هل نقول مبروووووك .. عمر جمال في الاهلي آخر الموسم مقابل 100

سؤال مهم جدا جدا جدا

يحسم هذا الموضوع

هل الموسم الحالي هو الموسم الثالث على التوالي لعمر جمال مع الاسماعيلي؟

الاجابه على هذا السؤال تحسم الموضوع

.......

لو كان هذا هو الموسم الثالث له من عقده مع الاسماعيلي فان من حقه فسخ التعاقد من طرف واحد واعطاء الاسماعيلي القيمه المتبقيه من عقده عن موسم واحد وهي 100 الف جنيه فقط لا غير قيمة عقده.

...

كيـــــــــــــــف ذلك

الماده 17 من لوائح الفيفا والمختصه بالاساس بفسخ العقود قسمت اللاعبين الى شريحتين

1-الشريحة الاولي الفيفا اقر للاعب الذي مازال تحت 28 سنة الحق في فسخ تعاقده مع ناديه بشرط مرور 3 سنوات علي هذا العقد مع دفع تعويض مالي يقدر بمجمل الباقي من عقده في السنوات الباقية. (ما يتفقش مع سيد بس ينفع مع عمر جمال لو كان قضي 3 سنوات مع الاسماعيلي)

2- الشريحة الثانية التي تنص عليها المادة 17 وهي اللاعبين الذين تعدوا 28 سنة، وأكدت المادة انه من حق هؤلاء اللاعبين فسخ تعاقدهم مع أنديتهم بعد مرور عامين فقط من التعاقد مقابل دفع تعويض مالي يقدر بمجمل الباقي من عقده في السنوات الباقية. (تنطبق على سيد 100×100).



مصدر ترجمة الماده من موقع يلا كوره

.......

من لديه اجابة السؤال !!!

هل الموسم الحالي هو الموسم الثالث من عقد عمر جمال مع الاسماعيلي ؟

ارجو الرد بتوضيح تاريخ التعاقد ومدة العقد



منقول بصراحه بس ممكن يكون الكلام ده صح و عمر جمال يجى الاهلى و انا تهيالى ان القرار ده حيعمل مشاكل كتير بين الانديه كنت عايز اعرف ايه رايكم

بفرض ان الكلام ده صح هل من مصلحتنا ان ناخذ اي لاعب بهذه الطرق يا ريت نفكر لو الحكاية دي حصلت معانا في لاعبينا هيكون شعورنا ايه؟

ياجماعه مفيش لعيب يدخل الاسماعيلى ويفتكر انه ممكن يخرج سليم او يحترف فى اى نادى يعنى من الاخر سجن مؤبد والا يكون نصيبك البهدله والتهديد انت واهلك ولى يتشددلك حتى ولو انت مش من الاسماعيليه يعني هم اشتروك بفلوسهم واصبحت عبد مكتوب عليك ممنوع الاقتراب او التصوير وخصوصا اذا كان النادى هو الاهلى اتفرج على الفتونه والبلطجه حرب وانفتحت على اخرها تهديدات ومظاهرات زى افلام زمان بتاعة يحيا الكفاح بس ضد مين هو ده المهم هما بيعتبرو الاهلى ده نادى الاعداء اللى مش لازم نسلمله حتى ولو فيها دم ودى مش رياضه لانهم مايفهموش فيها اصلا دول شوية فتوات وبس سبحان الله احنا ما شفناش جماهير ولا بنى ادمين كده دى جماهير الاهلى ما عترضش على اى لعيب راح من الاهلى لاى نادى تانى لانها بتفهم حتى جماهير الزمالك واى نادى تانى فى مصر ما عملتهاش الا دول تهديدات ومظاهرات وكانها حرب طب يا اخى هو اللاعب ده بأه عبدك ومش هيطلع الا على قبره ما انتو عندكو لعيبه من الاهلى ومش كده وبس لا دول من الناشئين يعنى ولاد النادى ومتربيين فيه ومعملناش مظاهرات وهددنا اللعيبه واهلهم يا ساتر على الحقد ياجدعان انما لو اللعيب ده رايح الزمالك ولا واحد يتنفس ويفتح بوؤه ياسلام يروح وماله ده حقه وكله يروح ينام والليله تعدى تمام التمام وليلتكم فل بس باذن الله حسنى.ونشوف هاتعملو ايه فى حكم الفيفا روحو ولعو فى الفيفا وهددو بلاتر واعملو له جنازه .وان شاء الله عمر جمال وراه (جماهير الاهلى عمرها ماكرهت حد ولاكن شوفو اللى بيحصل فى الاسماعيليه واحكمو بنفسكم وانا مش با اتكلم على سيد معوض ولاكن على اللى حصل قبل كده واللى هايحصل بعد كده)

