تصريحات صاعقة لجوزيه من البرتغال: مستقبل الأهلي في خطر

تصريحات صاعقة لجوزيه من البرتغال: مستقبل الأهلي في خطر و المسئولية على لجنة الكرة[img][ندعوك للتسجيل في المنتدى أو التعريف بنفسك لمعاينة هذا الرابط][/img]


رزت الصحف البرتغاليه الصادره صباح اليوم - الأربعاء - ملخصا لحوار تلفزيوني أجراه جوزيه بالأمس - قبيل ساعات من توجهه الي القاهره من لشبونه -

الحوار أجرته قناة " أر تي بي " البرتغاليه مساء الثلاثاء مع جوزيه

حوار جوزيه وكما نقلته الصحف البرتغاليه , جاء وللأسف مليئا بالمفاجآت الصادمه والصارخه لجمهور الأهلي

جوزيه قال " عليّ ضغوط عديده لا تحتمل .. سأكون مضطرا لترك الأهلي أذا لم تنفذ الأداره رغبتي في تجديد الفريق بلاعبين شباب كثيرين !

جوزيه قال أن الفريق ( الأهلي ) يعاني حاليا وبشده من كبر سن لاعبيه ومن نقصان الطموح عند بعضهم .. طالبت إدارة الفريق أكثر من مره بتجديد وضخ دماء جديده في الفريق ولم ينفّذ الطلب

الفريق وصل الي مرحله حرجه للغايه , وأذا أستمر بلاعبيه الحاليين ووضعه الحالي , قد لا يفوز بأي بطوله مطلقا في المستقبل. أحب الأهلي وأريد الأستمرار ولكن كل ما سبق يعرضني لضغوط قد تجعلني أعجل بقرار الرحيل عن الأهلي !

لدي عروض كثيره من أنديه ومنتخبات لكني لن أرد علي أيا منها حاليا، سأنتظر حتي تحدد أدار الأهلي موقفها من طلبي , سأتناقش معهم لاحقا وعلي خلفية ما سيتخذونه سيكون قراري الذي سأبلغهم به في أواخر فبراير،. إما الإستمرار أو الرحيل عن ناديي الحبيب

جوزيه أضاف في تصريحاته للقناه أنه بعد كأس العالم للأنديه 2006 كان يطمح في جعل مستوي الأهلي كفريق في مصاف أنديه عالميه شهيره , ولكنه يأسف أن طموح بعض اللاعبين والمسئولين لم يكن ليساعده علي ذلك !!

لن أنتظر بعد تحديد موقف سكولاري مع المنتخب , حتي يتم تعييني.. سأنظر للوقت الحالي تاركآ المستقبل للقدر

جوزيه تطرق الي أمور أخري بعيده عن الأهلي لا مجال لذكرها


الحوار نشر بأكثر من صحيفه برتغاليه اليوم , وتلك صوره ضوئيه من بعض مما نقلته صحيفة " أ - بولا " عن تصريحات جوزيه بالأمس

[img][ندعوك للتسجيل في المنتدى أو التعريف بنفسك لمعاينة هذا الرابط][/img]

الموقع سيحاول لاحقا تقديم فيديو للحوار , وأن تبقي المشكله أن قليل من زوار الموقع عالمين باللغه البرتغاليه

الحوار يفتح الباب أمام العديد من الأسئله للجنة الكره وأدارة النادي

الموقع تحدث مرارا وتكرار عن تدعيم الفريق ومعدل الأعمار .. البعض أعتبره تدخلا غير مقبولا في عمل الأدارة ولجنة الكره , وليس من دافع الحب المتفاني للنادي , ولم يفرقوا بين النقد البناء والهدام وكأن علينا التهليل للأهلي ليس إلا .. سواء كانت الخطوات صائبه أو خاطئه. فـلا يسعنا سوي التأكيد علي أن الموقع هو " صوت الجماهير " المحبه والمخلصه لإسم الأهلي .. و ليست " صوتا للإداره " المحترمه للأهلي التي نقدر ونؤكد علي حبها وتفانيها في خدمة الأهلي "

ما قاله وصرح به جوزيه بالأمس ونقلته الصحافه البرتغاليه اليوم في عدة صحف كأبولا وريكورد وغيرها .. يدق ناقوس الخطر أمام لجنة الكره بالأهلي . وإنّا لمنتظرون !

صور ضوئيه وحصريه للموقع من حوار جوزيه بالأمس للتلفزيون البرتغالي

[img][ندعوك للتسجيل في المنتدى أو التعريف بنفسك لمعاينة هذا الرابط][/img]

نشرة الأخبار حملت خبر حوار القناه مع جوزيه بعنوان " جوزيه يعترف بأمكانية كبيره للرحيل عن الأهلي "
وبأعلي الصوره تاريخ الحوار " 1-1- 2008 حرصآ من الموقع على المحافظة على المصداقية و الدقة في نشر الخبر!

