الأهلى يرفع شعار لابديل عن الفوز ومعوض أساسي

تثبيت التشكيل مهم طبعا للفرق الكبيره
بس مش ها يضر التثبيت ده لو كل ماتش لاعب واحد بس اخد فرصه من اول الماتش
ولاعب تاني يبقي تغيير بعد النتيجه ما تبقي مطمئنه
كنا لقيناهم دلوقتي
طيب ايه الحل دلوقتي في ماتش انبي بعد ايقاف فلافيو
ممكن جدا ان اللي ها يلعب يتألق ويبقي مفاجأه
لكن برضه ممكن يبوظ الدنيا وتبقي الحجه انه مش جاهز ومش منسجم

شريف رباب ردت عليك اهو bounce

آآآآآآه .. إنتوا إتفقتوا عليا .. طيب ألحق أكتب وصيتى

أمال إينو وسمير وأحمد حسن وفتحى ورمزى دول لعبوا إزاى ؟
خدوا فرصة .. إتمسكوا بيها .. أثبتوا وجودهم .. إستمروا
والعجيزى كمان نفس الموضوع وأظن هايكون أساسى الماتش الجاى
وجربنا عبد الحميد وأحمد على وحسين على وبلال وأسامة حسنى وكلهم فشلوا
اللاعب اللى عامل فيها نجم وتجيله الفرصة ويفشل فى إقتناصها مايلومش غير نفسه
الأهلى مش فريق صغير ولا عنده وقت للتجارب
وإلا كنا صبرنا بقى على الناشئين بتوعنا وضحينا بكام بطولة لحد مايشدوا حيلهم .. هم أولى من الغريب
لكن الأهلى فريق بطولات وجمهوره مايقبلش الخسارة تحت أى مسمى
علشان كده ماينفعش يلعب غير الجاهز

وصيه ايه بس يا مايسترو ربنا يطول عمرك وتفرح بندي ومحمد
وبعدين يا باشا هو احنا نقدر برضه نتفق عليك

بص بقي : سمير مش بيلعب الا لما الامور تتأزم وده بالرغم من سوء مستوي شادي لفتره طويله جدا(مش كل لاعب كبير ها يلعب ماتشين وحشين نركنه لكن لما لاعب يلعب موسم كامل وحش كان لازم يريح شويه)
رمزي ما أخدش الفرصه الا بعد خراب مالطه
طيب لما لاعب ينزل ويعمل ماتش كويس مش يكمل بقي؟؟؟؟؟؟؟؟؟
اللي حصل العكس مع معوض(مع اني باكرهه ومش باحب اشوفه في الملعب) والعجيزي والمحمدي بالتحديد

أديكى قلتى التلاتة اللى تعمدت ماذكرش إتنين منهم
معوض والمحمدى .. والعجيزى
معوض أثبت كفاءة قريب بس وبيلعب مكان جلبرتو (أفضل لاعب أجنبى فى تاريخ الأهلى)
والمحمدى كفاءته عالية برضه .. لكن بيلعب مكان تريكة أو بركات أو أحمد حسن
ولما جتله الفرصه بغياب بركات وأحمد حسن للإصابة .. إتصاب هو كمان
أما العجيزى لما نجح فى ماتش بيلارز لعب ماتش الزمالك .. وهو عارف إنه بيتم إعداده للمستقبل

أما سمير فأنا متفق معاكى تماما فى خطأ تمسك جوزيه لغريب بشادى محمد

بالنسبه لمعوض بالتحديد كان لازم ياخد فرصه اكبر من فتره
(علي ما افتكر من بعد ماتش الاسماعيلي في الدور الاول)
مش بس لانه كويس لكن لنزول مستوي جلبيرتو اللي بيزيد مع الوقت

العجيزي كان لازم ياخد ماتشات ولو حتي احتياطي بعد جونين بتروجيت
وانتظرناه بعد بطوله افريقيا لكن محصلش

