الأهلى يرفع شعار لابديل عن الفوز ومعوض أساسي

الأهلى يرفع شعار لابديل عن الفوز : جوزيه يخشى حماس شباب الزمالك .. ومعوض فى التشكيل الأساسى


أخر تحديث فىالأربعاء 22, ابريل 2009 , 22:34
كتبه : فريق عمل أهلى نيوز , فى الأربعاء 22, ابريل 2009 , 22:11









قبل أقل 24 ساعة من مباراة القمة رقم 103 حذر البرتغالى مانويل جوزيه المدير الفنى للفريق الأول لكرة القدم بالنادى الأهلى لاعبيه من حماس شباب الزمالك مؤكداً لهم أن الفريق الأبيض سيدخل المباراة بإعصاب هادئة فى مواجهة البطل .







[ندعوك للتسجيل في المنتدى أو التعريف بنفسك لمعاينة هذه الصورة]

وأكد جوزيه للاعبيه خلال المران الأخير قبل مواجهة الزمالك أن الفريق أن هدف مبكر فى شباك الزمالك كفيل بموازنة الكفة وقتل حماس وهدوء لاعبى الفريق الأبيض وجعل شباب الزمالك تحت ضغط مستمر خوفاً من التعرض لهزيمة ثقيلة وهو ماقد يسهل المهمة على الأهلى .









من جهة أخرى عكف البرتغالى مانويل جوزيه خلال الأيام الماضية دراسة الفريق الأبيض عن طريق الفيديو ووضع السيناريوهات المتوقعة للقاء وبالفعل وضع وقف البرتغالى على نقاط القوة والضعف فى الفريق الزملكاوى ووضع الخطة المناسبة لمباراة القمة واضعاً فى إعتباره غياب الزئبقى محمد بركات وقائد الفريق شادى محمد .







[ندعوك للتسجيل في المنتدى أو التعريف بنفسك لمعاينة هذه الصورة]







واستقر جوزيه على بخوض اللقاء بطريقة 3\4\2\1 حيث لاخلاف على وجود الفلسطينى رمزى صالح فى حراسة المرمى أمام الثلاثى محمد سمير وأحمد السيد ووائل جمعة واستقر جوزيه على الدفع بأحمد فتحى فى مركز الظهير الأيمن وسيد معوض فى مركز الظهير الأيسر فى مواجهة الظهير الطائر للزمالك حازم إمام ثم ثنائى إرتكاز المعتز بالله إينو وحسام عاشور وفى المقدمة مثلث هجومى قاعدته أحمد حسن ومحمد أبوتريكة وفى الهجوم فلافيو .









ووضع جوزيه البدائل الفنية لمواجهة أى مستجدات خلال اللقاء حيث يكون أحمد فتحى بديلاً تكتكياً للثنائى المساك وائل جمعة وأحمد السيد فى حالة تعرض أى منهم للإصابة على أن يكون المعتز بالله إينو بديلاً تكتيكياً لمحمد سمير ليبرو الفريق فى حالة إصابته لقدر الله كذلك وضع جوزيه الإحتياطى الاستراتيجى فى وضع الإستعداد على دكة البدلاء وأهم بدلائه هانى العجيرى واسامة حسنى .














ولن يكون الغزال الإنجولى جيلبرتو بعيداً عن الصورة حيث من المنتظر أن يكون لجيلبرتو دوراً بارزاً فى الشوط الثانى على حساب زميله سيد معوض الذى أخذ مهمة استنزاف ناشىء الزمالك حازم إمام فى الشوط الأول ليسهل المهمة على جيلبرتو فى الإجهاز على سلاح الزمالك الأول ومكمن خطورته .











متابعة : صفوت عبد الحليم



إعداد وتحليل : محمد يسرى

جيلبرتو ازاى يكون احتياطى ده حازم امام هياكل عيش على معوض للصبح لاعيب سريع ومهارى لازم يقابله لاعيب سريع زيه ومهارى ربنا يستر

لو الخماسى ده فى حالتهم النهارده باذن الله هنكسب وباسكور كمان
1- جيلبرتو
2- احمد فتحى مع ان انا شايف ان مستواه نزل شويه
3-احمد حسن وربنا يستر وميكنش فى تاثير من الاصابه
4-ابوتركيه امتى ترجع يا ابوتركيه ؟؟؟؟؟
5-فلافيو من بعد الضربه بتاعت الماتش الافريقى وشايفك مش مركز وبتلعب من غير نفس ؟؟؟

