إقبال ضعيف على التذاكر و روح الفانلة الحمراء تأتي من الجماهي

[ندعوك للتسجيل في المنتدى أو التعريف بنفسك لمعاينة هذا الرابط]

عند ذهابنا لشراء تذاكر مباراة الديناموز من فرع الأهلي في الجزيرة، توقعنا أن نجد جمعاً غفيراً، خاصة بعد أداء الفريق و خسارته من المصري، و هو ما يحفز الجماهير عامة لدعم الفريق و حثه على إخراج أفضل ما عنده.

المنظر كان مفاجأة، حيث كان هناك ستة أشخاص غيرنا يقوموا بشراء التذاكر . على الرغم أن أسعار الدرجة الثالثة هو 10 جنيهات و 25 جنيهاً للدرجة الثانية. و 30 جنيهاً للأولى علوي و 75 للأولى الممتازة. و علمنا أن أعداد التذاكر التي تم بيعها حتى الآن منذ طرحها أمس الخميس هو عدد قليل جداً و لا يتساوى مع أهمية اللقاء الذي يمكنه إعطاء الأهلي أفضلية التأهل.

و لكن مسئول البيع قال لنا أن تذاكر المباريات الأفريقية خاصة إذا كان الفريق من غير دول شمال أفريقيا تزداد في اليوم الأخير. و لم نقتنع كثيراً بهذا الكلام و يبدو أن ما حدث في بورسعيد من مشاكل أمنية مع جماهير الأهلي و المشاكل الحالية التي تحدث برعاية إتحاد الكرة أصبحت تأتي بنتيجتها المرجوة على جمهور الأهلي.

فإذا كنا نطالب اللاعبين بالفوز و البطولات، يجب أن نؤدي دورنا كجماهير مسئولة عن "روح الفالنلة الحمراء" و التي عامة ما كانت تستمر في تشجيعها حتى الثواني الأخيرة من عمر اللقاء و تكون دافع كبير للاعبي الأهلي لتحقيق الفوز و إن تأخر.

و للتذكير فريق ديناموز نجح في إقصاء حامل اللقب النجم الساحلي الذي تفوق على الأهلي في القاهرة في نهائي كأس الأبطال الموسم الماضي، و نجح ديناموز في الفوز على النجم "جوه و بره" و أعتقد أن هذا بالإضافة إلى ما حدث في مباراة المصري و ما يحدث على الساحة الكروية كاف بأن يجعل من جماهير الأهلي تعود إلى المدرجات. و إلا فلا يجق لأحد الإعتراض على أي نتيجة أو أداء للفريق طالما تخلى عن دوره في التشجيع.

المصدر:Ahly News .com

اساسا الادارة مستغنية عن الجماهير شوفوا ادارة الزمالك مخلية التذاكر شبه ببلاش

الغالي ثمنة غالي يا طاطا
هتجيب الذمالك زي الاهلي
بس ده مش سبب لاحجام الجماهير عن الماتش
الجمهور زعلان

عندها حق الجماهير .. المشكلة مش مشكلة فلوس هى الناس اصلا هاتروح تتفرج على ايه؟؟ فريق كله عك فى عم وبيكسب ببركة دعا الوالدين وبأقدام بعض اللاعبين الموهوبين.. لما الفريق يبقى ادائه ممتع زى الأسماعيلى او حماسى زى المصرى نبقى نروح نتفرج فى الاستاد .. لكن احنا مانروحش عشان نتفرج على عك مدير فنى بيلاعب اللى على مزاجه واللى مش على مزاجه يركنه حتى لو كويس.. انا بيتحرق دمى وانا بتفرج فى البيت امال لو روحت الأستاد هايحصللى ايه .. بلا قرف

يا جماعة مفيش فريق بيكسب على طول ومفيش فريق بيادي حلو على طول واعتقد ان احنا كنا في قمة المنحنى الموسم اللي قبل اللي فات فلازم المنحنى ينزل شوية استعدادا للصعود مرة تانية وده بيحصل في اي فريق ما برشلونة ميت مش واقع والريال رجع يعلى تاني فاستحملوهم شوية.

وبيني وبينكم لما قعدت افكر في اللي جوزية عمله في ماتش المصري حسيت انه كان بيجرب تشكيلة دفاعية عشان لما نطلع نلعب برة في افريقيا وده طبيعي يمكن لم يكن موفق في اختيار العناصر الصح يمكن اللاعبين مكنوش في حالتهم لكن خليكم واثقين في جوزيه لانه ذكي جدا وعمره بيغلط الغلط نفسه مرتين وعموما خير وهتشوفوا ماتش ديناموا هيبقى عامل ازاي

شكرا سندرلا على الخبر وتقبلي مروري

Admin كتب:

