توقعات.......توقعات لمباريات مصر فى غانا 2008

ما زالت المسابقة مستمرة وقد أعلن معالي وزير الإعلام مشكورا عن جوائزها القيمة .
بعد فوز مصر الكبير 4/2 على الكاميرون .
والهزيمة الثقيلة لمنتخب السودان من زامبيا 3 /0 .
ما توقعاتكم لمبارة مصر والسودان القادمة .
lol!

أوبا إي أوبا أه ان شاء الله هانكسب
اتوقع فوز مصر 3 / 1
قولوا يا رب

لو نخلصنا من عيبنا الأزلى وهو الظهور فى الشدة والنوم فى العسل(أقصد الإسترخاء فى السهل)
ممكن نكسب بفارق كبير .. لكن لو على العادى بتاعنا يبقى التعادل أو الفوز بفارق هدف كحد أقصى

تحياتي للجميع ومبروووووووووووووووووووووووووك
بداية اعلن اني خسرت اول توقع بجدارة والحمدلله
وبالنسبة لماتش السودان اتوقع 2/1 لمصر بأذن الله ويارب المرة دي اكسب

بإذن الله لو أكرمنا ربنا بجون بدري زي ماتش الكاميرون
هتبقى 2 - صفر لمصر
لأن السودانيين هيموتو نفسهم أدمنا
مشكورة دة. روبوس

توقعى زى ابو سيف
2/0 لمصر ان شاء الله
مشكورة رباب

شكرا لاشتراككم وردودكم

فين الباقي مضحيين بالجوايز ولا ايه

تحياتي للجميع والف مبروك ياجماعة
ودلوقت برضة وضع الجايزة اية؟
انا ممكن ارشح اختنا ROBOS لانها اقرب نتيجة تم توقعها
لاننا جميعا توقعنا الفوز والحمدلله حصل بس الاختلاف كان في النتيجة
عموما عن نفسي بقترح انها تفوز بالجايزة
وحظك حلو العزيز ابوسيف كان منظم رحلة هايلة لصفط اللبن وكرداسة
ويتخللها زيارة للدائري كجائزة للتوقع الصحيح
رحلة العمر بجد لعضوة مميزة بالمنتدى والرابطة بتاعتنا
ابعت التذاكر وحجز الفندق والبروجرام يا ابوسيف

ودة هيكون درس لاي حد انه مايعملش ناصح ويتوقع صح

علي فكرة الرحلة دي جميلة خصوصا في الجو بتاع اليومين دول
وياريت تكون شاملة افطار وغدا
وطبعا رحلة زي دي ما يناسبهاش علي الغدا غير شوربة عدس
توقعاتكم بسرعة لماتش مصر وزامبيا
اتوقع 2/0 لمصر قولوا ان شاء الله

اختنا العزيزة ROBOS
الف مبروك لفوزك بالجايزة واكيد ابوسيف هيوصي على شوربة العدس
وليا توقعين
اننا هنكسب 10 صفر (دة عشان لو نفس الجايزة اخسر بكل جدارة )
ولو هتوقع بجد يبقى 2/1 بأذن الله

وكالعادة جايزة التوقعات لمبارة مصر وزامبيا هتنحجب
وحاجة من اتنين
يا احنا مش بنعرف نتوقع
يا المنتخب بيعمل غير المتوقع

اعتقد العيب فينا لأننا بنحاول نتوقع اللاعب المصري ها يعمل ايه
اللي ربنا يوفقه والنت يشتغل معاه ويتوفق اكثر بان المنتدي يفتح عنده
وتستمر حالة التوفيق بانه يقدر يدخل علي اى موضوع يقرأه
يكرمنا بتوقعاته عن مباراة مصر وانجولا
يا ريت بسرعة معدش وقت
اتوقع فوز مصر 3/2

انا اتوقع ضربات ترجيح

مصر أن شاء الله 2-صفر
و اللي هيجبو الأجوان جلبرتو و فلافيو

يا ترى حد عنده الجرأة ويتوقع نتيجة ماتش كوتديفوار

لازم ابو سيف يأخد الجايزه المرة دي
لأنه الأقرب فرقت معاه في جون واسماء الهدافين وفرقهم بس

