الزمالك .... فتى الشاشة الأول

من مدة كدا يمكن سنتين تقريباً أو أكتر شوية كان فيه حكاية بتحكيها كل الصحف و المجلات الرياضية و هى حكاية تعاقد الزمالك مع محمد عبد الله من الإسماعيلى و عمرو سماكة من الترسانة ........ و كان اللى مشعلل الحكاية و مديها شهرة زيادة هو رفض الـ2 الإنتقال للزمالك و الإعلان عن رغبتهم فى اللعب للأهلى و طبعاً قدام تصميم اللاعبين وافقت إدارة الاسماعيلى و الترسانة على عرض الأهلى

و طبعاً قام كل من ينتمى للزمالك من صحافة و تليفزيون و انترنت بإتهام الأهلى بخطف اللاعبين و عمل غسيل مخ لهما و .. و .. إلى آخره من المهاترات اللى ديما بيتحفنا بيها الإعلام الزمالكاوى الفاهم كويس أوى لكل اللى بيجرى حواليه
و من كم شهر كدا و طبعا كلنا فاكرين لما ممدوح بن شداد - عباس سابقاً - راح و قطع تذكرة و سافر على بلاد الإنجليز و قعد مع إدارة نادى شيفلد يونايتد بيطلب منهم شراء عقد أحمد فتحى و أنهم لازم يخلوا الواد يكره الكورة و الدورى الإنجليزى عشان يبقى مضطر إنه يرجع عالزمالك من غير تفكير و إتملت الدنيا أخبار عن تعاقد الزمالك مع أحمد فتحى و إنه خلاص إقترب من الزمالك و إنه هيكون صفقة الزمالك المدوية هذا الموسم ..... و كلام كتير عن قرب إرتداء اللاعب الفانلة البيضاء
و فجأة !!! يعلن اللاعب عدم رغبته فى اللعب للزمالك و أن يرغب أن يلعب للأهلى و تتحقق رغبته و يرتدى الفانلة الحمراء التى تمناها و يرغبها
إنما إيه لزمته الكلام ده إنهاردة ؟؟ دى كلها ذكريات و مضت و بلاش نقلب فى الى فات !!!
عارفين إيه لزمته ؟؟؟
إمباح أعلن سيد معوض عن رغبته فى اللعب للأهلى فوافق السيد يحيى الكومى و فضل إنتقال اللاعب للأهلى و رفض عرض الزمالك
لحد كدا و الخبر عادى و اتكرر الموضوع ده قبل كدا كتير
لكن موقع zamalek.tv المبجل نشر موضوع بعنوان (الكومى إتحرق)
طبعا من قبل ما تقرا الموضوع لازم تعرف محتواه و إنهم هينزلوا سلخ فى الراجل لمجرد إنه وافق على إنتقال اللاعب للأهلى مش للزمالك
و إبتدى كاتب المقالة يتخيل السيناريو اللى حصل على إنه مسرحية و إن الزمالك هو بطل المسرحية دى و هو نجم الشباك فيها و كمان هو الفتى الأول
قال إيه الكومى يزج بإسم الزمالك فى تصريحات لللاعب إنه عايز ينتقل لأحد قطبى الكرة المصرية يقوم الزمالك (يريل) و يروح يتفاوض مع اللاعب و تملى الأخبار الدنيا إن الزمالك إقترب من التعاقد مع اللاعب ثم يسدل الستار على المسرحية بإن اللاعب يعلن عن رغبته فى إنتقاله للأهلى و يفضله عن الزمالك
ده كان ملخص المقالة بس هنقلكم جزء من المقالة زى ما هو مكتوب
فاض الكيل من المسرحيات التي يزج فيها باسم الزمالك كي تظهر الصورة اكثر عدالة لاهل الاسماعيلية وان الزمالك لا يفرق كثيرا عن الاهلي وانه ايضا يبحث عن لاعبي الدروايش ولكن قوة الاهلي التفاوضية والتعاقدية هى التي ترجح كفتة على الزمالك وان جميع لاعبي مصر والعالم العربي تريد الانضمام للاهلي ! .. مع " لحس" جميع التصريحات السابقة بان الزمالك الاقرب "
و هل عندك شك يا كاتب المقالة أن كل لاعبى مصر و الوطن العربى و أفريقيا تتمنى اللعب للأهلى؟؟؟
و هل نسيت أن الزمالك ضم رضا سيكا و إسلام الشاطر من الزمالك و تفاوض مع محمد عبد الله و حسنى عبد ربه؟
و هل عندك شك أن قوة الأهلى التفاوضية و التعاقدية أقوى من اموال الزمالك؟
لقد أصابهم العته من كثرة الصدمات و وجدوا نفسهم محرجين من جمهورهم من كثرة السقطات المتوالية
مبروك علينا سيد معوض الذى جاء الأهلى بالتفاوض المباشر بين إدارتى الناديين
و إلى المزيد من التقدم و الصفقات الناجحة إن شاء الله

عزيزي ADMIN
تحياتي لك ومشكور لكلام الجميل
بس انت متوقع اية بالله عليك؟؟؟؟
دول نوعية غريبة في تفكيرها
وهدفهم الوحيد انهم مايخسروش الاسماعيلية وجمهورها الجميل Very Happy

وماداموا خسروا اللاعب يطلعوا اسطوانة الوحدة الوطنية الشهيرة
ونبتدي نسمع شعارات الاصفر والابيض اخوات وحبايب
وعاشت الاسماعيلية وميت عقبة
والناس هناك يركبها عفريت احمر lol!

وكل دة عشان يداروا على موضوع ان اي لاعب عاوز يروح الاهلي
لان الحكاية دي بقت زي عقدة مركبة عندهم بعيد عنك وعن السامعين
وابتدت تأثر حتى على اللاعبين بتوعهم او اللي بيجوا جديد
وابسط الامور شوف اي لاعب جديد بيعمل فيهم اية
وهنضرب مثل بالاخ عمرو زكي
اللاعب من وقت ما جه عندهم وهو بيتعامل من منطلق انه عمل فيهم جميل ومعروف geek

وانه اكبر من النادي وانه خسارة كبير لمصر انه يفضل معاهم
وكل شوية احتراف احتراف ويحترف ياموت نفسي cyclops

وكل دة ومش عاوزيهم يقولوا الكلام دة
ومرة تانية مشكور يا احسن ادمين بالنت كله

أنا اللى بشكرك يا حج atilla على مرورك و ردك الجميل

العزيز ADMIN
المرور والرد على موضوعاتك شيء مهم وضروري
دة انت الادمين يا ادمين Cool

يعني الحكومة كلها lol!

المقالات دي الحمد لله مبقيتش تأثر في الواحد زي زمان لأننا تعود نا خلاص عليها
و بنقراها للتسلية و علشان نحمد ربنا على نعمه الكثيرة
مشكوووووووووور آدمين

» لصورة السيئة عبر الشاشة‏ وغياب الجماهير أفسد الجو الإحتف
» تصعيد 8 ناشئين للفريق الأول
» إستكمال مباريات الدور الأول
» علاء إبراهيم: أنا الهداف الأول في مصر
» جوزيه: الأهلي..مركزه الأول دائماً