ماشاء الله ولا قوة الا بالله
خير اللهم اجعله خير في حد في اهلاوي بيقول كلمة حق في المنتدي الواحد مش مصدق نفسه
ياستاذ
ROBOS بجد المشكله انه حتي الاهلاويه بيقولوا احتراف رغم انه مش بيحصل في اي مكان انه فريق يركز مع فريق معين وكل ما يطلع نجم يروح يأخده عالجاهز رغم انه اللاعبين دول كلهم الاسماعيلي بيجيبهم من انديه تانيه بس مشكله الاهلي انه مش بيحسن الاختيار ومشكلة الاهلاويه انهم بيفرحوا باي لاعب بيجي لمجرد العند
شكرا ياعمرو عالخبر واتمني انه الاهلي يحسن الاختيار ويخلي اللاعب يظهر للجمهور بحقيقته مش يبقي هو ملاك والاهلي هو الشيطان ولو كان الاهلي بصراحه عامل ذي الوحش اللي بيصطاد فريسه وسوري للتعبير بس الموضوع بقي زياده

ولا تنسوا ذكر الله

اشكرك يا أمة الله علي التحية والله نفسي اكلمك من زمان ( علي فكرة انا بنت استاذة يعني مش استاذ) وصحيح هم عقلهم علي قدهم شويتين بس انا نفسي نبعد عن لاعيبتهم الله الغني ويا ريت نحاول نشوف لاعيبه صغيرة من اماكن بعيدة عن العين ومش عيب اننا نقلد الحاجة الكويسة. انا باقول كده لأني بأحب الأهلي جدا جدا وبأتمني اشوفه في احسن صورة وما يعطيش فرصة لأي حد ينتهز فرصةويسئ له

اسفة جدا ياROBOS
بس بصراحه الاسم مش فهمته وحقيقي تستاهلي التحيه بس بما انك طلعتي بنت زي حالاتي يبقي مش في داعي للمهرجان اللي عملته لانه مازال تفكير الاهلاويه كما هو وياحبيبتي انا اللي فرحانه بأني اكلمك

ولا تنسوا ذكر الله

الاخت امة الله والاخت ROBOS نحن لانتكلم على اسلوب تفاوض ولاكن نتكلم على سلوك وسلوك قديم ناحية نادى وحيد وهو النادى الاهلى وانا اتمنى ان الاهلى يعتمد على الناشئين ولاكن هذه كرة القدم اما بخصوص موضوع عمر جمال فهذه قوانين وضعها الفيفا ولم يضعها الاهلى ولى ملاحظه على كلام الاخت امة الله التى حمدت الله انه فيه حد اهلاوى بيقول كلمة حق فى المنتدى وكان كل اللى فى المنتدى لم يقولوا كلمة حق واحده وعمالين نهاجم عمال على بطال فى الفرق التانيه وبنبهدل فيهم بسبب وبدون سبب الملاحظه التانيه ان الاهلويه بيقولو احتراف مع ان مافيش فريق فى اى مكان بيركز على فريق معين (الاسماعيلى )وياخد لاعيبته على الجاهز يعنى الاهلى مش بيشوف فى الفرق غير فرقة الاسماعيلى وفى اللعيبه غير لاعيبة الاسماعيلى (الاهلى لم ياخذ من الاسماعيلى غير محمد عبد الله والباقى كان محترف بالخارج )اما بخصوص حسنى عبد ربه فهذه حاله خاصه اما سيد معوض وعمر جمال فهناك نادى الزمالك دخل فى مفاوضات معاهم وقدم عروضا اقوى من الاهلى (لو عمر جمال كان راح الزمالك كنا قلنا ياريت راح الاهلى خساره ده كان مكسب كبير للفريق)اما بخصوص سيد معوض فيا ريت كانو جابو الحلوانى مكانه

