عاجل : عبد ربه يوافق على ارتداء الفانلة الحمراء

<table cellSpacing=0 cellPadding=0 border=0><tr><td align=right background=images/bg.jpg>عاجل : عبد ربه يوافق على ارتداء الفانلة الحمراء
بتاريخ 28/5/2008
</TD>
<td background=images/bg.jpg>[ندعوك للتسجيل في المنتدى أو التعريف بنفسك لمعاينة هذه الصورة]</TD></TR></TABLE>
<table width="100%" align=right border=0><tr><td>

</TD></TR>
<tr><td>

علم موقع فالكووورة من مصادر مقربة جدا من الكابتن حسني عبد ربه نجم منتخب مصر والنادي الاسماعيلي ان اللاعب ابدى موافقته على ارتداء الفانلة الحمراء والانتقال لصفوف النادي الأهلي وذلك امتثالا لقرار الاتحاد الدولي لكرة القدم الصادر صباح اليوم

</TD></TR>
<tr><td>

فقد أقرت المحكمة الرياضية حكم نهائي بأحقية نادي ستراسبورج الفرنسي فى الحصول على البطاقة الدولية لحسنى عبد ربه مع توقيع غرامة مالية على النادى الأسماعيلى قدرها 300 ألف دولار لأخلاله بالتعاقد المبرم مع ستراسبورج بالاضافة الى إلزام النادي الفرنسي بأعادة مبلغ 300 ألف دولار للنادى الأسماعيلى وهي قيمة القسط الأخير فى عقد بيعه من الأسماعيلى إلى ستراسبورج هذا بالأضافة إلى 500 الف يورو الذى دفعهم الأسماعيلى لستراسبورج مع فوائد هذا المبلغ والتي وصلت الى بنسبة 2.8% تقريباً

</TD></TR>
<tr><td>

وقد اشار المصدر الى ان السبب الرئيسي لموافقة حسني عبد ربه على الانتقال للنادي الأهلي هو تخوفه الشديد من الايقاف او الحرمان من ممارسة كرة القدم فقد فضل الانتقال الى النادي الأهلي على بقاءه بدون كرة قدم

</TD></TR></TABLE>

[ندعوك للتسجيل في المنتدى أو التعريف بنفسك لمعاينة هذه الصورة]

شكرا يا حسنى ولعبتها صح وبينت للجماهير المنجاوية انك بتكره الاهلى ..انا بعد ما شفت سيد معوض وهو بيموت عالاهلى وعايز ييجى بأى طريقة مع انه كان اكتر واحد بيعمل مشاكل ساعة ماتشات الاهلى ممكن اصدق ان جماهير الاسماعيلى كمان ممكن تيجى تشجع الاهلى ..بس يللا بقى حكم القوى وتهديد شوية الحوش ليك خلاك تعمل التمثيلية دى وبصراحة الله يكون فى عون حسنى تعب جامد الفترة اللى فاتت

انا سامع دلوقتى فى الشباب والرياضة ان حسنى هييطلب بفسخ عقدة ستراسبورج

ياباشا مش هوا اللى عايز يفسخ العقد ولاكن سويلم افندى هوا صاحب الاقتراح علشان ياخد عموله من ورا اللاعب ومش مهم اذا كان حسنى يدفع غرامه او يتوقف بس اهم حاجه عند سلومه الفلوس اما اللاعب يروح فداهيه مش مهم(اخر اخبار سويلم ان فيه ناس شافوه من شويه فى ميدان رمسيس وناكش شوية الشعر اللى فى قفاه لانو بعيد عنكم اقرع ومبهدل ولابس شرط وتى شيرت نصه ابيض والنص التانى اصفر وعمال يزعق مره يقول دكتورى هوسنى هوسنى دكتورى(مع الاعتذار للفنانه شاديه)ومره يقول انا حسحس وحسحس انا(برضه نعتذر لمحمود حميده)....

معقولة

معقوله على حسنى ولا هبل سويلم ههههههههههه على العموم انا شفت الغندور فى البرنامج الغريب اللى بيقدمه بخصوص موضوع حسنى شكله مضايق ومتعصب بطريقه جامده وجاب جماهير الاسماعيلى وهما بهاجموا الاهلى ناس صراحه مش عارف اقول عليها ايه وبعدين اتصل باخو حسنى اللى قال انى حسنى بيكتب رغبه انه يفسخ عقده مع ستراسبورج ومع انى كنت بدافع عن حسنى ونفسى يكون فى الاهلى ولاكن لو الكلام ده صح فمش عايزينك وف60 داهيه

