سلة الأهلى تهزم الاتحاد .. ولاعبو المنافس يحاولون الاعتداء ع

سلة الأهلى تهزم الاتحاد .. ولاعبو المنافس يحاولون الاعتداء على الحكم

حقق فريق كرة السلة الأول للرجال بالنادى الأهلى فوزاً مستحقاً على الاتحاد السكندرى 69 / 65 ضمن مباريات الدورى العام لكرة السلة والتى أقيمت فى صالة الأمير عبد الله الفيصل بمقر الجزيرة .

شهدت المباراة أحداثاً مؤسفة للغاية من جانب لاعبى فريق الاتحاد الذين حاولوا الاعتداء على الحكم ياسر جمال قبل نهاية اللقاء بلحظات اعتراضاً منهم على عدم احتساب خطأ غير صحيح لصالحهم ضد الأهلى .. ولولا تدخل رجال الشرطة فى الوقت المناسب واللحاق بالحكم لتعرض لضرب مبرح من جانب لاعبى الاتحاد الذين احتكوا به بالفعل .

ولم تتوقف الأحداث المؤسفة عند هذا الحد بل قامت جماهير الاتحاد السكندرى بإلقاء مقعدين على حكام المائدة الموجودين خارج الملعب ودخلوا فى اشتباكات مع رجال الشرطة ولولا أن المباراة كان متبق بها بعض اللحظات لحدث ما لا يحمد عقباه .

أما عن المباراة نفسها فقد جاءت سيجال بين الفريقين تفوق الأهلى خلالها فى الفترتين الأولى والثانية ثم كان التقدم لصالح الاتحاد فى الفترة الثالثة .. ولكن سرعان ما استعاد أبناء الفانلة الحمراء التقدم بفضل اللاعب مودى الجارحى وزميله إسلام علي وكانا نجما اللقاء بالفعل لينهى الأهلى اللقاء لصالحه 69 / 65

الف مبروك للفريق المشرف المهمل من قبل مجلس الادارة شامه شان اليد والطائرة

لو أنت متابع اللعبات دي يا طاطا
يا ريت تقولي ايه اللي حصل لفريق الطائرة
ليه بقي بيخسر كثير وبسهولة كده
بعد ما كان بينهي الدوري والكأس كل سنة بدون هزيمة ولا حتي شوط

الطائرة خسر الدوري يا رباب والنهاردة كان ماتش مع الزمالك تحصيل حاصل
واليد في طريقها لخسارة الدوري ايضا

هيا ايه حكايه الاعتدائات في السله اليومين دول

الحكام يا موران هما السبب

الحمد لله الاهلى نجح فى انه يفسد فرحة الزبالك بدورى الطايره و فاز عليه 3|2 بعد مباراه ماراثونيه جامده جدااااااااا

ربنا يبشرك بالاخبار الحلوة يا حزوم

موران ايه يا طاطا هو انا عشان غلط في اسمك تقلبني ولد علطول كده ماشي يعم نرضهالك في الافراح

خبر حلو فعلا اللي قاله حازم
انا زعلانة جدا علي فريق الطائرة بالذات
لأنه كان في مستوي وباقي فرق مصر في مستوي ثاتي خالص
ايه اللي حصل احنا اللي مستوانا نزل ولا المنافسين اللي مستواهم ارتفع ؟
انما بالنسبة لليد فهي دائما رايحة وجاية بينا وبين الزمالك
والسلة بيدخل الجزيرة اقوي من الاثنين والاتحاد شكله راجع لايام زمان

يا أخت روبوس الجزيرة مش أقوى من الأهلى بس هي فرقة غلسة بتعتمد على إنها تنرفز الفريق المنافس و تخرجه عن تركيزه و تخطف الماتش فى آخر دقيقة و بالذات ضد الأهلى اللى خلاها عقدته لأن على قد ما الأهلى فريق ممتاز و قوى و مدربه أشرف توفيق مدرب ممتاز إلا إنه لا يجيد إدارة الدقائق الأخيرة و يكفى إنى أقول لك إن الأهلى كان بيلاعب الجزيرة فى نهائى بطولة عربية خارج البلاد و كان متقدم بفارق 21 نقطة و كان فى الكوارتر الرابع و بالرغم من كده خسر اللقاء .............يعنى الخلاصة الأهلى فى آخر 5 سنوات هو أقوى فريق فنياً لكنه يفقد البطولة بسبب عدم إدارة الدقائق الأخيرة جيداً من أشرف توفيق مع إنه مدرب جيد فى باقى فترات المباراة..............و بالنسبة للطائرة بتمر بمرحلة تغيير بعد إعتزال النجوم مثل الأخوين مصيلحى و الرائع ماجد مصطفى صانع الألعاب و كبر سن باقى النجوم و الجيل الجديد مش كله كويس زى اللى إعتزلوا و كمان يفتقدوا الخبرة

شرفتوا الموضوع وعليتوا قيمته بردودكم اللى حولته لندوة رياضية على أعلى مستوى
أحبابى الغاليين
الأسد طاطا (عندك حق) .. العسولة نوران .. الخبيرة رباب (أدرتى الندوة بكفاءة) .. الزعيم حازم جارى الحبيب (وش السعد وصاحب الأخبار الجميلة) .. الحكيم مراد (رد رائع وتحليل سليم)

» سلة الأهلى تهزم سموحة 64-46 و تصعد لنهائى كأس مصر لتواجه الاتحاد السكندرى مجددا
» الأهلى يكرم الجهاز الفنى ولاعبو المنتخب الوطنى
» يد الأهلى تحت 14 سنة تهزم الزمالك 22/17
» سلة الأهلى تهزم جاسكو 74\59 والغنام يعود بعد أسبوع
» سلة الأهلى تهزم الكرامة السورى 70\53 ودياً .. وإصابة مودى