حسن حمدى ...باع الأهلى وجماهيره ... لمن !!!

في صفقة استخباراتية: الأهلي (الصامت) باع قضية عبدربه

[ندعوك للتسجيل في المنتدى أو التعريف بنفسك لمعاينة هذا الرابط]

كتب/ محرر سوبركورة
Monday, 23 June 2008
[ندعوك للتسجيل في المنتدى أو التعريف بنفسك لمعاينة هذه الصورة] تأكدت الخيوط العريضة لقضية اللاعب حسني عبدربه بموافقة الأهلي (الصامت) على انتقال اللاعب لنادي النصر السعودي في صفقة تعني بالمعايير الاستخباراتية لا فائز ولا مهزوم لكل الأطراف. وتأكد سوبركورة أن استراسبورج لم يدخل في ترتيبات مع الإسماعيلي إلا بعد موافقة الأهلي المصري وإدلاء النصر السعودي بدلوه وموافقته على شراء اللاعب بسعر أوروبي وليس بالجنيه المصري. وتشير الدلائل أن الأهلي (الصامت) دخل في ترتيبات استخباراتية يقوم بموجبها النصر بشراء بطاقة اللاعب على أن يحصل استراسبورج على مبلغ 300 ألف يورو و25% من قيمة انتقاله إلى النصر السعودي والتي سيتقاسمها مع الأهلي المصري الذي سبق وسدد لاستراسبورج مبلغ 700 ألف يورو هي قيمة شراء حسني. وحملت جماهير النادي الأهلي بشدة على مجلس إدارة النادي الحالي برئاسة حسن حمدي الذي اتهمته بالتفريط في حقوق ومبادئ النادي وبالرضوخ للضغوط كما اعتبرتها جماهير النادي الأكثر عدداً وثقلاً في مصر. ومن المتوقع أن تلقي قضية حسني عبدربه بظلالها طويلاً على علاقة المجلس الحالي بالأهلي بجماهيره المعروفة بعشقها الشديد لكيان الأهلي وليس لأشخاص مهما كانت أسماؤهم. كيف تبيع ياحسن حمدى جماهير الأهلى بهذه السهولة ولمصلحة من الزمالكاويه والاسماعلويه وكيف تأتينا الضربة من رئيس نادينا فلذلك يجب عليك تقديم استقالتك فورا وغير مأسوف عليك .

حسبى الله ونعم الوكيل فى ادارة الأهلى وأنا من النهارده باعلن انى ما يشرفنيش انى أشجع نادى رئيسه هذا الرجل

حسن حمدى باع الاهلى وجماهيره من زمان من يوم القذر الحضرى ماهرب ومن يوم شحاته الاهبل ما عاند الاهلى وسابه فى المنتخب وبعدين خلا معسكر المنتخب عزبة ابوه لبتوع الاسماعيلى رايحين جايين زى ماهما عيزين ومن يوم ما المكوجى المرتشى زاهر ماهدد جمهور الاهلى بالاعتقال وبعدين راح لرئيس النادى المحتم فمكتبه يهدده وطبعا البيه خاف ووافق يتنازل ومن يوم مالهجوم شغال على المدير الفنى وجماهير الاهلى ومافيش حد من الاداره رفع شماعه يدافع بيها عنهم(على رأى علاء ولى الدين)ومن يوم ومن يوم والقائمه تطول ولا عزاء للشخصيات القويه

مرحب بيك يا حماده

ولكن ميشرفش الأهلى يكون حسن حمدى رئيسه بعد اليوم

ولكن جميعنا أهلويه اكثر من حسن حمدى ونعشق هذا النادى ولا يفرقنا الا الموت

برضوا الكلام ده احساسي زي بالظبط ماكان احساسي انه الاهلي اتنازل وباع

حسن حمدي عمل ده عشان مصلحه شخصيه ليس لها اي علاقه من قريب او بعيد بالاهلي والله أعلي وأعلم ((وغفر الله لي وله لو كنت غلطانه في حقه))

ولا تنسوا ذكر الله

مش غلطانة للأسف يا أمة الله
كلها مصالح شحصية وبزنس وبطحة علي الرأس

شكرا مروان ورباب وامة الله
ولو زى ما بتقولوا مصالح يبقى الراجل ماسكبن عليه حاجه وخايف

طبعا يا وائل ماسكين عليه حاجة كبيرة قوي
قضية الأهرام اللي متورط فيها مع ابراهيم نافع

حسن حمدي يا بيه حق الاهلي فين

يا تاتا تاتا حسن حمدى طالق من الأهلى يالتلاته

خلاص بجد مش قدرة كل ما نقول احنا في تقدم تحصل لينا صدما انا زهقت خلاص يا حمدي مش قدرين بقي لاما تلحق الموضوع ده او تلحق اول قطار رايح البيت بتاعك عشان انا خلاص زهقت
(2)

يعنى هما يا جماعة بالعقل كدة اللى ماسكين ذلة على حسن حمدى مش هايكشفوها الا دلوقتى ؟؟ اكيد لو هما عايزين يفضحوه كانوا فضحوه من زمان .. عايزين نتكلم بالعقل..بس هو أكيد فى اسباب تانية احنا مش عارفينها.

