اتيلا انت هههههههههههههههه
انا خلاص بقيت مدمن ادخل اشوف ردودك انت والدينامو ردودها برضة مشكلة

ربنا يخليك ياكوجاك ياجميل ودة بس من ذوقك ويشرفني انك بتدخل تشوف ردودي الجهنمية دي

إجابتك سليمة يا بو النضال
إيه يا كبير العيلة .. كل دى أسئلة فى كام ساعة ؟
إنت حسستنى إنى بقالى 3 أيام غايب مش نص يوم
بتذاكروا من ورايا .. ماشى ماشى
ياللا حصل خير إن شاء الله

kogak كتب:

look_like كتب:: ان لله وانا اليه راجعون

بيتهيالي هوا مات خلاص

يالا معلش هيا الدنيا كدة

فين السفينة

مشكلة بجد ردودك يا هند ههههههه

ربنا يخليك يااخ كوجاك الردود دي من بعض ماعندكم دا انا بحاول ابقي زيكوا lol!

و يتعادل أتيلا مع شريف فى النقاط و تشتد المنافسة فى مسابقة الذكاء الكبرى

كد الترتيب أتيلا و شريف -------- 8 ،،، رباب ----2

السؤال التالى
فيها 3جبال و 12رجال و60 طفل وسماؤها من زجاج؟؟؟؟؟؟؟
يلا يا عباقرة فين الحل

الساعةةةةةةةةةةةةةةةةةةة يا ادمين

يا عم أتيلا هو أنا ما اعرفش احيركم شوية

نفسى أحط فزورة و تقعد 3 أو 4 أيام و انتو محتارين فيها كلكم
هو انا بقول فوازير قديمة و لا سهلة و لا ايه النظام
و لا انتو اللى اذكية زيادة عن اللزوم
عموما تكسب يا عم الأذكياء كلهم صديقى أتيلا
كدا أتيلا يعتلى القمة فى غياب شريف
أتيلا -- 10 ،، شريف -- 8 ،، ر باب -- 2
السؤال اللى بعده
واحد عندو 17 بقره ................. وعندو 3 ولاد

مات الراجل ...... وكان كاتبلهم وصيه

الولاد فتحو الوصيه مكتوب فيها ...

1- الكبير ياخد نص التركه
2- الوسطانى ياخد تلت التركه
3- والصغير ياخد سدس التركه

يبقى كل واحد هياخد كام بقره ؟؟؟؟؟؟؟؟؟؟؟؟

بص ياعم ادمين تقريبا كدة لاني بصراحة مش متاكد وكمان مستعجل فهجاوب بسرعة
الاخ الكبير هياخد 8 وهي اقل من نصيبة بنص بقرة
والاوسط هياخد 6 وهي ازيد من نصيبة بربع بقرة تقريبا
والاصغر هياخد 3 وهي برضة ازيد من نصيبة بربع بقرة تقريبا
ويبقى الاجمالي 17بقرة
هي دي اقرب نسبة حسابية في حالة عدم وجود تلاعب لفظي
واكيد الاب اعتمد على شهامة الكبير بعد ما ميزه عنهم

برضوا بتذاكروا من ورايا تانى ؟
كدا مافيش تكافؤ فرص يا أدمين .. لازم يكون فيه مواعيد للمسابقة مناسبة للكل
وإلا هاكتفى بمسابقة حبيبى كوجاك .. هو اللى مواعيده مناسبة ليا
أما عن السؤال .. فالمشكلة دى أعتقد حصلت مع سيدنا على كرم الله وجهه .. وقت توليه القضاء
واللى عمله إنه زود بقرة فبقوا 18
إدى الأول النص = 9
والتانى التلت = 6
والتالت التسع = 2
وكدا بقوا =17
وبعدين أخد بقرته تانى .. ببساطة

صح يا شريف الله ينور عليك
و واضح ان كان فيه غلطة فى السؤال
كدا الترتيب أتيلا --- 10 ،، شريف --- 10 ، رباب (المختفية) --- 2
السؤال الجاى سهل جدا جدا عشان باقى الأعضاء بقا يدخلوا فى المنافسة
((ماهو الشئ الذى يمشى على اربعة فى البداية ثم على اثنين ثم على ثلاثة ؟؟؟؟؟؟؟؟؟))
مستنى الحل بسرعة يلا

