حلاوة زمان : الحلقة الرابعة

حلاوة زمان : الحلقة الرابعة
أتمنى يكون المسلسل حاز على إهتمامكم ونال رضاكم

- الصورة 31 -

حلاوة زمان : الحلقة الرابعة Oldkhan

خان الخليلي عام 1899
وهو أعرق الأسواق والأماكن الشعبية في مصر .. فعمره الآن يزيد عن الـ 600 سنة
ويظهر في الصورة السابقة المنتجات النحاسية والتحف التي تشتهر بها على مر الزمان

- الصورة 32 -

حلاوة زمان : الحلقة الرابعة Haramup

السياح الأجانب عند زيارتهم للأهرامات .. ويحاولون صعودها
كانت طبقة معينة من السياح هم من يأتوا لزيارة الأهرامات .. فلم تكن السياحة وقتها لجميع الناس
دققوا النظر في الصورة السابقة .. المرأة المرتدية فستان أسود .. وهي أعلى واحدة .. تريد صعود الهرم ولذلك ربطت حول وسطها حبل .. والرجل بيشدها لأعلى

- الصورة 33 -

حلاوة زمان : الحلقة الرابعة Oldrha

المصلين في فناء أحد المساجد .. مستلقين على حصير .. لا موكيت ولا سجاد

- الصورة 34 -

حلاوة زمان : الحلقة الرابعة Oldjail

شاويش .. ومعه سجين ويقوده إلى السجن
شوفوا شاويش زمان .. زي الشاويش عطيه

- الصورة 35 -

حلاوة زمان : الحلقة الرابعة Korneesholdi

كورنيش النيل منذ 75 سنة !
طبعاً الآن أجمل بكثير وبالذات في المعادي وكذلك أمام الفنادق الفخمة وكوبري قصر النيل
ولكن ما يميزه من زمان هو الهدوء وعدم الزحمة .. فالصورة السابقة ليس بها سوى سيارة واحدة فقط !

لاحظوا معي على أقصى الضفة اليمنى للنيل .. توجد أشياء متراصة وراء بعضها
هذه عبارة عن بيوت عائمة على النيل في منتهى الروعة .. اسمها عوّامات .. ويمكنكم مشاهدتها في أفلام الأبيض وأسود

- الصورة 36 -

حلاوة زمان : الحلقة الرابعة Oldcairoegypthala

حلاوة زمان : الحلقة الرابعة Oldcairoegypthala

[size=21]حلاق الصحة فى القرى .. هو نفسه حلاق الشارع وتحت الكوبرى فى المدن والمراكز[/size]

[size=16]- الصورة 37 -

حلاوة زمان : الحلقة الرابعة Midanramses

جزء من ميدان باب الحديد "رمسيس"
ويظهر في الصورة ( التُرماي ) وهو موجود حتى الآن ولكن بشكل مختلف
نلاحظ أن الميدان هادئ والسبب الوحيد للزحام هو وجود "جنازة"

- الصورة 38 -

حلاوة زمان : الحلقة الرابعة Oldmasrelgdeda

حلاوة زمان : الحلقة الرابعة Oldmasrelgdeda

مصر الجديدة .. وهذه المنطقة موجودة الآن
المكان مصمم بطريقة جميلة ومنظمة .. حيث ينقسم الشارع إلى 4 أقسام ، 2 للسيارات و 2 للقطار
وهو من أرقى وأجدد أحياء القاهرة .. واحتفل هذا الحي بمرور 100 عام عليه منذ سنوات قليلة

- الصورة 39 -

حلاوة زمان : الحلقة الرابعة Ramsesold_1

تمثال رمسيس الثانى بعد أن وجدوه مدفوناً تحت الرمال فى ميت رهينة ..
تم العثور علي التمثال ملقي علي قفاه مكسور الساقين والتاج وأجزاء من الجسم في أحراش النخيل بمنطقة ممفيس "ميت رهينة" بالقرب من البدرشين في عام1883 وفي عام1954 قررت حكومة ثورة يوليو أن يزين أهم ميادين مصر[/size]
وفي الصورة السابقة رفعوه استعداداً لنقله

- الصورة 40 -

حلاوة زمان : الحلقة الرابعة Olddcafe

[size=21]مقهى قديم ..
ويبدو أنهم كانوا على أبواب رمضان .. حيث الفوانيس معلقة خارج القهوة[/size]

