كلام قديم لكن جميل للأبنودي

مقدمة ونهايه مسلسل "رحله أبو العلا البشري"

متمنعوش الصادقين عن صدقهم ..
ولا تحرموش العاشقين من عشقهم ..
كل اللي عايشين من بشر ..
من حقهم يقفوا ويكملوا يمشوا ويتكعبلوا ..
ويتوهوا أو يوصلوا ..
وإذا كنا مش قادرين نكون زيهم ..
نتأمل الأحوال ، ونوزن الأفعال ..
يمكن إذا صدقنا نمشي فى صفهم ..
الدنيا مالها ولا إحنا مالنا ..
ولا الزمان نسانا إيه جرى لنا ..
بقينا نحبس فى الصدور سؤالنا ..
ونحسد الصادق على صدقه ..
ونقف بين العاشق وبين عشقه ..
نهرب من الصافيين إذا بكيوا ..
ونحسد الباكيين إذا ضحكوا ..
متمنعوش الصادقين عن صدقهم ..
ولا تحرموش العاشقين من عشقهم ..
وإذا كنا مش قادرين نكون زيهم ..
نتأمل الأحوال ..
وندرس الأفعال
يمكن إذا صدقنا نمشى فى صفهم ..

** النهايــــة**

لو مش هتحلم معايا ...
مضطر احلم بنفسى ...
لكنّى فى الحلم حتى عمرى ما هأحلم لنفسى ...
لو كنت راح أفتش عن منصب ولا جاه ...
وأصاحب الحذر ...
ده أنا ابقى مستحقش حلاوة الحياة ..
وضحكة البشر ...
ياصحبى ياصديقي ...
ياللى طريقك طريقى ...
ده أنا يوم ما أعيش لنفسى ...
ده يوم موتى الحقيقى ..

الله يا رباب
المسلسل ده جميل اوي
زمان لما كنت صغير خليت بابا جابلي قطه وسميتها عنتر علشان المسلسل ده

انا كمان كنت باحب المسلسل ده جدا ....الجزء الأول بس

وكل شغل اسامه انور عكاشه في الفتره دي لكن دلوقتي لأ

وطبعا عبقريات العملاق محمود مرسي

شكرا يا باشمهندس للمرور والتعليق

بجد اختيار موفق يا رباب ابيات رائعه و مسلسل متميز و فى وقتها

بس مين يقرأ و مين يسمع

شكرا يا زعيم علي مرورك وتعليقك الجميل

انا معرفش المسلسل
بس الابيات دى جامده جدااااااااااا
تسلم ايدك يا قمر

» اصعب كلام الحب
» موقع جميل وادعولي
» ادخل وشاهد بوستر جميل
» تامر عبدالحميد: التمسك بي.. جميل لن أنساه
» رد أقوى من أى كلام