المحمدي حظه ملطش الحقيقه وربنا يشفيه
لكن كان فيه فتره كانت الامور ماشيه معاه برضه ماتشين تلاته ورا بعض كويسين
وكان ممكن لو اخد فرصه اكثر يبقي احسن دلوقتي

sherifalwakkad كتب:: آآآآآآه .. إنتوا إتفقتوا عليا .. طيب ألحق أكتب وصيتى

أمال إينو وسمير وأحمد حسن وفتحى ورمزى دول لعبوا إزاى ؟
خدوا فرصة .. إتمسكوا بيها .. أثبتوا وجودهم .. إستمروا
والعجيزى كمان نفس الموضوع وأظن هايكون أساسى الماتش الجاى
وجربنا عبد الحميد وأحمد على وحسين على وبلال وأسامة حسنى وكلهم فشلوا
اللاعب اللى عامل فيها نجم وتجيله الفرصة ويفشل فى إقتناصها مايلومش غير نفسه
الأهلى مش فريق صغير ولا عنده وقت للتجارب
وإلا كنا صبرنا بقى على الناشئين بتوعنا وضحينا بكام بطولة لحد مايشدوا حيلهم .. هم أولى من الغريب
لكن الأهلى فريق بطولات وجمهوره مايقبلش الخسارة تحت أى مسمى
علشان كده ماينفعش يلعب غير الجاهز

دورى بقى ارد Laughing

انا هتكلم فى الجزء ده

وجربنا عبد الحميد وأحمد على وحسين على وبلال وأسامة حسنى

جربنا فين عبد الحميد وحسين على ؟
قصدك على الشوط اللى لعبوا طيب انت شايف كده شوط فى موسم كامل نقدر نحكم عليهم ؟؟؟
ولو هنتكلم على مفيش وقت للتجارب مثال صغير (فلافيو) موسم كاملللل مش شوط ومجبش غير جون وكمان كان جون بطيخه

وعلى فكره صديقى مدير فنى فى وداى دجله وبيقول على عبد الحميد احمد انه لاعيب كويس جدا وطريقه لعبه قريبه اوى من المرحوم محمدعبد الوهاب وانا بصراحه بثق جدا فى كلامه

حسين على طبعا كلنا شوفناه فى بتروجيت كان ازاى مكوك نصف الملعب زى ايام مجد حسن مصطفى كده

احمد على انا مش قادر اتكلم عنه لانى بصراحه مكنتش مركز عليه خالص بس كلام جوزيه عنه بيقول انه كويس ومستقبل الاهلى القادم

بلال واسامه لا تعليق علشان دول اصلا مش جدد على النادى وبرضه حسين على مش جديد على النادى لانه كان بيلعب فى الناشيئن

احمد حسن دروجبا وحسين المحمدى فين فرصتهم الحقيقه مش مجرد دقايق لعبوها

العجيزى مش عاوز اتكلم عنه

سيد معوض ده بقى لغز لوحده ايام الاسماعيلى كان طلقه وهايل ومعرفش ايه اللى حصلوا ؟؟؟؟؟؟؟؟؟؟؟؟؟؟

وإلا كنا صبرنا بقى على الناشئين بتوعنا وضحينا بكام بطولة لحد مايشدوا حيلهم .. هم أولى من الغريب
لكن الأهلى فريق بطولات وجمهوره مايقبلش الخسارة تحت أى مسمى
علشان كده ماينفعش يلعب غير الجاهز

معاك الاهلى فريق بطولات وجمهوره ما يقبلش الخساره تحت اى مسمى علشان كده ما ينفعش يلعب غير الجاهز

طيب مش اللاعيبه اللى جت ده مش المفروض انهم جاهزين طيب منين هيكونوا جاهزين وهما اصلا مش بيلعبوا غير نادر جدااااااا ؟؟؟؟؟؟؟؟؟؟؟؟؟

