مسابقة فوازير المنتدى

السلام عليكم و رحمة الله و بركاته

اخوانى و اخواتى أعضاء المنتدى تحياتى الغالية ليكم
فى إطار إكتشاف مستوى ذكاء الأعضاء اللى انا متأكد ان كلكم أذكياء و الحمد لله
عايز كدا نشغل دماغنا مع بعض فى شوية فوازير سهلين خالص
و كل اللى هيجاوب على فزورة هياخد نقطتين
و لو فزورة صعبة هيبقى عليها 3 نقاط
يلا نبتدى بفزورة سهلة
((الجريمة التى يكون فيها القاتل مجنيا عليه؟؟؟؟؟؟؟))
يلا الإجابة بسرعة عشان نخش بقا على الفوازير الصعبة

الانتحار على ما أظن يا أدمين

مظبووووووووووط اتيلا انت الأن عندك 2 نقاط

السؤال الثانى : ((رجل وجدوه مشنوقا بحبل مدلى فى غرفة فارغة ووجدو تحت الرجل مااااء و أثبت تقرير الطبيب الشرعى أنه انتحر و لم يشنقه احد فكيف انتحر و الغرفة فارغة ليس بها كرسى او ترابيزة))

ممكن يكون وقف على لوح ثلج يا شاذلى
فكرة جديدة وجميلة

اظنه انتحر بعد ماربط نفسه في الحبل وكان واقف فوق لوح تلج ولما التلج داب اتعلق من رقبته لحد ما مات

هي الليلة على حوادث ولا اية يا ادمين
ولا انت اتنقلت للطب الشرعي

وياريت تثبت قسم الجريمة الكاملة دة

الدرجة لشريف لأنه سبق اتيلا بدقيقة فى الإجابة

و الإجابة صحيحة جداً يا شريف و أتيلا
أتيلا 2 شريف 2
السؤال الثالث : (جسر مبنى يتحمل حمولة 50 سيارة ولا يتحمل سيارة زيادة وفى يوم وقف عليه 100 سيارة ولم ينهااااااااااااااار لييييييييييييييييه ) أعتقد ده سؤال سهل أوىىىىىىىىىىىىىىىىىىىىىى

اظن انه يتحمل 50سيارة في وقت واحد
انما ال100 سيارة دول كانوا في خلال يوم كامل
والله اعلم
وشكلك نقلت من الطب الشرعي للمرور يا ادمين
اربطوا الحزام احسن ادمين هيسحب الرخص

لا يا اتيلا الـ 100 سيارة فى وقت واحد بردو

50 سيارة حقيقية
لكن ممكن 1000 سيارة أطفال أو سيارة لعبة

تمام صح مظبوط يا شريف
100 سيارة لعبة
كدا شريف 4 و اتيلا 2

السؤال الرابع (ثلاثة مرو بينا
الاول رأيناه وكلمناه
الثانى رأيناه ولم نكلمه
الثالث لم نراه ولم نكلمه )
يلا الحل بسرعة
فين باقى الناس

طب التلاتة مروا مع بعض .. ولا واحد واحد
علشان تفرق يا شاذلى

مع بعض

تبقى هى
العجل ف بطن أمه

أقصد الطفل ف بطن أمه .. والأم طبعا
ودول يبقوا التالت والأول .. أما التانى فطفل برضه لكن لسة مابيتكلمش

تمام يا كبير العيلة

تمام يا شريف يا جامد اوىىىىىىىىىىى
كدا شريف بقا 6 و أتيلا 2
نوقف بقا الأسئلة شوية لحين العثور على باقى الأعضاء
بس انا هصعب الأسئلة عشان خاطرك انت بس يا شريف
ما شاء الله عليك ذكاءك عالى ربنا يبارك فيك

حرام عليك يا شاذلى .. كدا هاتخلى الأعضاء يدعوا عليا
وبعدين الكلام دا كتير عليا قوى
والموضوع ببساطة إن الفزورة الأخيرة بأمانة كنت عارفها قبل كدا
اللى حليتهم لأول مرة الأولى والتانية بأمانة
1000 شكر أخى كبير العيلة لكلامك الجميل وذوقك اللى أخجلنى

لا احنا لازم ننمي ذكائنا عشان المستوي بينا وبين الاخ شريف هايكبر قوي

العفو يا دينامو
إحنا إيش وصلنا

يلا نبدأ من تانى

الفزورة رقم ...... مش فاكر
(( الصعيدى لما يسافر ليه العمدة بينام مع مراته))
أعتقد دى سهلة أوى أوى

ليه

اصلي مش عارفة Very Happy

ايه ده ؟ اغيب يومين الاقي ده كله حصل

اعتقد ان المقصود هو مرات العمدة
ويبقي طبيعي جوزها ينام معاها
صح

برافووووووووووو دكتورة رباب

فعلاً المقصود مرات العمدة و هو مجرد لعب بالألفاظ
كدا شريف 6
أتيلا 2
رباب 2
الفقزورة اللى بعد كدا
((رجل إذا أعطاك ظهره حكمك, وإذا أعطاك وجهه انتهى حكمه؟؟ ))
يلا عايز منافسة اشد من كدا

الإمام .. فى الصلاة
صح يا كبير العيلة .. ولا غلط

صح اوى اوى يا شريف

شريف مكتسح يا جماعة دلوقتى بقا 8 نقاط
أتيلا 2 ----- و رباب 2
السؤال اللى بعد كدا
((له اوراق ......وماهو بنبات,له جلد .....وماهو بحيوان ,وعلم ......وماهو بانسان ....ماهو ؟؟؟؟؟ ))
يلا الحل بسرعة قبل شريف ما يدخل

Admin كتب:: صح اوى اوى يا شريف

شريف مكتسح يا جماعة دلوقتى بقا 8 نقاط
أتيلا 2 ----- و رباب 2
السؤال اللى بعد كدا
((له اوراق ......وماهو بنبات,له جلد .....وماهو بحيوان ,وعلم ......وماهو بانسان ....ماهو ؟؟؟؟؟ ))
يلا الحل بسرعة قبل شريف ما يدخل

اجابة سريعة من واحد مستعجل الكتاااااااااااااااااااااااااب يا ادمين

» تلات فوازير رخميننننننننننننننننننننننننننننننن
» فوازير رمضان بدأت..............
» مسابقة اسم الاعب ايه؟؟؟؟؟؟؟؟
» مسابقة العضو المميز
» شروط مسابقة توقعات كأس مصر