مشجع زمالكاوى يعترف أن الزمالك ((حرامى))

على منتدى زمالك فانز أحد الأعضاء من جمهور الزمالك كاتب موضوع بيقر و يعترف فيه إن الزمالك نادى حرامى
مش هطول عليكم و أسيبكم مع الموضوع
من الان فصاعدا اطالب كل زمالكاوى بعدم الحديث عن صفقات الاهلى المشبوهة والتى تتم بطرق غير مشروعة لانة يخطف اللاعبين من الاندية بدون وجة حق وعلى غير رغبة الاندية التابعة لهم والامثلة كثبرة على مثل هذة الصفقات .
واقول هذا بعد تعاقد الزمالك مع صامويل كيرا لاعب المقاولون استنادا على بند فى عقده يسمح لة بفسخ عقدة مع المقاولون اذا ما دفع مبلغ 200 الف دولار للنادى الذى تعاقد معه .
وهنا اود ان اشير الى نقطة هامة جدا فى فنون الادارة اليس من الاشرف والاكثر احتراما الذهاب الى ادارة نادى المقاولون العرب والتفاوض معه بشان انتقال اللاعب الى الزمالك استنادا الى هذا البند بحيث يخرج التعاقد بصورة محترمة وبالتالى لا نخسر علاقاتنا مع الاندية علما بان المقاولون العرب كان سيوافق لانة فى الموقف الاضعف اذا ما كان هذا البند صحيحا بالفعل ولكن بصراحة شديدة انا حزين جدا لهذا الاسلوب الملتوى الذى تدار بة صفقات الزمالك فى الوقت الحالى وكنت ارى انة ليس هناك اى داعى للاستعجال فى هذة الصفقة لان اللاعب فى كل الاحوال لن ينضم الى القائمة الافريقية لان الاتحاد الافريقى سيغلق باب القيد اليوم فى الوقت الذى لن يرسل المقاولين العرب البطاقة الدولية للزمالك الا بعد ان يحسم اتحاد الكرة امر هذة الصفقة وبالتالى ففى كل الاحوال نحن الخاسران لاننا خسرنا العلاقة المحترمة مع نادى المقاولون وايضا خسرنا بعدم قيد اللاعب فى القائمة الافريقية .
خلاصة القول بان الزمالك مثل الاهلى .... الاثنان وجهان لعملة رديئة ومزورة

تحياتى لهذا الزمالكاوى الفاهم و لكنى أقول له أنك إذا رضيت أن يكون الزمالك أحد أوجه عملة رديئة و مزورة فنحن كجمهور الأهلى نرفض هذا الوصف و نرفض أن تقول أن الزمالك مثل الأهلى لأنك بذلك ترفع كثيراً من شأن الزمالك
و على فكرة يا جماعة كل الردود على الموضوع ده من جمهور الزمالك بتؤيد موضوع السرقة

تحياتي يا ادمين
ومش عارف هقولك اية
بس الاخ دة دليل على الوهم وانتشار الاساطير وزعلان على عدم شهامة مجلس الادارة وزعلان على خسارة علاقات الاندية وكان الزمالك مابيعملش الاساليب دي من زمان
والمصيبة انه في النهاية بيقول مفيش فرق بين الزمالك والاهلي ياسلام ياسلام
اولا انا ماشفتش الاهلي عمل موضوع الثغرات دة الا في حالة اسلام الشاطر وكانت برغبة اللاعب نفسه دة بالاضافة ان اللاعب اصل ملعبش مع الزمالك الا فترة بسيطة جدا
ودة هيرجعنا لاسطورة خطف اللاعبين وتفسيرها ببساطة ان الزمالك بقى فريق عادي ومفيش خطر منه لو اخد لاعب ولا اتنين
بعكس الاهلي لو اخد لاعب من فرقة وقتها هيزداد قوة والفريق التاني هيزداد ضعف
وهي دي المشكلة وهتلاقي كلامي واضح في تعامل الاعلام مع صفقات الاهلي وصفقات الزمالك
بالاهلي تبقى تفريغ الاندية من نجومها ومايصحش وفي الزمالك تدعيم مطلوب وبيطالبوا بيه
يعني الاهلي مش من حقه والزمالك من حقه تفتكر دة بيسموه اية؟
عن نفسي شايف ان دة دليل واضح ان الزمالك خلاص فريق او نادي له اسم مش اكتر وبمرور الوقت لو فضل حالهم كدة هتلاقيهم زي الاسماعيلي والمصري بينافسوا وهتعمل حسابهم في مبارياتهم مش اكتر للعصبية وللجمهور انما كمنافس حقيقي مظنش
ومشكور يا ادمين لمتابعتك للاخوه دول

هو الراجل ده كان ممكن يقول كلام زي الفل و يهمه مصلحة ناديه و الخسارة المزدوجة بس الله يسامحه
الوجه الأخر من الموضوع أنه خلاص بقى في إنطباع صريح عن الأهلي أنه بيقلب اللاعيبة على أنديتها و أنه خراب الديار العمرانة
مشكووووووووووور أدمين
أنا مش عارف بتقدر تجيب النفس منين لدخول المنتديات دي

و الله يا ابوسيف بضغط على نفسى و انا بدخل المواقع بتاعتهم
بس بحب اطمن ان مستقبل الأهلى بخييرطول ما همة بيفكروا بالإسلوب ده

عندك حق فى كل كلمة قلتا حج اتيلا
مشكوووووور حج اتيلا و ابوسيف ... نورتوا الموضوع بمروركم

وإرغام لاعب على التوقيع للزمالك بالإتفاق مع إدارة ناديه غصب عنه زى الشاطر زمان
أو بلعبة سماسرة وتزوير غصب عن ناديه زى شيكامارا .. أو حسنى مع الإسماعيلى .. إسمه إيه؟
طول عمرى بقول الزملكاوى الحقانى .. خيال علمى
مشكور كبير العيلة .. بس أكيد مضيع فلوسك على اللمون علشان تستحمل المواقع دى

العزيز sherifalwakkad

عجبتني أوي حكاية الخيال العلمي دي ملعوبة بجد
ممكن نقول عليها جون من نص الملعب
:bball:او رمية ثلاثية من الباسكت للباسكت :bball:

دا بس من ذوقك وحلاوة لسانك يا حاج جيفارا .. أخجلتم تواضعنا

احلى حاجة هنا بجد انك تلاقي الموضوع عليه تعليقات كتيرررررررررررررررررر
ولو دققت هتلاقي اول تعليقين تلاتة بيخصوا الموضوع
وباقي التعليقات والردود بتبقى شكر الاعضاء في بعض
والله دي ظاهرة واضحة هنا
عموما المواضيع بتروح وبتيجي المهم المودة والمحبة
وشكرا للجميع

الزمالك ده عامل زي الحرامي الخايب

» رئيس الزمالك يعترف بمفاوضة لاعب قبل انتهاء عقده مع ناديه بأك
» من مقالات حرامى الشماعات
» هى قضية إينو راحت الفيفا ولا لسة ؟؟ سؤال لكل زمالكاوى
» 6000 مشجع فقط يؤازرون الأهلى فى المباراة الفاصلة!
» مشجع نجماوي يلاقى حتفه أثناء احتفال فريقه بالنصر