الأهلى يتراجع في تصنيف IFFHS

الإسماعيلي يتقدم و الأهلى و الزمالك يتراجعان فى تصنيف IFFHS
محمد صلاح
تراجع نادى الأهلى عن الترتيب العالمى للأندية بـ 8 مراكز ليحتل المركز 62 عالميا بعد أن كان فى المركز الـ54 وواصل غريمه الزمالك السقوط ليحتل هو الأخر المركز 257 بعد أن كان فى الركز 256 الشهر وتقدم الإسماعيلي إلى 120 مقارنة مع المركز 133 الماضى وجاءت تلك الإحصائيات وفقاً للتصنيف الذي يصدر شهريا عن الاتحاد الدولي لتأريخ وإحصاء كرة القدم (IFFHS).

بينما جاء نادى تشيلسى الانجليزى على قمة أفضل الأندية وتلاه نادى ميلان الإيطالى بينما جاء فى المركز الثالث اشبيليه الأسبانى وجاء ف المركز الرابع مانشستر يونايتد .

واحتل المركز الأول عربيا وإفريقيا نادى النجم الساحلى التونسي و احتل المركز الـ 42 عالميا .

أفضل خمسة أندية عربيا:

42- النجم الساحلي التونسي
62- الأهلي المصري
89- الهلال السوداني
91- الاتحاد الليبي

تصنيف بدنجان أكيد الخبير العالمى علاء صادق هو اللى وضع طريقة التصنيف البدنجان ده

بس اعتقد ان ده طبيعي يا د. مراد
لأن شهر يناير وفبراير ما كانش فيه ماتشات كثير محلية للأهلي
وكان فيها هزيمة في كأس مصر
وما لعبناش في أفريقيا
لكن النجم مثلا كسب السوبر في الوقت ده

طيب يارباب ازاى الاسماعيلى زاد مع ان هومفيش مشاركة لية اصلا فى اى بطولة غير الدورى واحنا كسبنا كل المباريات فى خلال الشهرين الا ماتش الكاس ازاى الترتيب دة ؟؟؟

وديت ادمين فين يابو سيف
لاداعي للانكار

مش عارفة يا كوجاك
بس جايز لأن الاسماعيلي أصلا ترتيبه متأخر فبيفرق معاه أكثر ماتشات الدوري المحلي
لكن الأهلي بيرتب مع فرق متقدمة بتلعب في بطولات محلية وقارية
باقول جايز ولا ايه رأيكم ؟

لا طبعا يا رباب مش كدة خالص بس برضة الله اعلم الترتيب دة بيتحسب ازاى

بالعكس يا محمد .. لو حسبناها هانلاقى تفسير رباب منطقى
مشكور نائبنا الموقر فى مركز الإحصاء والتعبئة

ممكن يكون كلام الأخت روبوس صحيح و يكون الإسماعيلى بيتخطى فرق متأخرة و الأهلى بيتراجع أمام فرق متقدمة (لكن برضه تصنيف خاطىء لأن ممكن فريق من موزمبيق يفوز فى كل ماتشاته و على فرق تعبانة و نلاقيه قبل الأهلى فى التصنيف لأنه فاز فى مباريات أكثر من الأهلى يعنى بينظروا للمباريات كماً و ليس كيفاً و ده خطأ)

الاسماعيلي علي يا جماعة عشان الاندية اللي فوقيه مكسبتش لكن هو يعني

منوراين الأحصائية يا أفاضل و الله
و تقريباً أن كان في حالة بيات شتوي و ده كان سبب إرتفاع الأسماعيلي
مشكور مرور الأفاضل و رد الكرام
د. مراد و د. روبوس د. كوجاك د. مايسترو شريف د. طاطا : أنا بريء و الله يا بيه

العفو يا د. أبو سيف

Dr Mourad كتب:: ممكن يكون كلام الأخت روبوس صحيح و يكون الإسماعيلى بيتخطى فرق متأخرة و الأهلى بيتراجع أمام فرق متقدمة (لكن برضه تصنيف خاطىء لأن ممكن فريق من موزمبيق يفوز فى كل ماتشاته و على فرق تعبانة و نلاقيه قبل الأهلى فى التصنيف لأنه فاز فى مباريات أكثر من الأهلى يعنى بينظروا للمباريات كماً و ليس كيفاً و ده خطأ)