يا حبيبتي لا داعي للاعتذار معاكي حق عموما ده اسم دلع لي من صغري مع اسم ثاني روبي بس روبي ده دلوقتي شبهة فاخترت ده ؛ عايزه بس اتأكد اني فهمت كلامك صح هل تقصدي ان طبيعي الكلام ده من بنت لكن مش عادي من رجل ؛ في حاجة مختلفة معاكي فيها حكاية تفكير الأهلاوية لأن انا ما بحبش الاحكام المطلقة كده والناس تفكيرها مختلف ؛ كمان باحييك جدا علي موضوع الكاريكاتير هائل

الأخ مروان
كلامك فيما يخص اللاعيبة اللي في الأهلي حاليا صحيح ومش ها نختلف فيه وحتي لحد حكاية سيد معوض كله تمام واحنا ما غلطناش انا كان تعليقي علي موضوع استغلال لائحة لتأليب لاعب علي ناديه بدلا من الطرق المشروعة ولازم نفتكر ان يوم لك ويوم عليك وما نعملش في حد اللي لو حصل معانا هنقول عليه خطف وسرقة والتفاف الخ
كمان اللي بيخليني احس ان ممكن نفكر بطريقة احسن حكاية الحلواني لاعب كويس ومن ابناء الأهلي وسنه اصغر من معوض واسامة محمد ليه مش بنفكر فيه ولا نستني لما يروح الزمالك مثلا وبعدين نكتشف انه كويس ونندم عليه

استاذ مروان
ياخبر اسفه بجد طبعا مش اقصد خالص انه الاعضاء مش بيقولوا كلمة حق كاساءة ليهم لاني باحترم كل الاععضاء جدا جدا والا مش كنت هاتواجد في المنتدي بس اللي اقصده لنه الكل عمال يهاجم جمهور الاسماعيلي علي تصرفه انا مش بادافع عن تصرفات وافعال مش مقبوله وعصبيه عمياء بس باقول انه لازم نشوف الوجه الاخر الاهلي فيه (النحاس والشاطر وبركات وفتحي ومحمد عبدالله وبيبو واحتمال حسني ومعوض وعمر جمال)
كل دول نجوم ظهرت في الاسماعيلي وكلهم راحوا الاهلي باختيارهم وتفضيلهم بس الجمهور شايف انهم نجومه وانه هو اولي بالبطولات اللي بيعملوها ومشكلة التمويل هي نقطة الضعف والحاجه اللي انا بعتب فيها عالاهلي هي ديه انهم اللاعيبه دول مش ناشئ الاسماعيلي الا حسني معرفش حد تاني ولا لاء وهما قدروا انهم يجيبوا لاعيبه صح والعكس تماما في الاهلي سوء الاختيار يعني لما حيبنا باك يمين جيبنا احمد عادل ولما جيبنا مهاجم جيبنا عبد الحميد حسن وباستثناء سوبرماركت الاسماعيلي قليل جدا لما بيكون في اختيار جيد زي ابو تريكه واتمني انه مش في حد يزعل مني اما بالنسبه للاعضاء فللاسف اللي باحسه انهم بيفرحوا في اي حاجه في الاسماعيلي وده عصبيه هما ممكن يكون النقص هوسبب اللي بيعملوه لكن الاهلاويه مالهمش مبرر ومش المفروض نرد الاساءة بالاساءة

ماشي ياROBOS فاهمة قصدك ومعاكي انه التفكير بيختلف بدليل انه احيانا بشوف تعليقات بتنتقد هجوم الاهلاويه عالاسماعيلي بشده وميرسي حبيبي عالتحيه والموضوع كان فكرة نونا وانا ساهمت فيه
ولا تنسوا ذكر الله

