حلاوة زمان .. الحلقة السابعة

حلاوة زمان .. الحلقة السابعة
عدنا

عذرا لعدم إنتظام المسلسل فى الفترة الأخيرة
وأكيد أحبابى مقدرين ظروفى Embarassed

- الصورة 61 -

حلاوة زمان .. الحلقة السابعة Oldsuez

لقطة قدييييييييمة لقناة السويس أثناء عبور السفن بها

- الصورة 62 -

حلاوة زمان .. الحلقة السابعة Oldshadoof

الشادوف ..
ما ترونه على اليمين هو نهر النيل .. وعلى اليسار أرض زراعية لأحد الفلاحين
وما يفعله الرجل في الصورة هو أنه ينقل الماء من النيل لري الأرض .. وذلك باستخدام الشادوف
الشادوف من الأدوات القديمة جداً في مصر .. وكان الفراعنة يستخدمونه لري أراضيهم

- الصورة 63 -

حلاوة زمان .. الحلقة السابعة Oldme3za

بيت هاديء على الكورنيش ..
ينتشر على الكورنيش في القاهرة مشاتل .. والمشتل هو عبارة عن قطعة أرض صغيرة تكون مخصصة للورود والزهور
حيث يعتني بها شخص معين ويأتي الناس ليشتروها منه
هذا الشخص يكون من الأرياف حيث معرفته الجيدة بأنواع الزهور وطريقة زرع كل زهرة والعناية بها
ويقيم في بيت داخل المشتل .. ويكون بالطبع على النيل كما في الصورة السابقة
وتظهر في الصورة ابنة الرجل وهي تلعب مع معزتها

- الصورة 64 -

حلاوة زمان .. الحلقة السابعة Oldcotton

جمع محصول القطن ..
نورت يا قطن النيل .. يا حلاوة عليك يا جميل
هكذا كان يغنى الفلاحين أثناء جمع القطن أحبائى الأهلاوية
ونذكر جميعا المشهد الخالد فى ذاكرة السينما لمحمد أبو سويلم
وهو يتمسك بأعواد القطن فى نهاية فيلم الأرض
(بس اللى فى الصورة دى شكله عبد الهادى)

- الصورة 65 -

حلاوة زمان .. الحلقة السابعة Americaneold

حلاوة زمان .. الحلقة السابعة Americaneold

الأمريكين قديماً ..
ليس لها علاقة بأمريكا ولا الأمريكيين .. ولكن هكذا اسمها
المنطقة والمحل لسة موجودين والصورة للمقارنة
بين حال المنطقة النهاردة .. وروقان زماااااااااااااان

- الصورة 66 -

حلاوة زمان .. الحلقة السابعة Kasragainold

حلاوة زمان .. الحلقة السابعة Kasragainold

أسدين قصر النيل فى بداياتهم (قبل التطوير ووضع الخلفية لهم)
لاحظوا معى الناس وملابسهم والتباين الشديد بينهم

- الصورة 67 -

حلاوة زمان .. الحلقة السابعة Oldhassan

صورة من أعلى للقاهرة .. مدينة الألف مئذنة
ومازالت مآذنها القديمة موجودة بمنظرها الجميل وجوها الإيماني
الصورة السابقة من أعلى أحد المساجد المجاورة للقلعة ..

- الصورة 68 -

حلاوة زمان .. الحلقة السابعة Terlamold

عائلة بأكملها تتفسح على كورنيش الأقصر(كما ذكر .. مش متأكد)
وهمة راكبين العربية الكارو (يا سيدى على الدلع والروقان)
والأولاد الصغار معهم أعواد قصب (الحلوى زمان)

- الصورة 69 -

حلاوة زمان .. الحلقة السابعة Old2lady

نساء مصر قبل 100 سنة
الله على البرقع والبيشة والملاية اللف
الله يرحمك يا قصرى (يا صفايح الزبدة السايحة)

- الصورة 70 -

حلاوة زمان .. الحلقة السابعة Oldkarro

صورة عربية كارو عشان خاطر المدام
نفس الفسحة بس المرة دى حريمى وفى قلب القاهرة
ياترى دا عربجى وبيوصلهم
ولا رب الأسرة ومعه زوجته وبناته (وربما زوجاته الأربعة Wink