ما أظنش أبدا أن ده ممكن يحصل يا د.مراد لأن اللي أعرفه أن الفريق الافريقي لما يكسب ماتشات في الدوري المحلي يأخد درجة معينة (أقل من الدرجة اللي يأخدها الفريق في أوربا أو في أمريكا الجنوبية لما يكسب ماتش دوري في بلده)
ودرجة الماتش في بطولة قارية بتكون أكبر بكثير من بطولة محلية وبرضه بيتضرب في رقم بيكون أكبر في أوربا عن أمريكا عن أفريقيا .
أقصد أن لو برشلونة مثلا كسب ماتش في بطولة أوربا يضربوا الدرجة في 4 ولو فريق أمريكي يبقي الضرب في 3 ولو افريقي يبقي في 2 وهكذا وعلشان كده بتفضل الفرق الأوربية متقدمة ويليها الأمريكية وتفضل الفرق اللي بتحقق نتائج في البطولات القارية متقدمة أكثر من اللي ما بتشاركش أو بتخرج بدري بدري .
( مش عارفه قصدي واضح ولا مش عارفه اوضحه كويس ؟ عموما لو في أي مجلة نزلت طريقة الحساب بالتفصيل ها أنقلها لكم ان شاء الله )

ROBOS كتب:

Dr Mourad كتب:: ممكن يكون كلام الأخت روبوس صحيح و يكون الإسماعيلى بيتخطى فرق متأخرة و الأهلى بيتراجع أمام فرق متقدمة (لكن برضه تصنيف خاطىء لأن ممكن فريق من موزمبيق يفوز فى كل ماتشاته و على فرق تعبانة و نلاقيه قبل الأهلى فى التصنيف لأنه فاز فى مباريات أكثر من الأهلى يعنى بينظروا للمباريات كماً و ليس كيفاً و ده خطأ)

ما أظنش أبدا أن ده ممكن يحصل يا د.مراد لأن اللي أعرفه أن الفريق الافريقي لما يكسب ماتشات في الدوري المحلي يأخد درجة معينة (أقل من الدرجة اللي يأخدها الفريق في أوربا أو في أمريكا الجنوبية لما يكسب ماتش دوري في بلده)
ودرجة الماتش في بطولة قارية بتكون أكبر بكثير من بطولة محلية وبرضه بيتضرب في رقم بيكون أكبر في أوربا عن أمريكا عن أفريقيا .
أقصد أن لو برشلونة مثلا كسب ماتش في بطولة أوربا يضربوا الدرجة في 4 ولو فريق أمريكي يبقي الضرب في 3 ولو افريقي يبقي في 2 وهكذا وعلشان كده بتفضل الفرق الأوربية متقدمة ويليها الأمريكية وتفضل الفرق اللي بتحقق نتائج في البطولات القارية متقدمة أكثر من اللي ما بتشاركش أو بتخرج بدري بدري .
( مش عارفه قصدي واضح ولا مش عارفه اوضحه كويس ؟ عموما لو في أي مجلة نزلت طريقة الحساب بالتفصيل ها أنقلها لكم ان شاء الله )

كلامك مظبوط لان قوة البطولة بتفرق في درجاتها وكمان الفرق ان الاهلي نزل والاسماعيلي زاد بسبب ان ممكن الفرق
اللي بتنافس الاسماعيلي انهزمت فنزلت وبالتالي هو طلع عشان كدة وممكن دة حصل بالعكس مع الاهلي
ولو نتذكر ان الاهلي وصل لترتيب متقدم لاستمرار مشاركاته وانتصاراته ودة في خلال اكتر من سنتين متصلين

شكراً لتوضيحك يا أخت روبوس

العفو يا د. مراد حضرتك بس تؤمر

الأمر لله وحده

» تصنيف أندية العالم: الأهلي يتراجع للمركز 34 ..
» تصنيف أندية العالم: الأهلي يتقدم .. والزمالك يتراجع
» الأهلي يتراجع للمركز السابع والثلاثين في تصنيف الإتحاد الدول
» الأهلى يتراجع عن التعاقد مع حمدى سيف
» الأهلى يتراجع عن التعاقد مع حمدى سيف