ليه الأهلى مش يستغل شعبيته فى الأقاليم
يعنى مثلاً مباراة زى بتاعة ديناموز دى عدد الجمهور فيها هيكون قد ايه
هنفترض انه هيكون من 10 ألاف إلى 20 ألف متفرج
سعة ستاد القاهرة 70 ألف متفرج
يعنى العدد اللى هيبقى موجود ده هيكون مالى ربع المدرجات بس
طب ليه الأهلى مش يفكر يلعب مباريات أفريقيا برة القاهرة ؟؟؟ و جماهير الأهلى فى الأقاليم عطشانة أهلى
يعنى مثلاً جمهور المنصورة بيعشق الأهلى و كمان جمهور المحلة و الشرقية و اسكندرية
بلاش نقول الصعيد عشان حر اليومين دول
لكن اى بلد من اللى ذكرتهم دول ممكن يكون ملاعبهم بتتسع لـ 25 ألف متفرج أو أكتر شوبة
لو الأهلى فكر انه يلعب مباريات افريقيا على الملاعب دى هيكون فيه حشد جماهيرى كبير جداً ده غير الحماس اللى هيبقى عند اللاعيبة نتيجة الحماس الجماهيرى
اصلى بصراحة حاسس ان جمهور الأهلى فى القاهرة جالهم ملل من كتر ما الأهلى بيلعب عندهم
دى مجرد فكرة عارف انها هتزعل طاطا منى

بالعكي يا ادمين انا اصبحت مؤيد وبقوة لهذا الامر الان بعد مباراتي الزمالك كنت معارض هذا الامر وكنت ناوي اعمل موضوع اقول فيه شوفتو جماهير القاهرة ملت الاستاد ازاي لكن انا بصراحة اتخنقت من الادارة مش عارقف دا المفروض تعمل دخول الماتشات ببلاش كل مرة نقول معلش عشان خاطر الاهلي برشلونة وعملوا التذكرة ب 40 وتلات ارباع التذاكر كانت مع الرعاة واخويا في فودافون واتوزع علي كل موظفي فودافون تذاكر ماتش النجم وعملوا التذاكر ب 30 جنيه قولنا معلش ده نهائي لكن العملية زادت اوي انا كرهت الادارة ديه من ناحخية تعاملها مع الجماهير اخر حاجة ممكن تهتم بيها يعني ماتش زي ديناموزده انا محتاج الجماهير و عايز الاستاد يتملي اقوم عامل التذار بعشرة جنيه متشوف الزمالك بيعمل ايه عهشان جماهيره تروح رغم كده انا كنت ناوي اروح الماتش لكن مرض جدتي الشد
يد منعني لكن من حق الجماهير متروحش

يا ادمن كلامك جميل بس المشكله مش في المكان
المشكله انك تلاقي استاد مناسب للمبارايات الافريقية
ومحدش يقولي ملاعب افريقيا بتكون وحشة لانهم دول اخرهم بس بييجوا عند مصر وبيتلككوا

عايز اقول بالنسبة للتشكيلة ماونيل مجبر عليها تماما ودة عشان يحصل تجانس بين الاعبية و الا متزعلوش لو الاهلى وقع او اتغلب فى النهائى لازم نستحمل شوية و كلة هيعلب زى زيكم عايز اشوف العجيزى و احمد فرج و احمد على بس البطولة اهم يا جماعة و متزعلوش منى دة مش وقت لعب جميل المهم المكسب و ال3 بونت و بعد كدة حبة حبة الكرف هيعلى تانى و نلعب حلو زى مكلنا عايزين
انا عاذر الاعبيبة و الله هم عايزن يروحوا اليابان و الضغط عليهم جامد من جوة النادى و بره النادى منبقاش احنا كمان عليهم
السنة الى فاتت كنا عالين جدا فى شهر سبعة بعد ماتش الكاس و كانت ظاهرة غير صحية لاننا بعد ماتش اسيك و لحد نهاية الموسم و احنا مقدمناش كورة بالرغم من الفوز بالدورى مبدايا الكيرف بالنسبة للاعبين فى الصعود و المرحلة دة مش هتطول يعنى ماتشين تلات بالكتير و باذن الله نروح اليابان قولوا امين بقى

Admin كتب:

ليه الأهلى مش يستغل شعبيته فى الأقاليم
يعنى مثلاً مباراة زى بتاعة ديناموز دى عدد الجمهور فيها هيكون قد ايه
هنفترض انه هيكون من 10 ألاف إلى 20 ألف متفرج
سعة ستاد القاهرة 70 ألف متفرج
يعنى العدد اللى هيبقى موجود ده هيكون مالى ربع المدرجات بس
طب ليه الأهلى مش يفكر يلعب مباريات أفريقيا برة القاهرة ؟؟؟ و جماهير الأهلى فى الأقاليم عطشانة أهلى
يعنى مثلاً جمهور المنصورة بيعشق الأهلى و كمان جمهور المحلة و الشرقية و اسكندرية
بلاش نقول الصعيد عشان حر اليومين دول
لكن اى بلد من اللى ذكرتهم دول ممكن يكون ملاعبهم بتتسع لـ 25 ألف متفرج أو أكتر شوبة
لو الأهلى فكر انه يلعب مباريات افريقيا على الملاعب دى هيكون فيه حشد جماهيرى كبير جداً ده غير الحماس اللى هيبقى عند اللاعيبة نتيجة الحماس الجماهيرى
اصلى بصراحة حاسس ان جمهور الأهلى فى القاهرة جالهم ملل من كتر ما الأهلى بيلعب عندهم
دى مجرد فكرة عارف انها هتزعل طاطا منى

و الله الراجل ده بيقول كلام زى الفل (ربنا يرجعك بالسلامه يا أبو سيف)