ربنا ينتقم منك يا حسن ياحمدى دمرتلى أحلى صوره عشت عليها حياتى دمرتلى كل معانى القيم والمبادئ اللى فضلنا سنين بنتغنى بيها الأهلى كان هو الحاجه المحترمه الجميله الوحيده فى بلد ملئ بالفساد الله لا يسامحك يا شيخ ألف حسبى الله ونعم الوكيل فيك

طب ليه يا جماعة ما فكرناش فى الموضوع من زاوية تانية
كلنا عارفين ان حسنى رافض ييجى الأهلى عشان خايف من جمهور الإسماعيلى
كمان مجلس إدارة الإسماعيلى مش عايز يخسر القضية دى فيبقى باع حسنى بالرخيص و يخسروا الإنتخابات
كمان مجلس إدارة الأهلى عايز يتمم الصفقة للنهاية بس الموضوع متوقف على موقف ستراسبورج
طب دلوقتى الاتفاق اللى حصل ده بيقول ان الاهلى يتنازل عن عقده مع ستراسبورج و الاسماعيلى يبيع اللاعب للنصر السعودى و الأهلى و ستراسبورج ياخدوا عمولتهم من الصفقة
ممكن يكون حسن حمدى باع الأهلى فعلاً زى ما بتقولوا بس بردو ممكن يكون الأهلى مظبط مع النصر السعودى على إعادة بيعه للأهلى و يبقى كدا الأهلى اشتراه من السعودية مش من الاسماعيلى و هكذا يكتمل الفيلم و زى كل مرة جمهور الاسماعيلى هو اللى انضرب على قفاه

ما اعتقدش ياستاذ ادمن وحتي لو كده وبنفس تعبير حضرتك دلوقتي ولحد ده ما يحصل ده اذا حصل اصلا فجمهور الاهلي هو اللي انضرب.......
فمينفعش في وقت كل من هب ودب عمال يغلط في الجماهير وكمان الاداره تكمل عشان كده بقيت المواضيه مش اوك خالص يعني وواضح انه كله بيلعب عالجمهور

ولا تنسوا ذكر الله

صح يا أمة الله متفقة معاكي تماما

السلام عليكم ورحمة الله وبركاتة
الاخوة الاعزاء لي مداخله في الموضوع وارجو ان يتسع صدركم لها
سؤال :
*هل نشجع الاهلي لان به الكابتن حسن حمدي - الخطيب-ابوتريكة وغيرهم ام اننا نحب الاهلي لانه الاهلي الفريق العريق باسمة لا باشخاصة
*اليس هذا المجلس وهذا الرئيس هم الذين اعادوا امجاد الاهلي واصبح الاهلي يدار مثل الفرق العالمية واصبح الكل يحسده.
*لو ان هناك مصالح شخصية في موضوع حسني لماذا لم يكن هناك مصالح من قبل ولكن المصلحة التي انا ارها هي حب الاهلوية للاهلي
وقفه وانتظار وتفكير
ارجو الهدوء لبعض الوقت ونفكر سويا
لماذا كل هذه الضجة على مجلس الادارة وفي هذه الاوقات ؟
اولاً : هناك من يخطط لوقوع الاهلي ..ويريد ان يكون الاهلي نسخة من الفريق المنافس دائما في المشاكل ودائما هناك صراع بين الاعبين والجماهير من جانب وبين الادارة والجماهير من جانب ومره من الادارة والاعبين
ثانياً : منذ متى وجماهير الاهلي تقف هذه الوقفة امام الادارة نحن دائما يضرب بنا المثل في حب الادارة مهما كانت فهي من الممكن ان تخطأ وتصيب ولكن في ظل الاحترام والحب للنادي
ثالثا : هل يوجد اهلوي واحد خان الاهلي او سمعتوا عنه في الماضي بالطبع لا ... اذا لماذا الان يوجد من يخون الاهلي مثل (الهارب) حتى يقال هذا هو نادي المبادئ ... ارجو التفكير جيدا في هذه النقطة
رابعاً هناك مؤامرة مدبره ممن يردون افساد العلاقة القوية بين الجمهور العظيم وبين الادارة وبين الاعبين والجهاز الفني .. وكما قلت لكي يكون الاهلي مثللهم وتكون الكفه متساوية ممكن يفوز بشي والاهلي بينافس معاهم
اخيرا : هل حسني كان يضيف لنا شيء اعتقد اننا من غيره نكون احسن بكثير من المشاكل ... وهذه وجهة نظر الادارة الاهلي لا يريد مشاكل في هذه الفتره لاننا لابد ان نركذ في الاعداد للموسم الجديد ونعود بشكل يرعب الجميع بأذن الله
ارجو ان اكون اوضحت بعض النقاط التي يعلمها الجميع ولكن هناك من يريد ان يفسد كل جميل في الاهلي
كان عندي نقاط كثيره ولكن عذرا على الإطاله ولي رجاء ان يكون التعليق والكتابة بدون التجريح في اشخاص لان الاهلي وجماهيره محترمه وفوق الجميع
وشكرا

