عفواً سيادة الرئيس.. الزمالك أهم من الحضري!!!

عفواً سيادة الرئيس.. الزمالك أهم من الحضري!!!

كتب/ عبدالعزيز أبوحمر
يتلقى الشعب المصري تغطية إعلامية فاسدة دخلت البلاد مع شحنات الأغذية الدانمركية المحتوية على لحم القطط والكلاب. والمنتجين للمواد والبرامج الإعلامية وهم من شريحة رجال الأعمال الفضائية يعرفون كيف يسوقون بضاعتهم لهذا الشعب المستهلك الكادح والمنكوب الذي وجد في كرة القدم مصدراً وحيداً للتخلص الوقتي من الشقاء والبؤس..

ومثلما راجت مقولة أن السيد الرئيس حسني مبارك أمر بالابتعاد عن طريق حسن شحاته في أعقاب أمم أفريقيا 2006، ومثلما خرج سمير زاهر رئيس الاتحاد وقال إن السيد الرئيس (أمر) بحل مشاكل نادي الزمالك، وأكدت ذلك صحف قومية ووكالة أنباء الشرق الأوسط الرسمية، قامت نفس وسائل الإعلام بمباركة من 150 ألف محلل تلفزيوني على 245 قناة فضائية بمباركة تعليمات سيادة الرئيس بحل مشكلة الحضري!!..

وللأسف فإن توصيات وتعليمات السيد الرئيس عن الحضري وتوابعها (قال صحفي في أحد البرامج أن عمرو ذكي طلب من الرئيس التدخل لاحترافه)، تصبح مادة موسمية دسمة للتهليل والتطبيل الذي لم يطلبه السيد الرئيس ولم يسعى إليه. وفي هذه الأيام المباركة، لم يكن العبدلله محظوظاً، فلو كنت في القاهرة مثلاً، لزعمت أنني كنت أمر في الشارع المجاور لمقر السيد الرئيس أثناء التكريم ولنسبت إليه أنه أشاد بمواقفي الشجاعة في سوبركورة.. لكن ملحوقة سأفعل ذلك بإذن الله إذا قام سيادته بزيارة قريبة لدولة قطر.

وإذا كان السيد الرئيس يتعايش مع هموم الشعب الكادح، فإنني أقول أن من ينقلون عن السيد الرئيس كل هذه النوايا الطيبة يسيئون لمقام الرئاسة مع التذكير بأن (تعليمات) السيد الرئيس الفورية قبل حين بحل مشاكل الزمالك كان تأثيرها عكسياً (وغرق ولا يزال يغرق الزمالك) في عهد الفاتح عباس. وبهذا المقياس فإن السواد الأعظم من جماهير الأهلي التي لا ترغب في عودة الحضري، عليها أن تضع في بطنها بطيخة صيفي لأن بطيخ الحضري لن يعود.. إذا كان هكذا يتم (تنفيذ) تعليمات الرئيس.

ولزوم أكل العيش وتربية الأولاد وسداد قسط الشقة وقسط السيارة وقسط القرض، فإنني لن أقول ما كان يجب أن يقوله أو يفعله السيد الرئيس الذي دفعت أبناء قريتي أبوحمر للتصويت لسيادته في الانتخابات الرئاسية الماضية، لكنني سأتخيل لو كان رئيس جمهورية البحر الأبيض هو "عبدالعزيز أبوحمر"..

وبصفتي الآن رئيساً لجمهورية البحر الأبيض أعلن، مع كل الاحترام للشعب الحضري الشقيق، عن حل مشاكل الشعب الأبيض المنكوب.. وأعلن فوراً تعيين المشير طنطاوي رئيسا لنادي الزمالك لمدة 3 سنوات يدخل خلالها الخفافيش جحورها حتى تنصلح الأمور في هذا القلعة الرياضية العريقة، وأعلن من الآن أن انتخابات نادي الزمالك ستجري يوم الخميس 16 يونيو 2011، على أن لا يتحدث أحد عن هذه الانتخابات إلا اعتباراً من 16 مارس 2011 ووفقاً لنظام يضعه المجلس المعين..

هكذا يأخذ عبدالعزيز أبوحمر رئيس جمهورية البحر الأبيض قرارته الشعبية، ولا عزاء للحضريسيون ونلتقي في اللومانسيون!!

