حلاوة زمان : الحلقة التاسعة (عدنا)

حلاوة زمان : الحلقة التاسعة (عدنا)
كنت نويت أوقف المسلسل ده لقلة الإقبال عليه
لكن بناء على طلب الأختين الحلوين الخبيرة رباب وأم الأمامير رانيا
(وتحت إغراء شديييييييييييييييد بحلة ملوخية من رباب)
وبعد ماشفت وإتأثرت بموضوع الزعيم حازم عن الإسكندرية زمان
فكرت أرجع بحلقة جديدة للمسلسل القديييييييييييييم
حلاوة زمان
- 81 -

العتبة .. وكانت مكاناً راقياً أول ما ظهرت .. وكانت تسمى العتبة الخضراء
كان يمر بها الترام ( قطار صغير ) وما يظهر في الصورة السابقة هم البائعون والسائقون الذين ينتظرون ركاب الترام بعد نزولهم ليصلوهم إلى المكان الذي يريدوه .. طبعاً

ينتظرونهم بالحناطير كما تلاحظوا في الصورة

- 82 -

الأقصر من أعلى
وكما تلاحظون فالنيل يقسم المدينة إلى قسمين منذ عهد الفراعنة
واحد أخضر .. وهو الذي يعيش فيه الناس ويبنون فيه بيوتهم ومعابدهم
والثاني فهو الأصفر حيث لون الرمال .. وفيه مقابرهم .. والتي يزورها الناس الآن حيث مجوهرات وممتلكات الملوك التي كانت محفوظة بها
ومن الداخل تكون مقابر الملوك في قمة الجمال والألوان والأمان .. فقد كان الفراعنة يخفونها بأساليب كثيرة بعيداً عن اللصوص

- 83 -

محل أو بازار لبيع التحف والتذكارات

- 84 -

عودة قافلة الحج
وتكون قادمة من الأراضي المقدسة ومعها السجاد الكشميري وبعض الهدايا التي تشتهر بها مكة والمدينة

- 85 -

صورة من أعلى لجزيرة الروضة
كانت هذه الجزيرة أبرز ما يجذب الناس إلى القاهرة القديمة منذ أن فتحها عمرو بن العاص
وكانت كلها أشجار كثيفة .. وكان الأمراء يبنوا قصورهم هناك في هذا المكان الرائع
وبنوا على طرف الجزيرة مقياس النيل .. حيث يقيس مستوى ماء النيل .. وحينما يصل إلى حد معين من الإرتفاع مما يعني أن هذه السنة ستكون وافرة من حيث الإنتاج .. فإن الحفلات تقام هناك .. ويقوم الناس بإشعال المصابيح أمام بيته في منظر رائع ويستمر الإحتفال حتى الصباح

- 86 -

صورة أخرى من المحمل الذاهب إلى الحج ومعه كسوة الكعبة

- 87 -

صورة نادرة لمقابر العمال الذين بنوا الأهرامات

- 88 -

قصر رأس التين بالإسكندرية ..
بناه محمد علي باشا كي يقيم به أثناء وجوده بالإسكندرية .. ثم أعاد بناؤه الملك فؤاد مرة أخرى لعمل تجديدات به
سمي رأس التين لأن مكانه كان كمية كبيرة من شجر التين

هذا القصر مطل على البحر المتوسط ..
وبداخله سنجد امتداد للسكة الحديد حيث كان يدخل بها القطار القادم من القاهرة .. وذلك أيام الملك فاروق

- 89 -

جانب من محلات القاهرة القديمة .. والتي كانت تنتشر في خان الخليلي والموسكي وغيرها
والصورة السابقة لمحل عطارة وبقول كما هو واضح

- 90 -

محلات النحاسين .. والتي كان بها كل أدوات المطبخ .. وكل الأدوات النحاسية

و هى مواضيع حازم تيجى ايه جنب تحفك يا مايسترو يا عظيم

تسلم ايدك

تسلم ايدك يا شريف

الصور جميلة خصوصا الصور اللي فيها ناس
جو تاني خالص غير دلوقتي
10000000000000000 شكر علي الاستجابة السريعة لما يطلبه المشاهدون
ما تحرمناش من الحاجات الحلوة دي تاني لو سمحت

وأنا عند وعدي
جاري حاليا تقطيف الملوخية

تسلم ايد يا ميسترو وشكرا لاستجابتك السريعه لطلبنا
صور جميله جدا وخصوصا بتاعه الاقصر
متحرمناش من الحاجات الحلوه دي تاني

ملحوظه
لان انت حما ابني هنصحك نصيحه لله لو كلت الملوخيه من ايد رباب هتكرهها خااااااالص وهتبطل تاكلها تاني

