ياسر غير واثق من المشاركة أساسيا رغم اهتمام جوزيه

قال حسين ياسر لاعب وسط الأهلي إنه غير واثق من المشاركة أساسيا أمام أدليد الأسترالي على الرغم من اهتمام خاص أولاه مانويل جوزيه المدير الفني للاعب في المران.

وأكد ياسر بعد مران الأربعاء إنه لا يدري إذا كان مرشحا للدخول في القائمة الأساسية أم لا.

وأضاف لـFilGoal.com "من الصعب أن يتوقع أي من اللاعبين مشاركته أساسيا في المباراة المقبلة".

وتألق الدولي القطري بشدة في مران الأهلي الأخير استعدادا للقاء أدليد يوم الخميس في مباراة تحديد المركزين الخامس والسادس في كأس العالم للأندية.

وأولى جوزيه اهتماما خاصا بياسر والمعتز بالله إينو وهاني العجيزي في مران الأهلي يوم الثلاثاء بعد رحيل مراسلي الصحف ووسائل الإعلام الذين حضروا جزءا من التدريب.

وأوضح ياسر "أقدم كل مجهودي في المران بغض النظر عن المشاركة في التشكيل الأساسي من عدمها".

وكان ياسر على مقاعد البدلاء في مباراة الأهلي وباتشوكا في افتتاح مباريات الفريقين في كأس العالم للأندية واشترك في الشوط الأول الإضافي على حساب جيلبرتو

انت لازم تشارك لانك لاعب ممتاز وانت امل الاهلي

بدأت تصريحاته تعقل .. وده كويس قوى
لكن فى رأيى الماتش الجاى مش بتاعه
الفريق الأسترالى تريلات .. بغال أسترالى يعنى
والواد جسمه ضعيف ومش بتاع إلتحامات .. العجيزى أنسب معاهم
مشكور كبير العيلة للمتابعة

طيب يا أخ شريف همه التريلات و البغال محتاجين عضلات ولا مخ؟ ... مراوغة جيدة أو تمريرة صح تتغلب على التريلات و البغال دول و دي حاجات ياسر مميز فيها جدا.... و الله بدأت أفقد الثقة تماماً في تفكير جوزيه ... جوزيه دلوقتي أصبح أكتر واحد بيضر الفريق

ولما يكون عندك لاعب عنده المخ والمراوغة وحساسية التهديف
وفى نفس الوقت جسمه يقدر يسد معاهم ويستحمل الإلتحام بدون إصابة زى العجيزى
مش يبقى أفضل للمباراة دى يا حكيم

و الله يا أخ شريف أنا حاسس ان جوزيه ده هيدمر الأهلي نهائيا و بكره تشوف ... اللعيبة المميزة اللي حفينا وراها و هو مطنشها على الآخر هتطفش و مش هيبقالنا الا اللعيبة اللي عجزت و خلاص اكتفت بالبطولات اللي فازوا بيها و كمان بدأوا يمنوا علينا ببطولاتهم .... اللي بيحب الأهلي بجد هيحس اننا متجهين و بسرعة كبيرة ناحية التدهور و الانهيار .... أنا رأيي ان اللعيبة اللي على الدكة و شباب و ممتازين أفضل مليون مرة من الفريق القديم (أنا نفسي بدأت أكره الأهلي طالما مصمم يمشي في المسار الغلط ده)... و لو إستمر على كده هتمناله الإنهيار التام!!!

يا حكيم أنا شفت الأهلى فى الأربع سنين اللى ماخدش فيهم دورى وماكرهتوش
وفى آخر السبع سنين اللى فاز فيهم بالدورى متواصل لما إستغنى عن التوأم واللعيبة عجزت وماتمنيتش ينهار
وفى عز هزايمه من الزمالك ورباعيات الإسماعيلى كنت متأكد من إنتفاضته تانى
حتى فى أشد المواقف اللى غضبت فيها من الأهلى
لما إستغنى عن الرباعى الرائع .. طاهر أبو زيد وربيع ياسين وعلاء ميهوب ومحمود صالح
ماقدرتش أتوقف عن حبه وتأييده
اللى على البر شاطر يا حكيم
واللى فى البحر أدرى .. مش أنا اللى هاعرف مصلحة الفريق أكتر من إدارته وجهازه الفنى
ومش هاكره الأهلى ولا جوزيه اللى فرحنا مئات المرات علشان لاعب ماشفتوش

