خير اللهم أجعله خير

[ندعوك للتسجيل في المنتدى أو التعريف بنفسك لمعاينة هذه الصورة]

نقلا عن الاهلي .كوم

هو في ايه سمير زاهر أيه دخله بالموضوع لو الحجه المنتخب فالمنتخب هايلعب يوم الاحد وهاتتوقف التصفيات شهر ونصف تقريبا يعني فترة هاتكون أكيد خلالها الموضوع انتهي لانه الاتحاد الدولي هايكون همه ان حسني يلعب ده أذا كان هايلعب ومش هايتوقف وبعدين هو حضرته لسه صاحي من النوم حالا المشكله ديه بقالها سنه ليه بقي سيادته جاي يتدخل فيها دلوقتي هو مش كابتن حسني عبد ربه طلب فسخ التعاقد ونادي ستراسبورج طلب البطاقة المؤقته وأدينا مستنين نشوف النتيجه وفين وقفة سيادته الجامده أوي ديه مع الهارب لما طلع يهدد ويتوعد الجماهير اللي هاتشتم الشتيمه والسب حاجه وحشه جدا واذا كانت الجماهير شتمت عصام فده غلط لكن المفروض لما مسئول يتكلم يبقي كلامه مش استنفزازي وغير مسئول ذي كلام الاخ وفي رائي المفرض طبعا الجماهير ماتشتمش عصام ولا شحاته باشا ولا سليمان بيه واحسن حاجه انه ماحدش يروحلهم الاستاد وكفايه عليهم جماهير القوات المسلحه ولا يمكن الجماهير اللي ملت الاستاد قبل ماتش الزمالك وانبي تروح هو الدنيا كلها كانت بتعلق علي انه جماهير الاهلي مش بتروح واللي بيروح بيشتم وسابوا باقي الجماهير ليه خير ان شاء الله ولا الاهلي بقي الشماعه المايله يعني الجماهير هي اللي جابت جون الكونغو في الحضري وهي اللي خلت حسني عمل الفاول اللي كان السبب في الجون وخلته بيلعب وهو مش هنا اصلا ماهم جماهير وحشه سهروه لحد الساعه 6 الصبح وهما كمان سبب فضيحة مالاوي ماهم كانوا بيشتموا الهارب واحمد سليمان وشحاته وهما قاعدين في بيوتهم وطبعا هما كانوا سامعين

انا مع كل كلمة اتقالت فى الموضوع دا وضد التفريط فى حسنى ولأول مرة بطالب برد قوى من أدارة الأهلى ضد المهازل اللى بتحصل للنادى دى وتطاول كل من هب ودب عليه ..ولما تبقى يا زاهر تجيبلنا حقوقنا ابقى دور على حقوق الناس اللى عندنا.دا اذا كانت ليهم حقوق عندنا

atilla كتب:

انا ارفض تماما التفريط في حسني عبدربه بغض النظر عن رغبته اللي بيقولها انه مش هيلعب الا للاسماعيلي ودة لكذا سبب اهمهم
اني شايف ان حسني عبدربه احسن رد على الاهانات الاخيرة من الاوباش دول وخصوصا بعد نهائي افريقيا وشماتتهم فينا
وكمان ان التنازل ممكن يخلي الناس دي تبيعه للزمالك عندا في الاهلي مش اكتر
دة بالاضافة انهم هيحسوا انهم اصحاب نفوذ وقوة ودة هيزود جرائتهم علينا كمان وكمان
وياريت زاهر بشتك دة يبطل يلعب دور الام اللي بتيجي على الاخ الكبير في حقه عشان اخوه الصغير شبطان في حاجة مش بتاعته
بلاش شغل التخلف دة جتهم الهم عليهم وعلى اتحاد الكورة في يوم واحد
ومشكورة اختنا العزيزة للموضوع

وانا اتفق مع اتيلا في كل كلمة ...تحياتي amtallah

ناسف نحن لن نترك حقنا فى الاعب وحنبيعة و نكسب من الصفقة مبلغ كويس وبتوع الاسماعيلية لو عايزين يشتروة يجيوا يشتروة منا زيهم زى اى حد واللى مش عاجبة يخبط راسة فى الحيط علشان يخلوا الشتيمة وقلة الادب تنفعهم؟؟؟؟؟؟؟؟

طيب شوفوا الضحك على الذقون ده و بينيمونا على ما يتخطوا التصفيات و بعدين يدونا بالشلوت تاني:

زاهر يدعو رئيسي الأهلي والزمالك لمباراة مالاوي رئيس اتحاد الكرة: جماهير القلعة الحمراء أقوي أسلحة المنتخب في اللقاء المصيري

