انه احد ابناء النادى الاهلى واحد هدافيه العظماء قال عنه الكابتن شوبير انه مولر الكرة المصرية يتميز بدماثة الخلق . انه احد ابناء محافظة الشرقية والابن البار لمدينة ديرب نجم حيث لم ينسى مسقط راسه وقام بانشاء مدرسة للكرة فى مركز شباب ديرب نجم تحمل اسمه لقبوه باحمد اجوال نجمنا لاعب الاهلى الاهلى وهدافه وهداف منتخب مصر النجم احمد بلال .
بعدما طالت غيبته واختفاءه عن الانظار لفترة كان لاهلى بلايرز السبق بالحصول على حديث معه حيث فاجئناه فى منزله بديرب نجم واجرينا معه هذا الحديث القصير نظرا لضيق وقته :
_ سؤال يتررد الان كثيرا من محبى الكابتن احمد بلال ..اين احمد بلال ؟
. مافيش بس أنا الفترة اللي فاتت كنت مصاب بشرخ فى وجه القدم. استمرت الاصابه فترة 3 شهور وإثناء الفترة دي كنت أنا بعمل علاج طبيعي والحمد لله أنا بقالي أسبوعين موجود في الملعب ومستعد الفترة الجاية للمشاركة.
_ ما سبب عودة الكابتن احمد بلال من تركيا ؟.
لا هي أسباب عائليه ليست اكتر .
_ لكن كابتن احمد الاحتراف ليس لعب كرة القدم فقط لكن هناك عوامل اخرى ؟.
_فعلا و مشكله تركيا . ينقصها الاحتراف الكامل .
- إيه المقصود إن تركيا ينقصها الاحتراف المكتمل؟ .
- بمعنى أنا محترف في تركيا معايا اولادى والعائلة والمفروض يكون في استقرار ليهم هما كمان لكن للأسف ده مش متوفر هناك علشان تستقر في تركيا لازم تكون لوحدك.
_ كابتن احمد سمعنا في الفترة اللي فاتت إن مانويل جوزيه قال إن مفاجاه نهائي أفريقيا هاتكون احمد بلال ؟
_. أنا قعدت الفترة اللي فاتت دي مع مستر جوزيه (الخواجة) وإحنا متأهبين إن شاء الله وأنا أكون موجود في المانش اللي جاى إن شاء الله .
. كابتن احمد ماتش النجم 2005 كانت المفاجاة أسامه حسنى . ماتش الصفاقسى 2006 كان محمد عبدا لله هل تتوقع 2007 يكون احمد بلال؟
__. والله ربنا يسهل وفى الكرة كل شي باوانه وأنت كلاعب بتعمل اللي عليك وتجتهد والمدرب يبقى له القرار الأول والأخير بس وبيبقى في شبة اتفاقات يعنى أنت مؤهل ولا لا والكلام ده فعلا تم من فترة وربنا يسهل وإحنا مستعدين بأذن الله.
. كابتن احمد في الفترة الأخيرة انتشرت في الصحف والمجلات وعلى مواقع الانترنت إن احمد بلال من ضمن قائمه المستبعدين في يناير إيه تعليقك؟ .
. أنا هقولك على حاجه الواحد لما يبقى بعيد عن الملعب سهله جدا الأقاويل الكثيرة تتقال ده قاعد ده ماشى والكلام ده ليس له أساس من الصحة تماما أنا لما رجعت النادي الاهلى مضيت عقد 3 سنين نص وأنا عايز اقعد فعلا المدة كلها إما قصة التفكير أنى امشى دلوقتى فدى صعبه جدا دلوقتى .
_ هل الكابتن احمد ناوى على الاحتراف تانى ولا هيستقر مع الاهلى؟ .
. زى ما قلت لك قبل كده أنى مع الاهلى فترة العقد كلها إن شاء الله .
- الكابتن بلال يوعد جماهير الاهلى بالعودة القوية ان شاء الله وانه يرجع احمد اجوال ؟
- ان شاء الله وانا ببذل كل جهدى انى ارجع والتوفيق من عند الله .
بالتوفيق دايما للكابتن احمد وان شاء الله تفرح كل الاهلاوية بعودة قويه واحراز اهداف فى مرمى النجم الساحلى ان شاء الله .
الرئيسية 
التسجيل 
دخول 