الفترة اللي بتقول عليها كان الأهلي بيؤدي أقصى ما عنده و اللعيبة بتطلع أقصى ما عندها بس كان ده هو مستواها يبقى كان لازم نقف مع الفريق مهما حصل لكن حاليا بندمر نفسنا بإيدينا (و بعدين هو مين اللاعب اللي ما شوفناهوش؟! دروجبا من هدافي الدوري و انضم للمنتخب حتى و هو في المحلة و حسين ياسر نجم قطر و احترف في كذا نادي اوروبي و حسين علي أحسن هاف ديفيندر في مصر و اينو اللي صدعونا على ما جاء من الزبالك و عبد الحميد أحمد اللي الكل اشاد به و برقبة سيد معوق و العجيزي اللي لما لعب أقنعنا مع اني ماكنتش مقتنع به .... هو خلاص برمج نفسه يلعب العواجيز و يجامل احمد بيه حسن و يعاندنا و يعاند نفسه و أنا عارف انه هيدمر الفريق قريبا ان شاء الله و كمان فيه نادي محترم ماعندهوش ليبرو بديل للنحاس و بقالنا سنة على كده؟! و لما صعدنا محمد سمير الليبرو لعبناه مساك!!!) و الله الأهلي فيه كم أخطاء مهولة و اللي مش مخليها تظهر هو عدم وجود منافس حقيقي الكل فاشل (الزبالك و المنجاوية و بتروجيت أبو نفس قصير اللي اتعادل مع الترسانة و لسه هيتعادل و هينغلب كتير)

أنا ماقلتش إن الفريق مافيهوش أخطاء يا حكيم
أنا كنت هاتشل أكتر من الكل فى ماتش باتشوكا وحالتى كانت زى الزفت
مش بسبب الهزيمة قد ماهى بسبب الأداء وعجز اللعيبة
لكن متاكد برضه إن مش أنا اللى هاعرف مصلحة الفريق أكتر من القائمين عليه
وإنهم دلوقت بيعملوا اللى عليهم وزيادة علشان الأهلى
ما يحسش بالنار غير اللى كابشها
إحنا مش عايشين معاهم ولا بنشوف إيه اللى بيحصل فى التدريبات علشان نعرف أكتر منهم
ممكن أختلف معاهم
لكن ماقدرش أنكر إن ماحدش عمل ولا هايعمل للأهلى اللى عملوه

طالما رأيك يا أخ شريف فيه السطر الأخير ده صدقني مش هنتقدم خطوة واحدة!!! كل حاجة ماحدش عمل ولا هيعمل اللي همه عملوه (يبقى صدقني عمرهم ما هيحسوا بالخطأ ولا هيصلحوه و فعلا ده هو اللي حاصل دلوقتي)... كلهم فاكرين انجازاتهم و بيفكرونا بيها!!!!

ياساااااااااااااااااااااااتر
ده كله علشان هزيمة ماتش
والله انا كده عذرت جمهور الزمالك اللي فريقه معذبه معاه
ومع كده بيدافعوا عنه وبيروحوا الماتشات اكتر من جمهور الاهلي حتي الان
فعلا انا بدات اقلق علي جمهور الاهلي مش علي الاهلي نفسه

» صحيفة قطرية تبرز اهتمام المصريين والقطريين بصفقة حسين ياسر
» خاص : أربع مباريات للمنتخب القطري تبعد حسين ياسر عن المشاركة مع الأهلي
» خاص - حسين ياسر لزملائه : حزني على التعادل فاق حزني على عدم المشاركة
» جوزيه يرفض المشاركة في الكأس بدون الدوليين
» جوزيه يأمل فى إستعادة اللقب الأفريقى .. إينو يتمنى المشاركة