ماتش مصر وكوت ديفوار اتوقع 1/1 وضربات ترجيح

والله انا بتمنى من كل قلبي طبعا ان المنتخب المصري يفوز على الكوت ديفوار بل ويحافظ على اللقب الافريقي بس ده طبعا مش بييجى على طبق من فضة لازم نتعب ونتعب علشان نستحق الفوز اللى مش هييجى من فراغ لأ ..... لازم نلعب على الفوز من اول المباراة ومش معنى اننا مثلا-ان شاء الله- نجيب جون نبقى كده خلاص وصلنا لالالالالا
لازم نلعب ونجيب جون واتنين انا مش شايف كوت ديفوار فريق صعب ولكنه فريق محترم وله وزنه وتقله في الكرة الافريقيه وبالتالى احنا على موعد مع نهائي مبكر في البطوله الافريقيه غانا 2008 وهو النهائي الاصلى لنهائيات الامم الافريقيه مصر 2006
واللى بتمنى ان التاريخ يعيد فيها نفسه

شكرا لييييييييييك robos على الموضوع الجميل ده

مصر 5/4 بضربات الترجيح

مكتوبالك يا ابوسيف هتكسب رحلة العمر بتاعتك
واختنا العزيزة روبس واضح انها استمتعت بالجايزة
وعاوزة تردلك الجميل وتديهالك
وكالعادة مفيش توقع واحد بيطلع صح معانا
عموما انا اتوقع هزيمة مصر 3/1 (ويارب اطلع غلطااااااااااااااااااان)

أنا مبحبش المجاملات في الجوايز
و طبعاً مش هقبل الجايزة يا دة. روبوس أنتي و أتيلا
ماتش كوت ديفوار خارج التوقعات

ماشي ياغالي فلت المرة دي من الجايزة
بس لو جت اي نتيجة مش متوقعة في الماتش الجاي هديلك الجايزة على طول
وهستشهد بكلامك انك قلت ان الماتش خارج التوقعات

ازيكم جميعا وشكرا علي سؤالكم عليا
توقعاتي لماتش الكوت ديفوار مصر هتتغلب 1-0
ويا رب يطلع توقعي غلط عشان الجايزه بتاعتكم
الله يخرب بيت الطريق الدائري
اسألو روبوس يوم السبت اللي فات حصل لنا ايه علي الطريق الدائري كان يوم اسود
ماما متوقعه ان مصر تكسب 2-1

حمد الله عالسلامة يا رانيا
النت كان لسة قاطع عندك ولا إيه؟
أنا خايف أقول توقعى لتتهمونى بعدم الوطنية
عموما نخففها شوية ونقول فوز كوت ديفوار 3 - 1 (الواحد من ضربة الجزاء بتاعة كل ماتش)
وممكن العجل يعمل عمايله وتبقى ضربات ترجيح

انا لسه جديده في المنتدي بس انا اتوقع باذن الرحمان باذن الرحمان الفوز 2/0 باذن الله ويارب ويريت الجميع يامم ورايه ان متعب الحراس والجلاد يجيب جون عشان بجد هو بيعمل الي عليه وزياده ولو كان ربنا بيعقبه علي شي يارب يسمحه ويفرحه بجون ولو ربنا بيختبره في صبره اظن ان عماد بيعمل الي عليه وصابر بس القوه بيد الله الواحد الاحد هو الي يحدد بس عشان اهل عماد وعشان المصريين يفرحوا للنجم الكبير ده يارب يكسر الحظ النحس ويجيب جون باذن الرحمان قولوا امين يارب العالمين امين

أهلا بيكى أختنا نانو عضوة جديدة نورتى المنتدى
بالنسبة لتوقعاتى لمباراة كوت ديفوار
أنا متشاءم يا جماعة بصراحة
أتوقع 2 / صفر لكوت ديفوار مع الرأفة
ربنا يستر و يخيب ظنى

اختنا العزيزة والدة روزانا وسيف
اهلا بيكي وحمدلله على سلامتك ورجوعك للمنتدى من تاني
ومتخافيش لو كسبتي جايزة ابوسيف هيبقى معاكي تصريح للدائري تتحركي فيه براحتك

واختنا العزيزة نوران اهلا بيكي مرة تانية ومنورة موضوع التوقعات
واضم صوتي لصوتك وبتمنى ربنا يكرم عماد عشان شكلة زعلان خالص

وواضح كدة ان مفيش حد متوقع ان مصر هتكسب الا والدة اخواتنا العزيزات رانيا ورباب
وياترى دة توقع ولا هروب من جايزة ابوسيف العظيمة
ويارب توقعتنا كلنا تطلع غلط المرة دي كمان

» عبد ربه أفضل لاعب في غانا 2008
» مصر ستة نجوم و مبروك عليكم غانا 2008
» للتعرف على طرفي النهائي غانا 2008
» الحلقة الثانية كأس الأمم الأفريقية غانا 2008
» غانا 2008 أقوي بطولة إفريقية في التاريخ