للمرة الرابعة
جميلة جداً و رائعة جداً
الله الله عليك يا أبو ندى يا فنان

ابو ندى مش غريب عليه الفن مايسترو و مهندس ديكور مبدع ما شاء الله

جمييييييييييييييلة قوي
صورة كورنيش النيل في منتهي الجمال
ومصر الجديدة في منتهي الروعة
ومنظر لبس السياح لذيذ جدا

رائع رائع يا شريف
وميدان رمسيس ماله كان فاضي كده ليه ده انا لما بكون هناك عشان اركب واجي المنصوره ببعد الناس بأيديا عشان اعدي

ندي عامله ايه دلوقت يا رب تكون بقت كويسه

تحياتي يا غالي واستمر بعد اذنك ومنتظر المزيد منك
وياترى السائحات دول كانوا بيوصلوا قمة الهرم بعد كام يوم
وكان الله في عون الناس اللي عمالة ترفعهم حجر حجر

أبوسيف حلمي كتب:: للمرة الرابعة
جميلة جداً و رائعة جداً
الله الله عليك يا أبو ندى يا فنان

للمرة الرابعة .. بتسعدنى بتعليقاتك الرائعة
شرفتنى بزيارتك وأسعدتنى بردك وبرضاك عن الموضوع يا بوالبطل يا غالى

hazemsoliman كتب:: ابو ندى مش غريب عليه الفن مايسترو و مهندس ديكور مبدع ما شاء الله

ماتحرجنيش بقى يا زعيم
ماتحرمش من حلاوة لسانك يا بو الشمس والقمر يا رافع معنوياتى

ROBOS كتب:: جمييييييييييييييلة قوي
صورة كورنيش النيل في منتهي الجمال
ومصر الجديدة في منتهي الروعة
ومنظر لبس السياح لذيذ جدا

الأجمل تشريفك خبيرتنا الجميلة
طبعا صور الكورنيش ومصر الجديدة دى خيال علمى حاليا يا رباب

أم سيوفه كتب:: رائع رائع يا شريف
وميدان رمسيس ماله كان فاضي كده ليه ده انا لما بكون هناك عشان اركب واجي المنصوره ببعد الناس بأيديا عشان اعدي

ندي عامله ايه دلوقت يا رب تكون بقت كويسه

الأروع زيارتك اللى نورت التوبيك يا رانيا
صورة الميدان دى تحديدا جايبها أغيظكوا بيها .. علشان تحسوا بالفرق بين زمان ودلوقت
ومتشكر جدا لسؤالك على ندى .. وهى الحمد لله أحسن كتير ورجعت تتشاقى تانى
ماتنسيش تبوسيلى زوزا وعريس بنتى

atilla كتب:: تحياتي يا غالي واستمر بعد اذنك ومنتظر المزيد منك
وياترى السائحات دول كانوا بيوصلوا قمة الهرم بعد كام يوم
وكان الله في عون الناس اللي عمالة ترفعهم حجر حجر

تحت أمرك يا بو النضال
وأعتقد السائحات دول كان آخرهم حجرين و"يكحوا"
وفعلا كان الله فى عون العمال اللى بتشيل
شرفتنى بزيارتك وأسعدتنى بردك اللذيذ يا موسوعة

ما شاء الله
صور تحفه وفعلا تغييييييييييييييييييييظ
وطبعا الاروع من صور حضرتك المجهود
فجزاك الله خيراوحفظك من اى اذى
بانتظار كل جديد لك

راجيه رضا ربى كتب:: ما شاء الله
صور تحفه وفعلا تغييييييييييييييييييييظ
وطبعا الاروع من صور حضرتك المجهود
فجزاك الله خيراوحفظك من اى اذى
بانتظار كل جديد لك

آسف إنى كنت السبب فى غيظك يا نونا .. بس يرضيكى يعنى أتغاظ لوحدى
بس الأروع من الصور والمجهود تشريفك وردك الراقى
نورتى التوبيك أختنا الفاضلة نونا الحنونة

» حلاوة زمان .. الحلقة السابعة
» حلاوة زمان .. الحلقة الثامنة
» حلاوة زمان .. (الحلقة الخامسة)
» حلاوة زمان : الحلقة التاسعة (عدنا)
» حلاوة زمان "الحلقة السادسة"