الاخت العزيزة amtallah
والاخت العزيزة ROBOS
والاخ العزيز مروان
والاخ العزيز عمر
تحياتي ليكم ومشكورين للنقاش الجميل واسلوب الحوار الراقي
وانا ليا رأي في الموضوع الخاص بفقرة الفيفا رقم17
ببساطة شديدة لو اي فريق تاني غير الاهلي هيعمل كدة
الاسماعيلي لو عنده الامكانيات هيفاوض نجوم الاهلي وهيشوف ثغرات عقودهم
وهيقوي نفسه دة طبيعي ومش معنى ان الاهلي بياخد لاعبيين كانوا بيلعبوا في الاسماعيلي يبقى في مخطط وتركيز من الاهلي على الاسماعيلي
والا بنفس المنطق يبقى الاسماعيلي مضطهد المنصورة وانبي واندية كتير
والاسماعيلي نفسه مع اندية الصعيد والقناه
وبرضة هكرر نقطة ان اللاعبين اللي كانوا بيلعبوا في الاسماعيلي مش من ناشيء الاسماعيلي ولو بالفرض كانوا هما راحوا لعبوا برة ورجعوا باختيارهم للاهلي
وكدة هنبقى بنحاسب الاهلي لانه نادي متميز ومرغوب
ولو اللاعب مش عاوز يمضي ويلعب للاهلي اكيد مش هيجي الاهلي
انما هي بقت سوق واللي يقدر يدفع هياخد
واي لاعب عارف ان راس مالة خمس سنين يزيدوا لعشرة بالكتير في الملاعب
وعاوز يعمل فيهم مبلغ زي غيره
ولو كان كل اللاعبين دول راحوا الزمالك صدقوني ولا حد كان في الاسماعيلية اتكلم وعادي
وهنروح بعيد ليه واسلام الشاطر دليل واضح
يعني كلامهم عن خطف اللاعبين والكلام دة حق يراد به باطل مش اكتر

وكلمة عتاب للاخت amtallah
انتي شفتي اننا بنهاجم الاسماعيلي ولا جمهوره واننا مش بننتقد الادارة ولا الاهلي
مع اني شايف ان في اخوة معانا بينتقدوا بشدة الادارة والفريق وان كنت انا واحد من الناس مش بنتقد الادارة ولا الجهاز الفني من منطلق اني واثق فيهم ومادمنا فوضناهم لادارة النادي او ادارة الفريق فانا مش بنتقد وبحاول افهم مش اكتر ولو في ردود بتكون عنيفة بعض الشيء على الاسماعيلي وجمهوره فدة رد الفعل الطبيعي مش الفعل نفسه
وهنا منتدى للاهلاوية يعني في اعتراف ضمني اننا اهلاوية فلازم هتكون ردودنا ومواضيعنا عن الاهلي وللدفاع عن الاهلي بالرغم اننا بنتعرف ان الاهلي لما بيكون مش كويس انه فعلا كان كدة مش بنداري ولا بنخبي الحقيقة
ولا بنعيش في اوهام ولا بنخدع نفسنا بس مش بنهاجم نادينا برضة
المنتدى مش موقع محايد يعني مش هننتظر ان حد مننا يهاجم الاهلي ويشجع غيره عشان نكون محايدين
ولا هنهاجم الاهلي عشان الناس تقول دة موقع محايد

ومرة تانية شكرا ليكم وللجميع

مشكور ابو سيف لوجودك وتوضيحك القوي

د. مراد
متفقة جدا معاك في الكلام اللي قلته والأهلي منظومة كبيرة من أول الجمهور لحد الإدارة مرورا باللاعبين والأجهزه وده في جميع اللعبات ولو كانت اللاعيبة لوحدها تجيب بطولات كان زمان النادي اللي دائما السادة المحللين الفاهمين قوي بيقولوا ان عنده احسن لاعبين ( ليه ما اعرفش) كان زمانهم محتكرين البطولات اذن فلا خلاف في هذا.
لكن اعذروني انا ما زلت مصرة ان الطريقة اللي في المقال طريقة مش عادلة واخشي من انقلاب السحر علي الساحر وشكرا