صح انا معاك يا ادمين
جوزيه له مفأجات فى ماتش الاهلى والزمالك
وبعدين يلعب جلبرتو احسن من معوض
ويلعب هانى العجيزى بدل احمد حسن
انا حاسه انه هيعمل كدا
وانشاء الله نكسب

صح يا حازم
بس سيد معوض بطى
وعلى ما يجس نبض الزمالك ممكن يجيبوا جون
واناشايفه ان جلبرتو كويس جدااااااااا وسريع وموضوع انه بيترقص دى لالالالالالالالالالا
دا جلبرتو ههههههههههههههههههههههههه
ان شاء الله الاهلى يكسب ويتصدر الدورى

لألألأ انا مش معاكم خالص ان العجيزى يبدا ماتش ده غلط طبعا لازم احمد حسن يبدا الماتش لازم اول الماتش نمسك نص الملعب كويس ونضغط عليهم مع احترامى للعجيزى انا شايف انه بطى وكسول

العجيزى هيبدا فعلا الماتش ويارب يخيب ظنى فيه ويكون ليه دور فعال فى المباراه

رباب انتى بتتكلمى عن جيلبرتو هو مين كان كويس ؟؟؟؟؟؟؟؟؟؟؟؟؟؟؟؟

طيب ما البيه احمد السيد حب يساعده كل عليه عيش برده
ثم دفاع ايه اللى كان كويس عندك الاستاذ محمد سمير كان نايم وفى اخر الماتش صحى وافتكر انه عنده ماتش
والبروفسير وائل اللى كل كوره من رجله ليهم كانه بيلعب معاهم

وبعدين لما المدافع يطلع كذا كوره ويفشل لاعيبه خط الوسط انهم ياخدوها ويسيطروا عليها
يبقي الغلط علي مين

ازاى يعنى يا رباب هو انا اطلع الكوره من رجلى غلط واجيب الغلط عليهم ليه معنديش عين اشوف بيها انا بباصى لمين ؟

معاكى يا رباب بس اسمحيلى اوضحلك نقطه فى الجزين دول
خصوصا المدافعين اللي لازم ما يتفذلكوش قرب الجون
شايفه الدفاع في الماتش ده مكنش وحش

اولا طبعا مش لازم المدافع يتفذلك قدام الجون بس الواحد بيشوف ماتشات اوربا مفيش مدافع بيشلت كوره ولا بيطفش وخلاص بالعكس ده بيسلم للرجل وبيتسبب فى هجمه لفرقته و بيجى منها اجوان
طبعا هتقولى مفيش مقارنه بينا وبينهم معاكى فى كده ولا هيكون ابدا فى مقارنه اصلا
بس ليه الواحد ميحلمش يبقى زيهم بلاش نقول احسن منهم لان احنا لسه موصلناش ليهم اساسا
ليه المدافعين عندنا هنا مش بيتفرجوا عليهم ويتعلموا منهم
ثانيا احنا الدفاع بتاعنا وحش وبلاش نضحك على نفسنا ونقول حاجه غير كده من بعد اصابه عماد النحاس والدفاع اتكشف وعلى فكره حتى لو رجع عماد مش هضيف جديد لان بصراحه انا مش منتظر منه حاجه جديده خلاص لازم نجيب مدافعين كويسين وعلى مستوى

تمام يا دكتوره
بس عسل اوى الكلمه ده اتخضيت لما قريت كلمه أوربا والعياذ بالله

اصل افتكرتك عايز تتشبه بالفرنجه
بس الحمد لله صوت العقل انتصر

شكرا لك علي المناقشه
خرجتني شويه من حاله النكد اللي كنت فيها

معاك يا شريف فى موضوع الميس باص فعلا هو كتير اوووووووووووووى وحكايه الاجهاد الذهنى المتواصل طيب متيجى نحسبها ايه اللى وصلهم لكده اصلا ؟ طبعا العبقرى جوزيه اللى مصمم يشارك ناس ثابته ومش بتتغير غير فى اضيق الحدود طيب ليه ؟؟؟؟ واحنا عندنا فرقتين مش هو برضه اللى كان عاوزهم او حتى بارك على الصفقه اللى جت من غير ما هو اللى يطلبها ؟
اكيد كان مقتنع بيهم طيب هنا السؤال هما فين دلوقتى ؟