انتتتتتتتتتتتتتتتتتتتتتتتتتتتتتتتتت وانا والباقيين يا أدمين
واحنا اطفال بنزحف ودة مشي على اربع
وبعدين بنمشي ودو مشي على اتنين
ولو ربنا ادانا العمر ووصلنا للشيخوخة بنستعين بصديق وبيكون عصاية او عكاز ودة مشي على ثلاثة

أنا كدا هسميها مسابقة أتيلا و شريف فقط لا غير

صح يا أتيلا انا كنت عارف انك هتجاوب صح لأن السؤال سهل أوى كان نفسى حد من باقى الأعضاء يشاركنا
ما علينا
كدا الترتيب أتيلا ----12 ،، شريف ---- 10 ،، رباب (خارج المنافسة) ---- 2
الفزورة التالية
((واحد معاه سبيكة ذهب وزنها سبعة كيلو وتايه في الصحرا عدا عليه واحد بدوي وقالو انا مستعد اني ارجعك بلدك على الجمل بشرط انك تديني الذهب اللي معاك قالو افرض ان الجمل مات قاله خلاص يبقى بعد سبع المسافة الاول تديني كيلو وبعد السبع التاني اديني كيلو تاني وهكذا لحد اما نخلص المسافة بحيث لو مات الجمل في النص يبقى معاك ذهبك ومعايا ذهبي

واتفقوا على كده بس معرفوش يقطعوا السبيكة لان معمش غير منشار يقطع مرتين يعملوا ايه؟؟؟))
على فكرة انا لسة مش عارف حل الفزورة بفكر فيها معاكم

انا اعترض على هذا التوبيك

لانه فوق مستوايا Sad

هيقطع مرتين وهيبقى معاه تلات قطع قطعتين كل واحدة منهم بكيلو والقطعة التالتة بخمسة كيلو
وبعد السبع الاول هيديلة قطعة كيلو
وبعد السبع التاني هيديلة قطعة كيلو
وبعد السبع التالت هيديلة القطعة خمسة كيلو وهياخد منه قطعتين كل واحدة بكيلو وهيبقى اخد نصيب السبع الثالث ومعاه نصيب السبع الرابع والسبع الخامس مقدما
وبعد السبع السادس هيديله قطعة كيلو
وبعد السبع السابع هيديلة قطعة كيلو

ولو كان مستأمنه يعكس الموضوع ويديلة القطعة خمسة كيلو مقدما ويقوله صحيني بعد ما يخلصوا
وبعدها يديلة في السبع السادس قطعة كيلو ولما يوصلوا يديله القطعة الاخيرة
ونقي واختار ياعبدالستار

وبكدة يكون وصل بالسلامه ومقطعش الا مرتين اتنين بس بالمنشار التعبان اللي معاه

atilla كتب:: هيقطع مرتين وهيبقى معاه تلات قطع قطعتين كل واحدة منهم بكيلو والقطعة التالتة بخمسة كيلو
وبعد السبع الاول هيديلة قطعة كيلو
وبعد السبع التاني هيديلة قطعة كيلو
وبعد السبع التالت هيديلة القطعة خمسة كيلو وهياخد منه قطعتين كل واحدة بكيلو وهيبقى اخد نصيب السبع الثالث ومعاه نصيب السبع الرابع والسبع الخامس مقدما
وبعد السبع السادس هيديله قطعة كيلو
وبعد السبع السابع هيديلة قطعة كيلو

ولو كان مستأمنه يعكس الموضوع ويديلة القطعة خمسة كيلو مقدما ويقوله صحيني بعد ما يخلصوا
وبعدها يديلة في السبع السادس قطعة كيلو ولما يوصلوا يديله القطعة الاخيرة
ونقي واختار ياعبدالستار

وبكدة يكون وصل بالسلامه ومقطعش الا مرتين اتنين بس بالمنشار التعبان اللي معاه

look_like كتب:

طب يعنى اعملك ايه يا هند اجيبلك اسئلة خاصة ليكى لوحدك
و لا انتى اخرك فوازير نيللى و شريهان
عموما انا مش هزعلك
هبقى اجيبلك اسئلة سهلة و مش هخلى حد يجاوب عليها غيرك

» تلات فوازير رخميننننننننننننننننننننننننننننننن
» فوازير رمضان بدأت..............
» مسابقة اسم الاعب ايه؟؟؟؟؟؟؟؟
» مسابقة العضو المميز
» شروط مسابقة توقعات كأس مصر