علي عبدالهادي

[ندعوك للتسجيل في المنتدى أو التعريف بنفسك لمعاينة هذه الصورة] يلتقي اليوم الكابتن سمير زاهر رئيس اتحاد كرة القدم مع رئيسي ناديي الأهلي والزمالك لدعوتهما لحضور مباراة مالاوي نظراً لحساسية اللقاء واحتياج المنتخب لجماهير الناديين وخاصة القلعة الحمراء صاحبة الإنجازات مع المنتخب وأنه لا يستطيع أحد إحداث وقيعة بين المنتخب وجماهير الأهلي وأنه من هذا المنطلق يناشد رئيس الاتحاد الجماهير الوقوف خلف المنتخب في اللقاء المصيري خاصة وأنها تعتبر اللاعب رقم 12 في صفوف الفريق. كان رئيس الاتحاد قد عقد اجتماعاً مع ا لجهاز الفني واللاعبين طلب خلاله ضرورة نسيان نتيجة المباراة الأولي والفوز علي مالاوي لتعويض الهزيمة التي لم تكن متوقعة والخروج من عنق الزجاجة في التصفيات التمهيدية. وعد الجهاز الفني واللاعبون رئيس الاتحاد ببذل كل الجهد للظهور بشكل جيد وتحقيق نتيجة إ يجابية بفارق أهداف كثيرة عن نتيجة اللقاء الأول.. حضر المران أيضاً صلاح حسني السكرتير العام لاتحاد الكرة.. اطمأن حسن شحاتة رئيس الاتحاد علي شفاء عمرو زكي وعماد متعب اللذين سيقودان هجوم المنتخب في اللقاء وكذلك عصام الحضري. كان المنتخب قد أدي مرانه وشارك فيه جميع اللاعبين باستثناء أحمد رءوف ومحمد عبدالشافي واستغرق المران ساعتين كاملتين واشتمل علي تقسيم اللاعبين إلي ثلاث مجموعات تولي كل فرد من أعضاء الجهاز مجموعة وقام شحاتة بعمل تدريبات خاصة للاعبي خطي الدفاع والهجوم. كان المران الصباحي أيضاً قد شارك فيه 11 لاعباً هم عبدالمنصف ومحمد صبحي وأمير عبدالحميد وعمرو زكي وشيكابالا وأحمد المحمدي وعماد متعب وعبدالسلام نجاح وحسني عبدربه وأحمد سمير فرج وأحمد عيد عبدالملك. كان التمرين المسائي قد اختتم بتقسيمة بين فريقين تم خلالها تطبيق الطرق التكتيكية التي سيخوض بها شحاتة المباراة وظهر جميع اللاعبين في مستوي جيد من أجل الدخول في التشكيل الأساسي للفريق.. وقد سادت المنافسة القوية بين اللاعبين وتسابقوا في تسجيل الأهداف حيث شهدت التقسيمة أكثر من 10 أهداف من الفريقين. من جانبه أكد شوقي غريب المدرب العام للمنتخب أن كل اللاعبين جاهزون للمباراة ولديهم الإصرار الكامل علي استعادة الثقة الكاملة للجماهير والتي اهتزت بعض الشيء بعد الهزيمة في المباراة الماضية. قال إن المنتخب سوف يؤدي مرانه الأساسي علي الملعب الرئيسي لاستاد القاهرة يوم الجمعة المقبل في حين سيكون المران الأساسي لمنتخب مالاوي يوم السبت وذلك بناء علي طلب حسن شحاتة المدير الفني. قال إن التفاؤل يسود أعضاء الجهاز الفني واللاعبين بتجاوز المباريات المقبلة بنجاح كبير واستعادة هيبة بطل أفريقيا. طمأن أحمد سليمان مدرب حراس المرمي الجميع علي سلامة عصام الحضري وقدرته علي حراسة مرمي المنتخب. من جانبه أكد عصام الحضري حارس مرمي المنتخب أنه يقدر ويحترم جماهير النادي الأهلي صاحبة الفضل عليه وأنه لن ينساها أو يتنكر لجميلها عليه مشيراً إلي أن جمهور الأهلي هو الكيان الرئيسي لجمهور المنتخب. قال: أتمني أن تقف جماهير الكرة المصرية بمختلف انتماءاتها خاصة الأهلي والزمالك خلف المنتخب والتواجد باستاد القاهرة حتي نتمكن من تجاوز هذه المباراة الهامة والحرجة. قال أحمد حسن كابتن المنتخب الوطني إن المباراة مهمة ونحتاج فيها للمساندة الجماهيرية لتحقيق حلم التأهل لمونديال جنوب أفريقيا. شدد كابتن المنتخب علي أن كل اللاعبين لديهم الإصرار علي إسعاد الجماهير ورسم الابتسامة علي وجوههم مثلما حدث في بطولة الأمم الأفريقية التي أقيمت بالقاهرة .2006 أكد سمير زاهر أن اتحاد الكرة قرر خفض أسعار تذاكر مباراة المنتخب مع مالاوي يوم الأحد المقبل لتكون الدرجة الثالثة بثلاثة جنيهات بدلاً من خمسة والثانية بخمسة جنيهات بدلاً من 25 والأولي ب 30 جنيهاً والممتازة ب 50 جنيهاً والمقصورة الأمامية ب 150 جنيهاً. أكد زاهر أنه كان يتمني طرح تذاكر المباراة بالمجان أمام الجماهير إلا أن الاتحاد الدولي يمنع دخول هذه المباريات بدون تذاكر لذلك تم تخفيضها إلي أقل سعر ممكن. يبدأ من اليوم طرح التذاكر للبيع حيث تم طبع 50 ألف تذكرة في منافذ التوزيع المختلفة والمقررة باتحاد الكرة والأهلي والزمالك ونادي الزهور. قامت إدارة الحسابات بقيادة طاهر النجار بإعداد كافة الترتيبات النهائية لطرح التذاكر للبيع حتي يوم المباراة.