عاوز اية الراجل دة يا شريف
مشير مين اللي يمسك الزمالك مش فاهم
طيب مايدوا الاهلي اجازة وخلاص
الموضوع بيفكرني بطفلين واحد منهم خايب وبيتغلب في اللعب من اخوه
ووالدته تقوله سيب اخوك يغلبك عشان بيعيط
هو خلاص الزمالك لازم الحكومة تتدخل عشانه
طيب يلحقوا المصري والاتحاد بالمرة ولا دول مش اندية عريقة جدا جدا وشعبيتها رهيبه
وكفاية ان المصري لو نزل بورسعيد الدنيا هتقف فيها
بصراحة مش عارف اقول اية
وحسبي يا الله ونعمة الوكيل في اللي سابوا اعرق اندية مصر تنزل وماتطلعش تاني السكة والاوليمبي
عقبال ما اشوف الزمالك معاهم
قولوا يارب
ومشكور يا شريف للموضوع

وفيها ايه يعني هي وزاره الدفاع وجيش مصر اهم من الزمالك
الواجب ان احنا ننزل جيش مصر كله يلعب للزمالك
او نكسبه بطولتين والتالته مجانا
وفي الحج الجاي يجبرو الحجاج بالدعاء للزمالك واللي يقفشوه ما بيدعيش للزمالك تتلغي الحجه اللي عملها ويدفع شرط جزائى

atilla كتب:: عاوز اية الراجل دة يا شريف
مشير مين اللي يمسك الزمالك مش فاهم
طيب مايدوا الاهلي اجازة وخلاص
الموضوع بيفكرني بطفلين واحد منهم خايب وبيتغلب في اللعب من اخوه
ووالدته تقوله سيب اخوك يغلبك عشان بيعيط
هو خلاص الزمالك لازم الحكومة تتدخل عشانه
طيب يلحقوا المصري والاتحاد بالمرة ولا دول مش اندية عريقة جدا جدا وشعبيتها رهيبه
وكفاية ان المصري لو نزل بورسعيد الدنيا هتقف فيها
بصراحة مش عارف اقول اية
وحسبي يا الله ونعمة الوكيل في اللي سابوا اعرق اندية مصر تنزل وماتطلعش تاني السكة والاوليمبي
عقبال ما اشوف الزمالك معاهم
قولوا يارب
ومشكور يا شريف للموضوع

الراجل دا أهلاوى يا أتيلا .. وبيتريق على دفاع الإعلام عن الحضرى .. وشعلقتهم فى حدوتة توجيهات الريس
وبيطمن الأهلوية إن لو هانمشى ورا توجيهات الريس هايتخرب بيت الهارب .. لأن له سوابق(ماحدش يفهمنى غلط) فى توجيهات مماثلة بحل مشاكل الزمالك مرة والإسماعيلى مرة .. والنتيجة الوضع الحالى
وفى النهاية بيفكر الزملكاوية اللى بيساندوا الحضرى بمشاكلهم وخناقاتهم اللى مالهاش حل غير وزير الدفاع يمسك الزمالك ويفرض حالة الطوارئ 3 سنين عالأقل
لكن ردك لذيذ كالعادة أخى .. شرفتنى بزيارتك يابو النضال

أم سيوفه كتب:: وفيها ايه يعني هي وزاره الدفاع وجيش مصر اهم من الزمالك
الواجب ان احنا ننزل جيش مصر كله يلعب للزمالك
او نكسبه بطولتين والتالته مجانا
وفي الحج الجاي يجبرو الحجاج بالدعاء للزمالك واللي يقفشوه ما بيدعيش للزمالك تتلغي الحجه اللي عملها ويدفع شرط جزائى

على رأيك يا رانيا .. وتطلع تعليمات لقاطنى السيدة زينب والسيدة عيشة إنهم يكنسوها على الأهلى المفترى
حلو قوى عرض الدقايق اللى منزلاه دا .. بس هما هايسبقوا السنة دى ويدوهم الكاس مجانا
إبسطى يا ندى .. حماتك زى العسل
شرفتينى بزيارتك وأسعدتينى بردك يا حماة بنتى

الراجل ده بيكلم صح هو يعني الريس فاضي خلاص و مفيش وراه غير عمر ذكي و احترافه و الحضري و مشاكله عجبي
و لكن احب ان اضيف تعليق مهم
الي متي سوف نظل نعتقد ان الاهلي و الزمالك بدونهم سوف تنهار الكره في مصر و ان الذمالك بهذا الوضع يضر بمستوي الكره في مصر و انه اذا لم يعود لمستواه قريبا فسوف تنتهي الكره في مصر و ان نزول الزمالك درجه ثانيه نهايه الرياضه
سوف اضرب امثله صغيره لكي يعرف الجهلاء كيف نفكر و كيف يفكر العالم المتقدم:
اليوفنتس : نزل الي دوري الدرجه الثانيه و تم خصم منه عدد من النقاط و مع ذلك فازت اطاليا بكاس العالم
مارسيليا : تم هبوطه الي الدرجه الثانيه عام 98 او 97 لا اتذكر و سحبت منه بطوله اوربيه و فازت فرنسا بكاس العالم
فهل الزمالك اهم او اعرق من اليوفنتس او مارسيلايا عجبي