هأرد علي الأخ YMS12نقطة نقطة :
1- طبعا بأشجع الأهلي مش أشخاص وهأقولك أقرب مثال أنا شخصيا كنت بأكره معوض وفتحي جدا جدا بسبب تصرفاتهم في ماتشات الأهلي لكن أول ما انضموا للفريق مش هأقولك بأحبهم لكن بأشجعهم وأدعيلهم علشان مصلحة الأهلي مش مصلحتهم .
2- لا خلاف علي انجازات مجلس الادارة السابقة والجاية كمان وانهم ناس قد حب الجمهور لهم لكن الخطأ المرة دي كبير مش يخلينا ننسي اللي عملوه قبل كده لكن يخلينا نفكر يا تري هم دول اللي ينفعوا يقفوا وقفة قوية في أي مواقف تانية أكبر وأهم
3- علي قدر الموقف بتكون الضغوط ولو شكنا طلع في محله فعلا من أن الضغوط من علاء مثلا فطبيعي تبقي شئ كبير مش أي حد يقدر يقف قدامه واحنا محتاجين الحد ده اللي من غير بطحة ويقدر يقول لا من غير خوف (وانا مش بأقصد مصالح شخصية بمعني حاجة هيكسبها حسن حمدي فلوس مثلا أو منصب أنا أقصد قضية الأهرام اللي لو اتحركت في النيابة ها تأخد سنين حتي لو طلع براءة) لأننا داخلين علي مشاكل كبيرة وكل ما انجازات الأهلي ها تكتر الحقد عليه هيكتر
4- معاك ان فيه ناس كتيييير بيتأمروا علي الأهلي وعلي كل شئ ناجح لأن نجاح حد بيكشف الفاشل قدام نفسه وقدام الباقيين
ولأن المؤامرة موجودة يبقي عايزين الشخص القوي اللي يقدر يقف قدامها والا هيجرونا لفشلهم وخيبتهم ويبقي السبب ضعفنا وخوفنا
5- أخر حاجة أنا ضد الهتاف ضد مجلس الادارة بأي شكل أو رفه لافتات أو اعتصام قدام النادي وكل الأفكار دي لأن ده يسئ للنادي واحنا لازم نكون ايد واحدة مهما حصل لكن ممكن استخدام الايميلات وموقع النادي ومجلته بقدر الامكان لتوصيل رأينا ان أمكن وده مش علشان حسني ده ولا حاجة لكن علشان كل المواضيع التانية اللي هاتيجي
معلش للرغي الكثير واتمني تكون وجهة نظري واضحة واهلا بك معانا

شكرا اخى العزيز y m s على احترامك وهدؤك واتزانك وارحب بك صديقا لمنتدانا المحترم

أخى العزيز نحن نحب الأهلى ككيان كبير لا يستطيع أحد ان يهدمه ونحن ضد أى شخص يهدد أو يسئ للأهلى ككيان ولكن لا نريد ان نكون ناديا ضعيفا ونحن نمتلك هذه الجماهير العريضة وهل يا أخى تابعت الحوار من أوله عندما كتب احد الاصدقاء انه لن يشجع الأهلى طالما هذا الشخص موحود بالنادى ورديت عليه اننا نحب الأهلى وليس اشخاص وجميعنا وراء الأهلى ولن نستغنى عنه ما حيينا .
هل يستطيع احد كبير أو صغير يقف فى وجه النادى الأهلى بالطبع لا لأن له جماهير على رأى المثل تسد عين الشمس فيجب على حسن حمدى يعلنها وبكل صراحه ولا يخاف .
على فكرة انا ضد حسنى ولا اريده فى الأهلى ولا نريد ان نكسب من ورائه ولكن من منطلق قوتنا واحترامنا لتاريخنا ولا نرضخ لأحد

» الأهلى يتراجع عن التعاقد مع حمدى سيف
» الأهلى يتراجع عن التعاقد مع حمدى سيف
» حسن حمدى يتحدث فى جميع الاتجاهات
» الكابتن حسن حمدى يفتتح قناة الأهلى رسمياً الجمعة القادم
» حسن حمدى يحث "الأهلى" على تقديم عرض قوى أمام &quot