50 الف تذكرة
ههههههههههههههههههههههههههههههههههههههههههههههههههههههههههههههههههههههههههههههه
يلا الحضري هيشتم يعدل خمسين مرة في الشوط

من جانبه أكد عصام الحضري حارس مرمي المنتخب أنه يقدر ويحترم جماهير النادي الأهلي

الموضوع لما شوفته الصبح قبل ما انقله نرفزني بس واضح انه ضايق حضراتكم اكتر
وبغض النظر عن ده كله والمحاولات العجيبه لتشويه صورة الاهلي والله أعلم بالنوايا أهي كلها ماتش والمفروض الناس ديه هاتسكت شهر ونصف تقريبا ممكن مانسمعش فيها تصريحات منهم ويكون الدوريات بدأ والناس تتلخم وتبقي مش فاضيالهم ويبقوا يعيشوا تصريحات بقي

شكرا لمروركم وتعليقكم استاذ اتيلا وتحياتي استاذ waelzewela
وعود حميد لحضرتك كمان استاذ أدمن وروبي ود\مراد واستاذ PRIENCE واستاذوائل مروركم أثري الموضوع

ولا تنسوا ذكر الله

يارانيا ياحبيبتي ايه اللي يخليكي تسمعي الحاجات اللي مش كويسه وبتأثر علي الصحه ديه

مش بيقولوا كل اناء ينضح بما فيه
نورتي الموضوع بمرورك وتعليقك

ولا تنسوا ذكر الله

Admin كتب:

و فيها إيه يا جماعة لما نتنازل عنه بشياكة
نعمل مؤتمر صحفى و يطلع عدلى القيعى و يقول
حرصاً على العلاقات الطيبة بين الناديين الأحمر و الأصفر
و حرصاً على رغبة اللاعب فى اللعب للنادى الإسماعيلى و حرصاً أيضاً على مستقبله الكروى من الضياع
فإن النادى الأهلى يرى أن يتم إهداء اللاعب للنادى الإسماعيلى على سبيل الإعارة لمدة 6 شهور حتى يناير القادم بمقابل مادى و قدره 200 ألف يورو
ثم إذا رغب النادى الإسماعيلى فى شراء اللاعب من الأهلى مرة أخرى فعليه دفع مليون يورو كاش و له الأولوية فى ذلك
و همة بقا يختاروا إما الدفع أو الايقاف او اللعب للأهلى
مشكوووووووووورة أمة الله و عود حميد للمنتدى من جديد

وهما كده كده اصلا مش هيدفعوا فكده عدانا العيب وازح ويبقي احنا لينا الاعب ومفيش قرطاس هيتكلم بعد كده

دلوقتي جماهير الاهلي هي السلاح ولما قلت يا زاهر انك تتوعد لجمهور الاهلي مكنش سلاح ولو انت بتحترمنا يا واطي احنا عمرنا ما هنحترمك حتي لو بوست جزمة كل مشجعي الاهلي واحد واحد واما عن حسني لا تنازل هما الي عملوا من الحبة قبة اشربوا بقي