ماشي يا رانيا الندالة مش جديدة عليكي xxx:x
ايه يعني طبخة متعقدة منها
تنكري اني باعمل بامية تتدرس
وبعدين ملوخية المايسترو ماما هاتشرف عليها يعني مضمونة

الله عليك يا مايسترو

حقيقى مش هقدر اقول غير تسلم ايد حضرتك بجد

لانى مهما قولت مش هقدر اوفى حضرتك حقه

hazemsoliman كتب:: و هى مواضيع حازم تيجى ايه جنب تحفك يا مايسترو يا عظيم

تسلم ايدك

العفو يا زعيم .. ده إنت أستاذنا
شرفتنى بزيارتك الجميلة
وأخجلتنى بردك الرائع المجامل جارى الحبيب

ROBOS كتب:: تسلم ايدك يا شريف

الصور جميلة خصوصا الصور اللي فيها ناس
جو تاني خالص غير دلوقتي
10000000000000000 شكر علي الاستجابة السريعة لما يطلبه المشاهدون
ما تحرمناش من الحاجات الحلوة دي تاني لو سمحت

وأنا عند وعدي
جاري حاليا تقطيف الملوخية

هييييييييييييييييييييييييييييييه
ملوووووووخيييييييييييييااااااااااااااا .. ملوخية .. ملوخية .. ملوخية
أهو دا الكلام والتشجيع ولا بلاش .. كدة بقى لو عايزة كل يوم حلقة مافيش مانع
إنتى تؤمرى يا رباب
شرفتينى بزيارتك الفواحة وجريتى ريقى خبيرتنا الجميلة

أم سيوفه كتب:: تسلم ايد يا ميسترو وشكرا لاستجابتك السريعه لطلبنا
صور جميله جدا وخصوصا بتاعه الاقصر
متحرمناش من الحاجات الحلوه دي تاني

ملحوظه
لان انت حما ابني هنصحك نصيحه لله لو كلت الملوخيه من ايد رباب هتكرهها خااااااالص وهتبطل تاكلها تاني

إنتى شايفة كدة يا رانيا
يعنى تدونى الأمل وتخلوا بيا بعد ما عشمت نفسى

نورتى التوبيك بزيارتك الجميلة وردك اللذيذ المجامل يا أم الأمامير

ROBOS كتب:: ماشي يا رانيا الندالة مش جديدة عليكي xxx:x
ايه يعني طبخة متعقدة منها
تنكري اني باعمل بامية تتدرس
وبعدين ملوخية المايسترو ماما هاتشرف عليها يعني مضمونة

الناس بقت وحشة قوى يا رباب
أختك شقيقتك وتطلع عليكى سمعة زى دى
إحنا جايين نهدى النفوس
ومادام ست الحبايب هاتشرف بنفسها على الأكل أبقى كدة ضمنت أجمل طبق على سطح الأرض
ربنا يخليهالكم وللجعانين أمثالى

سندريلا كتب:: الله عليك يا مايسترو

حقيقى مش هقدر اقول غير تسلم ايد حضرتك بجد

لانى مهما قولت مش هقدر اوفى حضرتك حقه

الله يخليكى يا سندريلا
بس دا كتير عليا جدا بجد
ماتحرمش من ذوقك ومجاملاتك الحلوة
شرفتينى بزيارتك وأسعدتينى بردك الجميل يا سندريلا المنتدى المحبوبة

ROBOS كتب:: ماشي يا رانيا الندالة مش جديدة عليكي xxx:x
ايه يعني طبخة متعقدة منها
تنكري اني باعمل بامية تتدرس
وبعدين ملوخية المايسترو ماما هاتشرف عليها يعني مضمونة

اه انكر انك بتعملي باميه اصلا
بصي اوعديه بشويه تحاليل مجانا
باستشاره طبيه
بلاش موضوع الطبيخ ده خاااااااااااااااااالص

اسمع كلامي يا شريف ابعد عن طبيخها لكن لو ماما هيه اللي هتطبخ كل وانت مغمض عينيك هتدوق احلي اكل من احلي ام في الدنيا

حرام عليك يا مفترية
ياما أكلتك من عمايل ايدي
أمال عصارة أفكاري اللي دايما باحطها في الطبيخ دي كانت بتروح فين
عموما ده عادي منك هو سيف حبيبي اللي كان بيفتح نفسي
طييييييييييييييب لما أشوفك