معلش شوفتوا الراجل الاسمعلاوى اللى اقل وصف عليه انو متخلف بيقلك الاهلى سبب ازمة العيش فى البلد هههههههههههه شفتوا قمة التخلف والهبل وعمال يقول انا بكرهم بكرهم بيفكرنى بافلام انور وجدى وحسين صدقى وصراحه انا مش عارف اقول ايه غير انوا شعور متبادل فاذا انتوا كنتم بتكرهونا علشان الحقد والغل والحسد اللى من نحيتكم تجاه الاهلى فاحنا بنكرهكم علشان قلة......الشديده وضميركم اللى اسود من شعر راسكم ياجماعه الكلام ده واحد قالوا فى برنامج الغندور اللى كان النهارده صاحب فتنه عاليه واشتغل الله ينور على الاهلى حد يسألنى ليه اقلك ليه 1-موضوع حسنى عبد ربه والتشكيك فى القرار وان حسنى مش عايز يلعب فى مصر والمفروض يحترف بره المهم مايلعبش فى مصر 2-استضاف اسامه خليل على التليفيون اللى كان شويه وهيعيط 3-اتصل بطارق اخو حسنى اللى كاين من صوته انه كان خايف وقال على حكاية الورقه اللى عايز يبعتها حسنى لفسخ التعاقد مع النادى الفرنسى وخالد عمال يسخن فى الحوارات 3- وبعدين استضاف ناس من الاسماعيلى اللى اشتغلوا يشتموا فى الاهلى واللى كان منه الحوار اللى فى اول كلامى 4-جاب مانشيت بخصوص اينو وان الاهلى هايستغنى عنه واتصل باينو والصحفى اللى كتب الخبر والصحفى لما اتكلم قال كلام على اينو مايصدرش من واحد محترم وانما من واحد ..... 5-بعدين دخل على الزمالك واتفرج ياحبيبى تحس ان الزمالك ده جنه واتكلم بنظام انت بابا وانت ماما وانت انور وجدى اول حاجه قلك ممدوح عباس فى انجلترا علشان يخلص صفقة اجوجو بتاع غانا اللى كان عايزه الاهلى شفتوت الكلام الحلو وبعدين قلك بعد شويه هانصتضيف علاء كمال ومحمود سمير صفقات الزمالك الجديده وبعدين كفايه كده وشوف البرنامج فى الاعاده باليل واتفرج على المسخره اللى كانت فى برنامج الغندور بصراحه بقت حاجه تقرف

واضح ان المسدس لسه في دماغه ياجدعان

وياخوفي يكونوا مهددينه بخطف اهله المهابيش دول

والواد دة هيبقى ضحية الجهل بتاع الناس دي وهيبطل لعب كورة خالص

والناس دي عاملة زي الدبة اللي قتلت صاحبها

وسبحان الله كانوا بيقولوا سيبوا الحضري يشوف مصلحته

وغلطونا اننا صعدنا الموضوع للفيفا عشان مايتوقفش قال اية خايفين على مصلحة مصر

ودلوقت ملعون ابو مصر وابو كاس العالم مش مهم المهم مايلعبش في الاهلي

طيب ياحلوين خلوه يفسخ عقده ويتوقف اربع شهور دة غير الفترة اللي هتفضل فيها القضية

دة طبعا غير النص مليون يورو والكلام اللي ممكن النادي الفرنساوي يعمله عشان يطول القضية

ويضيع الواد وكل دة عشان كرههم للاهلي اكتر من مصلحة حسني عبدربه

وعن نفسي وبجد الواد دة صعبان عليا فعلا وربنا معاك يابني ويرفع عنك كل دة

مش صعبان علي هو لازم يكون عنده شوية عقل
عموما شوبير قال ان سويلم دلوقتي في اسكندرية (معسكر المنتخب هناك) علشان ياخد امضاء حسني علي ورقة فسخ التعاقد دي
وقال ان لو شحاتة سمح بكده يبقي غلط
في الراديو كمان هاجم سويلم وقال ان الموضوع كله حرب بين وكلاء اللاعبين
وان اتحاد الكرة ما بيتعاملش مع سويلم لأنه غير مسجل كوكيل رسمي
أمال بيشتغل ايه ؟؟؟؟؟؟؟؟؟؟؟؟؟؟؟

الواد ده لازم نحتقره و لا نعطيه أكبر من حجمه و إلا سيجعل منا أضحوكة و يظهرنا بمظهر الملهوف عليه و هو الرافض لنا و الشهم اللي هيبيع كل حاجة علشان محافظة المنجاوية....ده أحقر من إنه يكون موضع كل هذا الإهتمام...و لو هو فذ قوي كده ليه ستراسبورج هبط درجة تانية ولا فين البطولات اللي جابها للمنجاوية و أعتقد إنه كان في قائمة الشرف المنجاوية اللي شالوا 6-0 في الإسماعيلية......بلاش نغيب عقلنا و نجري وراه و هو أحقر من كده بكتييييييييييييير

» النحاس في البرتغال للتأهيل.. جوليانو يقترب من ارتداء الفانلة الحمراء..
» إقبال ضعيف على التذاكر و روح الفانلة الحمراء تأتي من الجماهي
» هل سيرتدي مبوتو الفانلة الحمراء في يناير المقبل؟
» روح الفانلة الحمراء تهدى الأهلى فوزاً صعباً على الترسانة
» هل يرتدي عبد ربه وعمر جمال الفانلة الحمراء في الموسم القادم