ونشكركم لحسن استماعكم
كان معاكم محمد كوجاك

وبعد الشر عليك يا باشا تعيش وتناقشنا كده علطول I love you

حلو جدا الحوار دا والمناقشه دى
استفادت جدا منكم
وربنا يستر علينا من الجاى

لا فض فوك يا محمد
احنا بنلعب 30 ماتش دوري وحوال 14 افريقيا ونقول 6 كأس مصر
حوالي 50 ماتش في الموسم لو كملنا في كل البطولات
لو لاعب واحدبس اخد فرصه في كل ماتش كانت هاتفرق معانا كتير
مش هانسي قريب كان فيه ماتش الأهلي متقدم 2/0
ولسه لنا تغيير والمحمدي قاعد بره هايموت وويلعب الربع ساعه اللي باقيه
لكن برضه جوزيه ما نزلوش وما عملش التغيير الثالث في الماتش ده

مش بقولكوا .. ماينفعش حد يسلك وسط التحالف الرهيب ده
لكن سعيد جدا بتعليق سوكا وأتمنى نكون فعلا أفدنا حد بالمناقشة دى

طبعا آرائكم محترمة جدا ومنطقية
يمكن بس علشان أنا مش مقتنع بفايدة حسين ياسر لأنى شايفه لاعب مهارى لكن ضعيف بدنيا ولياقة
غير إن تاريخه مع الأندية اللى لعبلها بيقول إنه ماكملش موسمين مع أى نادى
وحسين على بحس إن لعبه غبى وممكن ينطرد فى أى وقت .. خصوصا مع حكامنا الكرام

لكن مافيش شك إن وجهة نظركم نظريا سليمة
وعمليا ماقدرش أحكم لأن ماحدش فينا معاشر اللعيبة دى فى التدريبات وعارف اللى بيحصل فى الكواليس

إحتمال كبير تكونوا صح وأنا غلط .. وإحتمال العكس
كل شئ هايبان الماتشات الجاية وفترة الإنتقالات

لكن المؤكد .. إن مافيش حد منزه عن الخطأ
وإن مافيش حد ممكن يعمل اللى عمله جوزيه فى المستقبل القريب أو البعيد
وعمرنا ماهنلاقى مدرب يقدر يكون بنفس لصفات القيادية والعقلية اللى عند جوزيه
ولو حد يعرف واحد تانى ممكن تحصل نفس الكيميا اللى بينه وبين اللعيبة والجمهور ويجيب نفس البطولات
يقول عليه

وإن كانت دى عيوبه فأنا عن نفسى مستعد أتحملها فى سبيل الحصول على مزاياه

أشكركم جدا أنا كمان للحوار الثرى ده أحبابى الغاليين

شكرا لك يا شريف ولمحمد علي المناقشه الجميله
وجوزيه مش هانختلف عليه بعد السنين دي
وزي ما بتقول كل واحد له أخطاء
لكن من حبنا للأهلي بنتصور انه لا يمكن يبقي فيه غلطه
ويا رب يكون الجاي أحسن وربنا يوفق الفريق ان شاء الله

كوجاك يعود من جديد Laughing

كلمتين بس يا شريف ممكن؟

بتقول على حسين ياسر انه مهارى لكن ضعيف بدنيا ولياقه تمام معاك
طيب هو بركات يعنى وحش Laughing

والله العظيم بركات ده جسمه قريب منه جداااااااااا
وموضوع اللياقه كلنا عارفين انها بتيجى مع استمراريه اللعب ولا ايه Cool

وبتقول على حسين انه لعبه غبى وممكن يطرد فى اى وقت
طيب لو هنتكلم عن الغباء عندنا من الحبايب كتير Laughing

وائل جمعه انا عن نفسى بعتبره نمره واحد

احمد السيد

معتز اينو

وساعات حسام عاشور

وشكرا يا باشا على روحك العليا I love you

» الأهلى يواجه أنبى تحت شعار " لا بديل عن الفوز"
» البدرى:لابديل عن الفوز رغم صعوبة مباراة المنصورة
» في مران الأربعاء : جوزيه يرفع شعار لا للتغيير .. ويرفض الأخطاء الساذجة
» مدرب أدليد: هدفنا الفوز على الأهلى و الحصول على المركز الخامس
» الهارب يغازل الأهلى ويرفع شعار ( لف وأرجع تانى)