الأهلي يتراجع للمركز السابع والثلاثين في تصنيف الإتحاد الدول

الأهلي يتراجع للمركز السابع والثلاثين في تصنيف الإتحاد الدولي للتأريخ والإحصاء لأندية العالم.
احتل النادي الأهلي المركز السابع والثلاثين في تصنيف الإتحاد الدولي لتأريخ وإحصاء كرة القدم علي مستوي العالم متراجعا 12 عن المركز الذي إحتله في الشهر الماضي حيث كان في المركز الخامس والعشرين وذلك بعد هزيمة الكأس الأفريقية .

ولعب الأهلي في التاسع من الشهر الماضي أمام النجم الرياضي الساحلي وتعرض لخسارة مفاجئة بثلاثة أهداف مقابل هدف أفقدته اللقب الأفريقي الذي كان علي بعد خطوات من التتويج به عقب تعادله سلبيا مع النجم في سوسة .

كما لعب الأهلي في الدوري أمام الإسماعيلي وتعادل بهدف لكل فريق قبل أن يفوز علي الإتحاد السكندري بهدفين نظيفين في الإسكندرية . ويذكر أن الفريق لم يلعب لقاء بتروجيت بسبب تعارض يوم اللقاء مع أخر أيام دورة الألعاب العربية حين لعب المنتخب المصري أمام نظيره السعودي .

وحافظ الأهلي علي صدارته العربية والأفريقية في هذا التصنيف حيث يأتي أول نادي عربي وأفريقي خلفه في المركز الثالث والخمسين وهو نادي النجم الرياضي الساحلي متقدما ثلاثة مراكز عن التصنيف الأخير .

وتصدر التصنيف فريق أشبليه الاسباني وتلاه مانشستر يونايتد الإنجليزي الذي تقدم مركزا بعدما إحتل المركز الثالث في التصيف الأخير وتراجع تشيلسي مركزا ليحتل المركز الثالث بدلا من المان وظل سانتوس البرازيلي رابعا وتقدم الميلان مركزين ليحتل المركز الخامس مناصفة مع غريمه الأزلي الإنتر .

ويتقدم الأهلي في الترتيب علي فرق كبيرة مثل بنفيكا ( 39 ) ومارسيليا ( 44 ) .

زعلنى اوى الخبر ده

بس ان شاء الله خير

وان شاء الله يتقدم النادى الاهلى فى الفتره القادمه

لابو سيف اجمل تحيه وتقدير

جزاه الله كل الخير

رغم إنه خبر مش حلو لكن بنشكرك عليه

ورغم ذلك الأهلى الأول عربيا وأفريقيا والزمالك 202

ماتقلقوش يا جماعة .. عندنا الشهر ده 7 مباريات كفيلين بإذن الله بالتقدم فى الترتيب ونرجع للعشرينات
مشكور معالى وزير الإعلام الأهلاوى .. ولو إنى لسة زعلان برضه

نورتوني بمروركم اخواني الكرام المحترمين
نونا الفاضلة
و أستاذنا وائل فتح الله
و المايسترو شريف اللي مش لاقي سبب لزعله (( مين فينا اللي يزعل يا شريف ))

معقول ما قريتش ردودنا بعد إتهامك القاسى لينا فى مقالة توضيح مش أكتر؟
زعلان من حسن ظنك بينا يا أخى

ايه ده وانا كمان زعلانه يابو سيف مرتين مرة عشان سوء ظن حضرتك بينا ومرة عشان مش قريت ردودنا علي كلام حضرتك يعني حضرتك اتهمتنا وماهتميتش بانه تسمع ردودنا

ولا تنسوا ذكر الله

يا اهلي ما يهزك هزيمة انت قلعة عظيمة

بصراحة شديدة أخواني الكرام شريف وأمة الله اللي خاطركم على رأسي و رأس أهلي كمان بس أنا كنت بيني و بين نفسي تعاهدت ألا أدخل هذه المقالة أبداً مهما حصل و كذلك أي موضوع غير أهلاوي في المنتدى و قولت يا عم أهل مكة أدرى بشعبها
محدش يزعل مني لأني لم أسيء الظن بحد لا بالواد الزملكاوي و لا بيكو فربنا يكرمكو الموضوع خلص خلاص و بلاش نفتحه تاني ربنا يعزكم و حقكم على رأسي من فوق

علي فكرة يابو سيف مش كنت اعرف انه حضرتك كده وانا اسفه لو كنت دايقت حضرتك في حاجه بس بجد كنت متوقعه انه ظن حضرتك فينا احسن من كده ومش هافتح اي مواضيع

ولا تنسوا ذكر الله

amtallah كتب:: علي فكرة يابو سيف مش كنت اعرف انه حضرتك كده

ولا تنسوا ذكر الله

معلش يا أمة الله فهيميني الجملة دي علشان أعرف أرد عليكي

اقصد انه حضرتك مش بتتعامل مع الاخرين بحسن الظن ومش بتحب تسمع وجهة نظر حديحاول توضيح قصده لحضرتك يعني مش عايز تسمع تعليقي