[img][ندعوك للتسجيل في المنتدى أو التعريف بنفسك لمعاينة هذا الرابط][/img]

[img][ندعوك للتسجيل في المنتدى أو التعريف بنفسك لمعاينة هذا الرابط][/img]

[img][ندعوك للتسجيل في المنتدى أو التعريف بنفسك لمعاينة هذا الرابط][/img]

فعلا الحوار ده اتكلم عنه برنامج الدرجة الثالثة النهارده ونتمني أن تكون الصفقات الجديدة زي العجيزي وسمير وفتحي يكونوا دعم مناسب للفريق خصوصا ان سنهم معقول ويا رب مجموعة الناشئين المنضمة حاليا للتدريبات تعمل حاجة يعني مثلا مجلة الأهلي عدد الأسبوع ده بتقول أن منهم لاعبظهير أيسر ممتاز والمركز ده محتاج حد شباب وكذلك مهاجمين كويسين ولاعب اسمه أحمد عبد الحمن كل ماتشات الناشئين اللي شوفتها كان هائل فيها

كلام شديد يس هى دى الحقيقه واحنا قلنا كده من الاول ياريت يدو فرصه للناشئين وتتحل حكاية حسنى عبد ربه المعقربه دى على خير لانها هاتكون ضربه جامده لحبيبنا الحلوين هناء وشرين طبعا انتو فاهمين انا بتكلم على مين حلو الكلام ده ينفع اغنيه بالذمه مش انفع اكون كاتب اغانى ههههههههههه

واضح كده والله اعلم انه الراجل ده عنده انفصام في الشخصيه لانه هنا من فتره كده قال في احد المؤتمرات الصحفيه بلاش تهاجموا الاعيبه لانهم هما اللي جابوا البطولات الفتره اللي فاتت وبلاش كلام العواجيز مش مجرد ما يحصل حاجه تبدأوا تقولوا اللاعيبه عجزت وانه الفريق وقع ويروح بلدهم يقول نفس الكلام اللي هو نفاه اللاعيبه الكبيرة في الفريق هي عناصر اساسيه هو اللي مايقدرش يستغني عنها حتي لو في بديل يعني مثلا النحاس وشادي في محمد سمير ورامي عادل في اماكنهم ليه مادام هو عايز شباب ما بيلعبوش حتي لو مستوي شادي والنحاس وحش؟؟؟؟
بالنسبه للنص هما سنهم صغير وبالنسبه للباكات احمد عادل وصديق صغيرين وما قدروش يملوا مكان الشاطر رغم اقتناعه الغريب باحمد عادل اما الشمال فكان في لاعب اجنبي اختبر وقالوه عليه هايل وكان سنه صغير ليه ساعتها ماستغناش عن حد من الاجانب سواء جيلبرتو او بوجلبان واتعاقد معاه؟؟؟؟؟؟؟
والهجوم الكبير فيه هو حبيب قلبه فلافيو اللي من نفس عينته الناكرة للجميل وطبعا بلال وحسني ومتعب مابيلعبوش اده؟؟؟؟؟؟؟؟؟
وابوتريكه هو الوحيد اللي مافيش ليه بديل والوحيد اللي بيلعب دوره كويس او لاعب جوكر هو بركات ومافيش في مصر حد زيهم هانجيبلك منين يعني
وبعدين قبل كده قلت انه لاعبي الاهلي احسن لاعبين في مصر وانت اللي اتعاقدت مع عبد الحميد حسن يبقي ايه اللي اتغير وليه بتهاجم الادارة وبتتكلم عن سن اللاعبين
طبعا ده كان محاوله فاشله للدفاع عن نفسك في خسارة اللقب الافريقي اللي انت قلت هنا انك تتحمل المسئوليه عنه بس السبب طموح اللاعيبه
واخر حاجه انه في ناس كده بتبقي ناكرة للجميل زيك انت وفلافيو جيتم الاهلي في وسط كوكبه من افضل لاعبي افريقيا واتوفرت لكم كل مقومات النجاح ولمااشتغلت ونجحت نسيتوا الجميل انت تهاجم الاداره وهو عايز يلوي دراع النادي يعني لولا الاهلي ماكانش حد سمع عن اشكالكم حتي في طبق اليوم وحد في سنك مش ممكن تعمل مع اي نادي في العالم اللي عملته مع الاهلي لانه مافيش نادي في العالم هو الاهلي ولو سيبت النادي هايتذبذب شويه اه لكن هايرجع اقوي جدا لانه طول عمرة نادي بطولات ومابيقفش علي حد

يعني معلشي ياستاذ ابو سيف هو لما يحب يفضفض يفضفض عاهوا قدام العالم كله ولما يجمع اتنين تلاته اصحابه ويفضفضوا مع بعضياتهم براحتهم ولا هو هنا قدامنا يعمل الشجاع وهناك الملاك!!!!!!!!!!!! ما لو عايز يمشي يسمعنا احلي سلام ويبقي بعد كده يورينا هايعمل ايه في اي مكان

أبوسيف حلمي كتب:

أولاً مشكورين اخواني الأفاضل روبوس و مروان الشاعر الفنان و الأخت الفاضلة الباغية لرضا الرحمن على المرور وا لتفاعل

يا جماعة الموضوع فعلاً في نبرة مش كويسة خالص بس الراجل ممكن يكون بيطلع اللي جواه لأن عليه ضغط صحفي كبير في مصر فممكن نسيبوه يفضفض شوية
و بعدين كفاية أنه مقالش الكلام ده في مصر و دي كفاية

الراجل ده بيقول كلام زى الفل

اختنا الفاضله باغية رضا الرحمن ممكن مارضيش يقول الكلام ده فى مصر علشان اللعيبه اللى معاه و معتمد عليهم ما يجيلهمش احباط و يموتوا نفسهم علشان يثبتوا انهم معجزوش لكن فى نفس الوقت هو بيتكلم صح و احنا نفسنا قلنا الكلام ده اكتر من مره

ربنا يقدم الله فيه الخير للفريق يا رب