المسابقة التالتة كلام الافلام

محمود عبد العزيز
الشقة من حق الزوجة

ROBOS كتب:: معلش يا جماعة أنا أسفة جداااااااااااااااااااااااا علي التأخير غير المقصود
والله في مشكلة في النت من يومين
المهم انتم برضه دماغكم راحت لحاجات تخص الكرة وهي مش كده خالص
اللي قال كده عبد السلام النابلسي في فيلم شارع الحب
وكان يقصد سكان حي الزمالك مش نادي الزمالك

يا أروووووووووبه يا رباب
دانتى رقصتينا كلنا
يا بختك يا كوجاك .. معاك الخطيب فى الفرقة
ماشى ماشى ماشى

شكرا شكرا يا جماعة
مع اني ما توقعتش ان محدش يعرف
اصلي باحب الفيلم ده جدا وحافظاه صم
وفاكرة ان الناس كلها زيي

مفيش حد هايسأل ولا ايه
طيب مين اللي قال " يا آه يا آه أحلي من الشرف مفيش "
سهلة دي بقي
واسم الفيلم اهم من اسم اللي قال

يا خبيرة ما دقدق سأل وأنا جاوبت
لكن لسة ماردش .. صح ولا غلط

لكن نجاوب برضه
طبعا اللى قالها تيفة .. توفيق الدقن
لكن الفيلم أعتقد كان .. أحبك يا حسن .. نعيمة عاكف وشكرى سرحان

برافو عليك يا مايسترو
في الاجابتين

معلش يا شريف اتاخرت عليك
واجابتك صح يا ريسنا
ونقول
مين اللي قال
ده احنا هنبطل نشتري بانجو

أظن كانت فى "عبود على الحدود"
وقالها أحمد حلمى

تمام يا شريف

طيب نخش فى المسرحيات .. ونبدأ بحاجة سهلة علشان نفتح نفس بعض

"مش إنت اللى خليتنى سوسو"

سميحة أيوب في سكة السلامة

خليها مسرحيات برضة
" مش مهم يكون عنك نظر المهم يكون عندك وجهة نظر"
أظن مفيش أسهل من كده

طيب بقى مادام جيتيلى فى ملعبى .. إسمحيلى أظبطهالك
الشوف مش نظر .. الشوف الحقيقى وجهة نظر
وطبعا ده "محمد صبحى" فى "وجهة نظر"

معلش يا دكتورة .. أصل النص ده تحديدا أنا عامله مرتين
وحافظ نصه عن ظهر قلب

معلش يا مايسترو العيب علي السمع مش علي النظر

العفو يا خبيرة .. أنا بس بأهزر

طيب نجرب دى

سهلة برضه

"إنتقل إلى الرفيق الأعلى"

إيه ده ؟ هى صعبة قوى للدرجة دى ؟
عموما هى مسرحية حواء الساعة 12 .. وقالتها شويكار

طيب نجرب مرة تانية
مسرحيات برضه
مين اللى قال .. وفى مسرحية إيه ؟

"جامدين .. ناشفين .. عتاولة"

انت بجد تاوي تجننا يا شريف
ايه الحاجات الجامدة دي
صعبة اوي

ايه ده بقي يا مايسترو
طيب دي الأولانية كانت أسهل شوية

حاضر يا جماعة .. هاسهلها شوية
كانت فى مسرحية مشهورة .. هى أول بطولة لسعيد صالح

سعيد صالح في هالو شلبي

صح فعلا يا دقدق .. هى هاللو شلبى
لكن الغلط فى سعيد صالح
لأن اللى قالها نظيم شعراوى

دي صعبه اوي يا شريف
بس استاهل نص الجايزة
هههههههههههههههههههههههههههههههه

ولو عايزها كلها ماتغلاش عليك يا شعلة

طيب نشوف حاجة سهلة بجد

"لاعبته كل الألعاب .. كنت له ست فيرى إنترستينج"

محمد صبحي
الجوكر

برافو يا ام سيف
صح الصح

تمام التمام يا أم الأمامير
مثقفة مثقفة يعنى
دورك بقى تحطيلنا اللى جاية

» الغباء ابتدي ...تعديلات فى جدول الدورى الممتاز وتوقف المسابقة بعد الاسبوع الاول
» رد أقوى من أى كلام
» اصعب كلام الحب
» كلام سيبرات صحيح
» كلام قديم لكن جميل للأبنودي