ولا تنسوا ذكر الله

أبو سيف مش رافض يسمع تعليقك يا أمة الله
هو بس عارف نفسه لما العرق القناوى بينطر (علشان تبقى فاهمة يا أمة الله الجناوية أجدع وأطيب ناس وأعلى أخلاق وحب بيدلدلق ويغرق اللى حواليه .. عيبهم الوحيد إنفعالاتهم الزايدة دايما لأنهم قلبهم أبيض قوى فأقل حاجة تعكره) .. فخايف يرد بإنفعال رد يزعلك أو يزعلنى فيخسر إخوة ليه
سبحان الله .. إحنا زعلانين منك علشان بنحبك وبنحب سيف وإنت إتهمتنا فى الحب دا وهو مهم عندنا جدا
وإنت زعلان مننا برضه علشان بتحبنا لكن كنت متوقع مننا ناكل اللى يقرب منك أو من سيف زما إنت كنت هاتعمل بالظبط لوحد غلط فينا .. ودا والله اللى كان هايحصل طبعا بدون شك
بس الخلاف أخى الحبيب إن الغلط ماحصلش من الأول .. كل اللى قرا الموضوع أجمع إن الراجل كان بيدعيلك وتركيب الجملة وتوقع الإساءة من زملكاوى خلاك فهمتها شتيمة .. ماينفعش نحاسب حد على حاجة ماحصلتش يا بو الغالى
ولو إنى عارف إن الجناوى صعب يغير رأيه .. لكن أملى إن صداقتنا تأثر عليك شوية

amtallah كتب:: اقصد انه حضرتك مش بتتعامل مع الاخرين بحسن الظن ومش بتحب تسمع وجهة نظر حديحاول توضيح قصده لحضرتك يعني مش عايز تسمع تعليقي

ولا تنسوا ذكر الله

اللهم لا حول و لا قوة إلا بالله
إنا لله و إنا إليه راجعون

sherifalwakkad كتب:: أبو سيف مش رافض يسمع تعليقك يا أمة الله
هو بس عارف نفسه لما العرق القناوى بينطر (علشان تبقى فاهمة يا أمة الله الجناوية أجدع وأطيب ناس وأعلى أخلاق وحب بيدلدلق ويغرق اللى حواليه .. عيبهم الوحيد إنفعالاتهم الزايدة دايما لأنهم قلبهم أبيض قوى فأقل حاجة تعكره) .. فخايف يرد بإنفعال رد يزعلك أو يزعلنى فيخسر إخوة ليه
سبحان الله .. إحنا زعلانين منك علشان بنحبك وبنحب سيف وإنت إتهمتنا فى الحب دا وهو مهم عندنا جدا
وإنت زعلان مننا برضه علشان بتحبنا لكن كنت متوقع مننا ناكل اللى يقرب منك أو من سيف زما إنت كنت هاتعمل بالظبط لوحد غلط فينا .. ودا والله اللى كان هايحصل طبعا بدون شك
بس الخلاف أخى الحبيب إن الغلط ماحصلش من الأول .. كل اللى قرا الموضوع أجمع إن الراجل كان بيدعيلك وتركيب الجملة وتوقع الإساءة من زملكاوى خلاك فهمتها شتيمة .. ماينفعش نحاسب حد على حاجة ماحصلتش يا بو الغالى
ولو إنى عارف إن الجناوى صعب يغير رأيه .. لكن أملى إن صداقتنا تأثر عليك شوية

أقسم لك برب العباد و الجماد يا شريف أني ما زعلتش من حد من الأول و لاه دخل قلبي أي زعل ناحيتكم أبداً و رب الكعبة
و أنا بطبيعتي مش سيء الظن خالص و أرجع لقسم الخطب المكتوبة هتلاقي موضوع ليا بعنوان متى يكون سوء الظن غير محرم و أن من حسن الظن العبد بربه حسن الظن بعبيده و انا ما أساتش الظن لا بالولد الزملكاوي و لاه بيكو و الله الموضوع أني شكيت في الكلمة فحبيت أنه يوضحها بس هو معملش كده و لاقيت أسمه موجود في الأعضاء اللي تواجدو خلال 24 ساعة يعني دخل و قرأ الرد و مردش معناها أيه و انتوا ردوته عنه فكنت مستغرب جداً و أنا يا شريف زي ما قولت عليا بالظبط أنا غضبي وحش جداً إلى أقصى درجة فحبيت أني موصلش للدرجة دي علشان مزعلش حد مني
ربنا يجزيك خير على البوقين الحلوين اللي قولتهم في حقي و ربنا يديم المعروف يا مايسترو و صدقني غلوتك دلوقتي وصلت لمصف الأنتيم و الله

الاهلوية ما يزعلوش من بعض
صلوا علي النبي

عليه الصلاة و السلام
مفيش زعل و لا حاجة يا طاطا

عليه افضل الصلاة والسلام

ماشي يابو سيف واضح فعلا انه حضرتك مش زعلان فعلا حتي كلام حضرتك باين انه مش طالع من تحت الضرس ولا حاجه scratch

وعموما الحمد لله انه كلامنا طلع صح والاخ مازن اقسم انه مش كان يقصد اللي حضرتك فهمته
وعموما حصل خير

ولا تنسوا ذكر الله

ان شاء الله هيكون فيه احسن الايام اللى جايه

ودى حاجه عاديه ممكن تحصل لاى نادى

» تصنيف أندية العالم: الأهلي يتراجع للمركز 34 ..
» الأهلي يقفز للمركز الـ77 عالميا والزمالك يهبط للمركز الـ274 فى تصنيف الأندية!
» الأهلي يتقدم للمركز 95 في تصنيف أندية العالم
» تصنيف أندية العالم: الأهلي يتقدم .. والزمالك يتراجع
» فلافيو يتراجع للمركز الرابع عشر علي مستوي هدافي العالم