عاجل : صحافة البرتغال: جوزيه في البرتغال للتفاوض بشأن تدريب

[ندعوك للتسجيل في المنتدى أو التعريف بنفسك لمعاينة هذه الصورة]

[size=12][size=9][size=12]ذكرت العديد من الصحف البرتغاليه طوال الأيام الثلاث الماضيه تقاريرا أخباريه عديده عن تلقي مانويل جوزيه المدير الفني البرتغالي للفريق عرضا جادا ومغريا من قبل رئيس نادي سبورتنج براجا لتولي مهمة تدريب الفريق.

الموقع لم يشأ خلال الأيام الماضيه الأعلان عن الخبر لكونه غير مؤكد رغم نشره في العديد من الصحف الكبيره جدا والمتخصصه كرويا في البرتغال , أيضا لحرج الوقت الماضي والذي كان يتزامن مع نهائي بطولة افريقيا امام النجم الساحلي والتي فاز بها الأخير.

الجديد في الأمر هو سفر جوزيه اليوم الي البرتغال في اجازه خاصه كما قيل .. لكن فاجئتنا صحيفة أ- بولا اليوميه الكرويه المتخصصه وهي أوسع الصحف البرتغاليه أنتشارا بخبر في عددها الصادر صباح اليوم .. وهو أن جوزيه يصل الي البرتغال يوم السبت للتفاوض مع رئيس براجا بشان تولي تدريب الفريق بدءا من الأسبوع الجاري !! وذلك خلفا للمدرب البرتغالي الشهير - جورج كوستا - والذي تمت اقالته من تدريب براجا مطلع الأسبوع الماضي.

يذكر ان قله من جماهير الأهلي قد هاجمت جوزيه بعد هزيمة الفريق في مباراة الأمس بشكل غير مبرر و هو أمر لا يستحقه هذا الساحر على الإطلاق .. وهو ما علق عليه جوزيه في المؤتمر الصحفي بعد اللقاء قائلا : " لو ارادت جماهير الاهلي رحيلي فسأحقق مطلبها ! "
[/size][/size][/size]

اعتقد الخبر ده غير صحيح لان جوزيه راجل محترم يحترم تعاقداته
وكذلك ادارة الاهلى الواعيه مش ممكن تسيبه يمشى وسط الموسم بالشكل ده

مشكوووووور كوجاك على الخبر

بصراحة كفاية علية كدة نفسى نجيب ريكاردة مدرب الهلال نفسى اتفرج على كورة على الارض

أجمل حاجة أن كل اللاعيبة تجاهلت تسلم على حياتو ماعدا متعب ... وواحد من الأهلى أخد الميدالية من الريس وسلم عليه وعدى حياتو وسلم على حسن صقر ... كانت لقطة بمليون جنيه [ندعوك للتسجيل في المنتدى أو التعريف بنفسك لمعاينة هذه الصورة]

كان نفسى أشوف لقطة زى دى يا هند .. بس إزاى جالك قلب تقعدى لحد توزيع الميداليات

كوجاك أولا مشكور للخبر .. ثانيا أنا متفق مع حازم فى رأيه .. ثالثا عمرنا ماهانلاقى زيه

فيه فرق بين مدرب لاعبين يقدر ينمى مهاراتهم ويوظفهم زى ريكارد أو بوكير أو كرول زمان

وبين مدير فنى للبطولات زى جوزيه يقدر يخطط على المدى القريب والبعيد

جوزيه متعاقد وبيحترم تعاقداته

في 60 داهية

ليه يا صالح كده مش هوده اللى كان عبقرى أول امبارح احنا اهلاويه بيتمر فينا مش زى غيرنا والراجل عمل لنا حاجات كتير جميله و مخلينا مسكتين كل الناس فى مصر و خارجها حتى لو كان غلط فى التشكيل أو التغيير ده مش مبرر اننا نبهدله بالشكل ده

احنا ورا فريقنا و جهازه و مجلس ادارته دايما ان شاء الله

و انا عارف انك زعلان علشان بتحب الاهلى زينا و يمكن اكتر لكن اللى بيحب الاهلى لازم يكون واثق فى فرقته

انا معاك فى الكلام هو فعلا عمل حاجات كتير ومحدش يقدر ينكرها بس بصراحة نفسى فى مدرب برازيلى عندنا المهارة ومحتاجة الى يوظفها صح ريكاردو بجد مدرب جامد

بالعكس الاهلي هو اللي عمله مدرب مشهور

وكفايه ان كل الماتشات اللي اتغلبنا فيها كان هو السبب فيها بطريقه او اخري
وكلها خسرناها بنتيجه كبيرة
وباخطاء ساذجه منه
كفايه بقي حتي الاعبين اللي موتهم جوزية مثل بلال واحمد صديق وغيرة وغيرة
الاهلي ولاعبي الاهلي في حاجه للتغير حتي من باب كسر الملل
وانا اسف لو رايي ضايقكم

بالعكس ياصالح افتكر ان المدرب دية لما راح اليابان اول سنة عمل اية وفى المرة التانية عمل اية
صدقنى لو الماتش اتعلب تانى عمر ما النجم يقدر يفوز كدة على الاهلى

يااخ شريف الكلام دا منقول من واحد
هوا اللي قال كدة لما راح الماتش
انا ماعرفتش انهم جابو التالت غير تاني يوم الصبح بالصدفة
انا قفلت التليفزيون على التاني

مع احترامي ليك يااخ محمد لكن كلامك مش صحيح خالص ابو تريكة مين اللي طلع مهاراته وبينها بركات مين اللي اكتشف فيه انه 11 لاعب لوحده بصراحة لاعيبة الاهلي من غير مانويل ماينفعش ومانويل من غير الاهلي ماينفعش
يااخ محمد مانويل المخ واللاعيبة العضلات مين هاينفذ المخ لو مافيش عضلات
وهاتعمل ايه العضلات من غير المخ والخطط والعبقرية
يعني الاتنين منجحين بعض
لا يامنويل ماتمشيش وتسبنا اخسر بطولة والا يهمك احنا لو خسرناك انت نبقي خسرنا كل البطولات مش بطولة واحدة
دول 13 بطولة فرحنا بيهم ودخل على 65 مليون اهلاوي مصري الفرحة في رقم قياسي 3 سنين يعني بمعدل في شهر بطولتين
عشان بطولة خسرناها نقلب عليه

مينفعش نعامل الراجل كده
مع انى رأى زى صالح فى موضوع اللاعيبة اللى دفنها
انا مش عارف ليه صديق على الاحتياطى
ده والله جااااااامد

و انا كمان معاكم ان كل انسان له عيوبه ومن عيوب مانويل ان دماغه ناشفه و لا يستمع للنصح و ده اللى خلاه يموت لاعب لما يقلب عليه لكن مفيش انسان كامل اى مدرب لازم له عيوب و لازم نقبله على عيبه طالما مميزاته اكتر

و على فكره يا محمد رأيك مش مضايقنا و لا حاجه احنا بس بنتناقش و كل واحد من حقه يقول رأيه

» عاجل.. فينجادا يعتذر عن تدريب الأهلي
» عاجل : أنباء عن إتفاق بين الأهلي وبتروجيت بشأن حسين علي
» جوزيه هيعزم كل الأهلاوية في البرتغال
» خاص : جوزيه يطير إلى البرتغال عقب مباراة السوبر
» ابن جوزيه يطلب جيلبرتو للاختبار في البرتغال