على ذمة الحياة:الفرسان يحاولون احياءالصفقة.رئيس أهلى دبى فى ويمبلى لمتابعة تريكة

على ذمة الحياة : "الفرسان" يحاولون احياء المفاوضات .. رئيس أهلى دبى فى انجلترا لمتابعة تريكة

يبدو أن مسئولى نادى أهلى دبى يحاولون احياء المفاوضات لضم محمد أبو تريكة صانع ألعاب النادى الأهلى إلى صفوف فريقهم قبل بداية الموسم الجديد ، بينما تواجد خليفة سليمان رئيس النادى فى لندن لمتابعة اللاعب خلال مباريات البطولة .

وعلى ذمة قناة الحياة الفضائية قالت أن الفرق الاماراتى يحاول تجديد المفاوضات لتدعيم صفوفهم قبل بداية الاشتراك فى بطولة العالم للأندية التى ستنظم فى دبى وسيشارك فيها فريق الأهلى الاماراتى بصفته بطل أخر بطولة دورى فى الامارات .

وكان الفرق الاماراتى عرض ضم اللاعب إلى صفوفه مقابل مبالغ مغرية للاعب وناديه ، ليشارك مع الفريق فى بطولة كأس العالم للأندية و أيضا فى سبيل الفريق نحو المحافظة على لقب بطولة الدورى التى يحمل لقبها .

وتلقى تريكة دعوة من نادى أهلى دبى لحضور مباراة السوبر الإمارتية أمام فريق العين ،وهو ما يشير إلى تمسك النادى باللاعب حتى الأن .

يذكر أن فريق أهلى دبى يضم بين صفوفه لاعب الوسط المصرى حسنى عبد ربه ، وسيشارك الفريق فى بطولة العالم للأندية التى ستنظمها بلاده فى فى شهر ديسمبر المقبل .

والله لو منه أروح
حرام كل اللي عمله يضيع

اللي علاه ما عملوش لوحده..وده الوقت اللي يبان فيه مين اللي يقف وقت الزنقه ومين اللي يخلع
لكن لو هو عاوز يمشي يبقي يمشوه وبسرعه
عايزين نركز في الايام الجايه وما ننشغلش بحاجه تانيه
وربنا يستر

ROBOS كتب:: اللي علاه ما عملوش لوحده..وده الوقت اللي يبان فيه مين اللي يقف وقت الزنقه ومين اللي يخلع
لكن لو هو عاوز يمشي يبقي يمشوه وبسرعه
عايزين نركز في الايام الجايه وما ننشغلش بحاجه تانيه
وربنا يستر

زنقه ايه ؟؟؟؟؟؟؟؟؟؟؟؟؟؟؟؟؟؟؟
لا بأه هو مش مضطر يستحمل قرارات غبيه
وناس مشغوله بالانتخابات والبيزنس علي حساب النادي
واحد عمره ما درب جابوه وعملوه مدير فني لاكبر نادي في افريقيا
ده غير المجاملات اللي شغاله علي حساب الفريق
يستحمل هو ليه
يستحمل لو مفيش فلوس
يستحمل لو اللعيبه مستواها نازل
مش يستحمل ناس بتستعبط

ايه ده انتي بتزعقي ليه؟؟؟؟؟؟؟؟؟؟؟؟؟؟؟؟
الفريق في زنقه حتي لو كانوا جابوا أحسن مدرب في العالم واللاعيبه مستواها نازل وهو من اللي مستواهم نازل ومن السنه اللي فاتت
أنا بأحب أبو تريكه جدااااااااااااااا لكن الأهلي عندي أهم من أي لاعب وعلشان الأهلي مش علشان أي لاعب باطلب انه مفيش لاعب يقعد غصب عنه
لكن يفكر ويقرر وبسرعه ...مش عين في الجنه وعين في النار
وعلي فكره لو مصلحه الأهلي انه تريكه وبركات وجمعه يبقوا موجودين علشان يشيلوا زمايلهم الموسم ده
فمصلحه أبو تريكه أنه ما بيعدش عن مصر وعن الأهلي وشوفي مستوي عبد ربه هناك وبعدين الاخوه الخلايجه دول مجانين لو ضيع فرصه في ماتش هايشتموه ويهينوه ويمكن يفنشوه كمان ولو اتصاب هايرموه زي ما عاملين مع متعب...وعمرهم ما هايستحملوه لو لعب هناك زي ما كان معانا الموسم اللي فات وساعتها هايرجع نفسيته متحطمه ومستواه نازل اكتر
أبو تريكه فاضل له 12 جون ويدخل نادي المائه اللي مفيش فيه غير 6 لاعيبه مصريين وتقريبا هايبقي اول لاعب خط وسط يدخله...هو ده التاريخ اللي يفكر فيه ويقرر وبسرعه وبرضه ربنا يوفقه

يا جماعة ابوتريكة مش زى ابراهيم سعيد و الحضرى و جمال حمزة اللى باعوا نفسهم للفلوس و بس
واحد زى عمرو زكى بيدور على الفلوس و الشهرة و مش مركز مع ناديه نهائى
ابوتريكة حاجة تانية يا جماعة و نادى أهلى دبى مش من مستواه و أعتقد ان حب جماهير الأهلى ليه و قبلهم حب ربنا يخليه اغنى واحد فى العالم
ابقى فى الأهلى يا تريكة هو الأفضل لك

مينفعش انه يمشى
الاهلى محتاج كل لاعب بيحب النادى بجد
لازم نقف جمب النادى وجمب البدرى
انا مش زعلانه انهم خسروا بأهداف كتيرة
احنا لسه فى بداية الموسم
ولو حتى خسرنا السنة دى كل البطولات
مش هزعل لانهم ياما فرحونى وكسبوا بطولات
بس المهم نقف جمبهم ومش نعمل زى جماهير الاندية التانية
وانا واثقه اننا ان شاء الله هنعمل موسم كويس
ومش مهم نكسب بطولات بس نكسب لاعيبه جديده ومدرب مصرى محترم
وانا متفائله بالرغم من الخسارة الكبيره الى احنا خسرناها
بس ان شاء الله خير

انا مع رباب
احنا بنحب تريكة فعلا وبنتمنة الف خير لية
بس الاهلي فوق الجميع وابو تريكة لو كان مشي في الوقت ده يا رانيا صدقيني نص الاهلاوية كانوا ممكن يقفوا ضددة لاننا بنحب الاهلي اكتر ما بنحب اللاعبين

» صحيفة الامارات اليوم : أهلى دبى يجدد طلبه لإستعارة تريكة ولو على سبيل الإعارة لم
» رئيس اللجنة الطبية يؤكدعودة أبو تريكة للفريق بعد أسبوع .. وحالة اللاعب مطم
» خاص : رئيس اللجنة الطبية يشرح ملابسات سفر أبو تريكة لألمانيا للخضوع لفحوصات إيمه
» سلة الأهلى تهزم الاتحاد .. ولاعبو المنافس يحاولون الاعتداء ع
» مبعوث أهلاوي في سويسرا لمتابعة قضيتي عبدربه والحضري