اولا: ده اقل من حجمك يا مايسترو لانى فعلا مش هقدر اوفى حضرتك حجمه

ثانيا: ايه اللى بيحصل ده يارباب ينفع الكلامه دى رانيا مسيحالك خااااااالث

انا بهدى النفوس مش اكتر

وعموما يا مايسترو انا هدوق عمايل ايد رباب قريب ان شاء الله

وهاجى اقول الحقيقه وانا متاكده من النتيجه

بس الحكم بعد المداوله

شايفة يا سندرلا عمايل اختي شقيقتي بنت أمي وأبويا
عموما لما تيجي ها تعرفي انها مفترية
نفذي انت بس الزيارة اللي بتقولي عليها من 100 سنة وانت هاتتبسطي

يخرب بيت الملوخية اللى هاتخسر الإخوات من بعضها
هاتوا عنكم الحلة دى
أنا فداكم يا جماعة .. هاشربها كلها لوحدى ولا تزعلوا بعض
أشربها بكرامتى أحسن
لأنى حاسس إنها فى الآخر هاتندلق عليا .. وأتحول ل"حسب الله"
بس مش السادس عشر .. لأ حسب الله بتاع ريا وسكينة

ماتنسوش تقولوا هاتدلقوا إيه الحلقة الجاية
علشان الحكيم مانع عنى حاجات تندلق عليا

سندريلا كتب:: اولا: ده اقل من حجمك يا مايسترو لانى فعلا مش هقدر اوفى حضرتك حجمه

ثانيا: ايه اللى بيحصل ده يارباب ينفع الكلامه دى رانيا مسيحالك خااااااالث

انا بهدى النفوس مش اكتر

وعموما يا مايسترو انا هدوق عمايل ايد رباب قريب ان شاء الله

وهاجى اقول الحقيقه وانا متاكده من النتيجه

بس الحكم بعد المداوله

ربنا يخليكى يا سندريلا
بس الحكاية مش ناقصة تهدى النفوس
إلحقى بسرعة كلمى المطافى .. أو أطلبى قوات الطوارئ الدولية

وبعدين بقى أنا أتعب نفسى واجيبلهم التوبيك اللى طلبوه
وتيجى إنتى تاخدى الملوخية عالجاهز
طيب على الأقل إبقى إوصفيلى كان طعمها إيه
دى بتقولك ست حبايب شخصيا هاتشرف عالأكل .. يعنى أكيد ملوش حل

لا يا جماعة ولا يهمكم احنا متعودين علي كده
مش علي دلق الطبيخ طبعا
لا علي العند والمناكفة
وخصوصا من رانيا احسن واحدة تتريق علي خلق الله عندها موهبة عظيمة في الحكاية دي
يعني الخناقة اللي علي الهواء مباشرة دي اقل حاجة عندنا
يلا ادينا وريناكم البث المباشر بدل اللي بيتقطع يوم الماتشات

ROBOS كتب:: لا يا جماعة ولا يهمكم احنا متعودين علي كده
مش علي دلق الطبيخ طبعا
لا علي العند والمناكفة
وخصوصا من رانيا احسن واحدة تتريق علي خلق الله عندها موهبة عظيمة في الحكاية دي
يعني الخناقة اللي علي الهواء مباشرة دي اقل حاجة عندنا
يلا ادينا وريناكم البث المباشر بدل اللي بيتقطع يوم الماتشات

ربنا يطمنك يا رباب
طيب ماقلتيليش برضه
هاتدلقوا .. أقصد هاتطبخوا إيه الحلقة الجاية
علشان أعمل حسابى .. يا خوفى لتكون كوارع وتتفتح دماغى

والله يا شريف حسب طلب الزبون
بس انا نفسي في البسلة بصراحة ومستنياها بفارغ الصبر
ها ايه رأيك

زى العسل .. إتفقنا
بس المرة دى بقى خلوا بالكم
ماتحدفوهاش بالحلة

توبيك رووووووووووووووووووووعة باللى فيه
تسلم الايادى صور نادرة وجميلة فعلا

الأروع تشريفك وردك الجميل
نورتى التوبيك بزيارتك يا زهرة منتدانا العطرة

شفت باه كل الناس مبسوطه بالصور اهوه اصلك بتقول مفيش اقبال
اهوه اهوه اهوه اقباااااااااااااااال منقطع النظير

وبعدين انا مبحبش البسله خليها فاصوليا او سمك مقلي

ماهى رباب منتهزة فرصة سفرك وهاتطبخها يا رانيا
إنتى بقى تبقى تطبخيلنا الفاصوليا أو السمك إن شاء الله
وأنا مستفيد من الناحيتين

أهو كدة خلوا الواحد يشتغل بنفس
ويجهز الجزء التانى بسرعة

» حلاوة زمان .. الحلقة السابعة
» حلاوة زمان .. الحلقة الثامنة
» حلاوة زمان : الحلقة الرابعة
» حلاوة زمان .. (الحلقة الخامسة)
» "حلاوة زمان" الحلقة الثالثة