)

الله على زمان و حلاوة زماااااااااااااااااااان

مشكوووووووووور يا مايسترو يا فنان على التحف النادره و ربنا معاك فى ظروف شغلك
انت بس بتوحشنا

الف شكر يا شريف وبصراحة المسلسل دة تحفة وزي العسل
والملاحظ ان الهدوء هو الصفة المشتركة بين كل الصور وسبحان الله غير دلوقت خالص
ودايما لما بشوف الصور دي بقارن بينها وبين مسلسل تاني اللي باسم في مصر فقط
والمقارنة ظالمة جدا بين مصر القديمة دي ومصر الحديثة دلوقت
ومش عارف ليه حاسس ان مصر البلد الوحيدة اللي بتقل بمرور الزمن
يعني اللي يشوف ماضي مصر الفرعوني مايصدقش ان الشعب دة احفاد الناس دي
وكان في مثل انجليزي بعبر عن دهشتهم من الشعب المصري ايام الاحتلال وبين اثارهم
وكانوا بيقولوا ان المصريين بنوا الاهرام من 4000سنة ومن يومها وهما بيرتاحوا
وواضح ان المثل دة صح بنسبة كبيرة

جميلة قوي يا شريف
وبأحب الصور الأبيض في أسود جداااااا
تصدق بعد ما بأشوف الصور بأحس أن اعصابي ارتاحت

hazemsoliman كتب:: الله على زمان و حلاوة زماااااااااااااااااااان

مشكوووووووووور يا مايسترو يا فنان على التحف النادره و ربنا معاك فى ظروف شغلك
انت بس بتوحشنا

الله عليك إنت وعلى حلاوة لسانك يا زعيم
والله وإنتوا بتوحشونى أكتر
شرفتنى بزيارتك وردك الجميل يا جارى الحبيب

atilla كتب:: الف شكر يا شريف وبصراحة المسلسل دة تحفة وزي العسل
والملاحظ ان الهدوء هو الصفة المشتركة بين كل الصور وسبحان الله غير دلوقت خالص
ودايما لما بشوف الصور دي بقارن بينها وبين مسلسل تاني اللي باسم في مصر فقط
والمقارنة ظالمة جدا بين مصر القديمة دي ومصر الحديثة دلوقت
ومش عارف ليه حاسس ان مصر البلد الوحيدة اللي بتقل بمرور الزمن
يعني اللي يشوف ماضي مصر الفرعوني مايصدقش ان الشعب دة احفاد الناس دي
وكان في مثل انجليزي بعبر عن دهشتهم من الشعب المصري ايام الاحتلال وبين اثارهم
وكانوا بيقولوا ان المصريين بنوا الاهرام من 4000سنة ومن يومها وهما بيرتاحوا
وواضح ان المثل دة صح بنسبة كبيرة

والله إنت اللى زى العسل يا بو النضال
وعجبنى قوى المثل اللى قولته .. وهو للأسف صحيح غالبا
وفعلا بعد ما بدأت حلقات فقط فى مصر بغرض الضحك والنكتة
حسيت إن لازم يكون فيه مسلسل موازى يدينا شوية أمل ويهدى أعصابنا شوية
بس الظاهر المقارنة هاتجيب نتيجة عكسية
شرفتنى بزيارتك وأسعدتنى بردك يا بو النضال

ROBOS كتب:: جميلة قوي يا شريف
وبأحب الصور الأبيض في أسود جداااااا
تصدق بعد ما بأشوف الصور بأحس أن اعصابي ارتاحت

إنتى الأجمل يا خبيرة
والحمد لله إنى ساهمت فى إراحة أعصابك وأعصاب أعضائنا الأفاضل
اللى أكيد مرهقة طول اليوم من إيقاع حياتنا المسعور
شرفتينى بزيارتك وأسعدنى ردك خبيرتنا رباب

» حلاوة زمان .. (الحلقة الخامسة)
» حلاوة زمان .. الحلقة الثامنة
» حلاوة زمان : الحلقة الرابعة
» حلاوة زمان : الحلقة التاسعة (عدنا)
» حلاوة زمان "الحلقة السادسة"