الحمد لله كل مشاكلنا اتحلت و الريس بتاعنا من قلة المشاكل فى البلد بيهتم حتى بأدق المشاكل لاعب هرب من ناديه و جمهوره لكنه مواطن يهتم به الرئيس شخصيا كاهتمامه بكل مواطن و مشاكله

مشكوووووووووور يا مايسترو قلبت عليا المواجع

helgamal كتب:: و لكن احب ان اضيف تعليق مهم
الي متي سوف نظل نعتقد ان الاهلي و الزمالك بدونهم سوف تنهار الكره في مصر و ان الذمالك بهذا الوضع يضر بمستوي الكره في مصر و انه اذا لم يعود لمستواه قريبا فسوف تنتهي الكره في مصر و ان نزول الزمالك درجه ثانيه نهايه الرياضه
سوف اضرب امثله صغيره لكي يعرف الجهلاء كيف نفكر و كيف يفكر العالم المتقدم:
اليوفنتس : نزل الي دوري الدرجه الثانيه و تم خصم منه عدد من النقاط و مع ذلك فازت اطاليا بكاس العالم
مارسيليا : تم هبوطه الي الدرجه الثانيه عام 98 او 97 لا اتذكر و سحبت منه بطوله اوربيه و فازت فرنسا بكاس العالم
فهل الزمالك اهم او اعرق من اليوفنتس او مارسيلايا عجبي

يخرب عقلك يا هانى .. رد أكثر من مفحم لأهلاوى أكثر من رائع
لكن الحجة دى مش هاتبطل .. لأن السبوبة أهم 1000 مرة من الضمير عند إعلامنا الأغبر
شرفتنى بمرورك خبيرنا الكروى

hazemsoliman كتب:: الحمد لله كل مشاكلنا اتحلت و الريس بتاعنا من قلة المشاكل فى البلد بيهتم حتى بأدق المشاكل لاعب هرب من ناديه و جمهوره لكنه مواطن يهتم به الرئيس شخصيا كاهتمامه بكل مواطن و مشاكله

مشكوووووووووور يا مايسترو قلبت عليا المواجع

إمسح دموعك يا زعيم .. سعد باشا الله يرحمه قال .. مافيش فايدة
شرفتنى بمرورك ونورتنى بردك جارى الحبيب .. ترجع بالسلامة بإذن الله

حازم وشريف صوره العريس والعروسه نزلت يا ريت متغيروش رأيكم

خالاااااااااااااسى .. إيه العسل دا .. بسم الله ماشاء الله .. اللهم صلى على سيدنا محمد
كدا إحنا متفقين .. ولو عايزة أدفع أنا المهر كمان مافيش مانع
ربنا يخليهملك ويحفظهم ويكرمك بيهم إن شاء الله

شكرا يا شريف وربنا يخليلك ندي وتشوفها دكتوره الاول وبعدين عروسه انشاء الله

بس حازم ما ردش باين روزانا مش عجباه فانسحب بهدوء

ابدا و الله انا مسافر بس و بادخل على المنتدى قليل

ما شاء الله لا قوة الا بالله ربنا يبارك لك فيهم و يجعلهم قرة عين لك و لابيهم يا رب

دول اجمل من القمر و كدا مهر روزانا زاد 500 علبة كلبظ (لمامتها )

شكرا يا حازم وربنا يخليلك أولادك وتشوفهم احسن ناس

بس يا ريت مع القلبظ كم ازازه بيبسي حجم عائلي

يا سلام بس كده انتى تؤمرى دى روزانا ما شاء الله تستاهل مصنع بيبسى بحاله
بس انا مقاطع بيبسى ممكن شويبس

» الأهلي يوافق على رحيل الحضري بأمر الرئيس
» الرئيس سأل الحضري..عن الاحتراف ومشاكله والتوقيع علي كأس أحسن
» السادة أعضاء مجلس إدارة الإسماعيلى .... عفواً أنتم جبناء
» الرئيس الشرفي لصفاقس: الزمالك سيفوز على الأهلي
» انقلاب ضد الحضري في الزمالك