تعريف بسيط بنفسي

ياجماعة اسمحولي اعرفكم بنفسي دة بعد اذنكم طبعا ولا داعي تحدفوني بالبيض ولا الطماطم ولا بالطوب
لاني مش هغني انا بس هعرفكم بنفسي
الاسم: محمد احمد
السن : 32سنة
العمر بالمنتدى ؛يومين بس
المهنة : محاسب (حاليا بالسعودية)
الحالة الاجتماعية: اعزب
الهوايات:القراءة في كل الفروع بس بحب التاريخ والسياسة والروايات العالمية
وبحاول دايما اكون متابع لكل الاحداث اللي بتحصل بمصر وخارج مصر
وبحب المناقشات بس بكرة الجدل اللي مالهوش لزمة
الانتماء: اهلاوي بكل فخر وغير متعصب بس بتعب جدا لما الاهلي بينهزم
واهم مبادئي: ان رأيي صواب يحتمل الخطأ ورأي غيري خطأ يحتمل الصواب
ومستعد في أي لحظة اعترف بخطئي واعتذر عنه بدون ادنى تردد او مكابرة
اكثر ما أحب : الهدوء والرقي في التعامل والابتسامه في وجه الاخرين واحترام الجميع
اكثر ما أكره: الصوت المرتفع والتعالي على الاخرين وان يظن احد انه محور الكون
ولا اعتقد بمن يسمون انصاف الألهة الذين لايخطئون ابدا
دي مجرد نبذة مختصرة عني للتعارف وبمرور الوقت هتعرفوني اكتر
وشكرا للجميع

اولا هلا بيك
ثانيا واضح جدا انك مثقف اوي دا في مصلحة المنتدي
بس اهلا بيك وبالسعودية وبكل مصري اهلاوي في المملكة

شكرا للصديق M3MARGY على الاطراء الجميل دة
وبتمنى استمرار التواصل بينا

يامرحب يا مرحبا نورك غطى على الكهرباء

نرجو عدم الانقطاع والتفاعل

شكرا للصديق محمود مصطفي واوعدك اني مش هحاسبكم على الفواتير ماتقلقش

اهلا بيك يا معلم واقرا كتير في التاريخ لانه احلي مجال في الدنيا اخوك اصله في كلية التربية قسم التاريخ

الصديق tata اهلا بيك وبالتاريخ وشكلنا كدة هنعمل المنتدى التاريخي للنادي الاهلي
وربنا يقدرك على الدراسة لان التاريخ للثقافة والمتعة اهون بكتير منه كمادة دراسية
وكل سنة وانت طيب ورمضان كريم وشكرا لردك الجميل

يا مرحبا
سبق و ان تعارفنا تعارف بسيط في موضع سابق و لكني أرجو منك مراجعة قول الأمام الشافعي
( ان رأيي صواب يحتمل الخطأ ورأي غيري خطأ يحتمل الصواب )
لأني أعتقد و الله أعلم أنه معكوس و أن الصحيح هو ( ان رأيي خطأ يحتمل الصواب و رأي غيري صواب يحتمل الخطأ )
على فكرة أنا عجبي صورة جيفار أوي و هو مستكينس كده
ملقيش عندك صور أعدامه لوعندك رد علي

الصديق العزيز ابو سيف
اولا كل سنة وانت طيب ورمضان كريم عليك وعلى الجميل سيف ابنك وربنا يخليه ليك وتفرح بيه
وثانيا انا على ما اتذكر انها زي ما انا كتبتها كدة لانه كان بيقصد بيها وقت المناقشة انه بيتكلم ومعتقد بصواب كلامه وانه يحتمل الخطأ والعكس بالنسبة للي بيناقشة لان الانسان بيتناقش مع رأي مخالف له وهو على اعتقاد ان رأية الخاص هو الاصح واللي بيقلب المناقشة لجدل عقيم هو إلغاء فكرة ان الرأي الشخصي ممكن يكون خطأ
وهو دة القصد من المبدأ ومعنى الجملة
وعموما اوعدك اني هتأكد تاني ولو فعلا انا عكستها فهعيد تصحيحها
ثالثا بالنسبة لجيفارا انا شفت صور له بعد وفاته وقبل موته انما صور لعملية الاعدام ماشفتش وخصوا ان اعدامه تم ببطء بعد ما كانت التعليمات انه ينضرب اسفل البطن ليموت ببطء واستمر تقريبا 12ساعة لحد ما صف ضابط انهى حياته برصاصة
وهحاول اجيب الصور دي وان كنت مش بحبها
ومشكور للتواصل والاهتمام ومرة تانية رمضان كريم

atilla كتب:: الصديق العزيز ابو سيف
اولا كل سنة وانت طيب ورمضان كريم عليك وعلى الجميل سيف ابنك وربنا يخليه ليك وتفرح بيه
وثانيا انا على ما اتذكر انها زي ما انا كتبتها كدة لانه كان بيقصد بيها وقت المناقشة انه بيتكلم ومعتقد بصواب كلامه وانه يحتمل الخطأ والعكس بالنسبة للي بيناقشة لان الانسان بيتناقش مع رأي مخالف له وهو على اعتقاد ان رأية الخاص هو الاصح واللي بيقلب المناقشة لجدل عقيم هو إلغاء فكرة ان الرأي الشخصي ممكن يكون خطأ
وهو دة القصد من المبدأ ومعنى الجملة
وعموما اوعدك اني هتأكد تاني ولو فعلا انا عكستها فهعيد تصحيحها
ثالثا بالنسبة لجيفارا انا شفت صور له بعد وفاته وقبل موته انما صور لعملية الاعدام ماشفتش وخصوا ان اعدامه تم ببطء بعد ما كانت التعليمات انه ينضرب اسفل البطن ليموت ببطء واستمر تقريبا 12ساعة لحد ما صف ضابط انهى حياته برصاصة
وهحاول اجيب الصور دي وان كنت مش بحبها
ومشكور للتواصل والاهتمام ومرة تانية رمضان كريم

سعيد جداً للأسباب الآتية
1.أنك وصفتني بالصديق العزيز
2. كل عام و انت بخيرو سلام و الله أكرم
3.أن الواد سيف شكله عجبك
4.أهتمامك بردي
مش هنختلف على مقولة الأمام الشافعي أن شاء الله
المهم أنت شوقتني كتير لشخصية جيفارا ياريت تزودنا بمعلومات أكثر عنه
ولو عندك معلومات عن سيمون بوليفار ياريت

الصديق العزيز ابوسيف
تحياتي وسلامي لك وللجميع وياريت تقبلي اعتذاري عن عدم ردي عليك طول الفترة دي بس دة كان غصب عني عشان الصداع المستمر معايا بسبب الصيام وربنا ما يكتبه على حد
واوعدك باذن الله قريب يكون لينا لقاء مع جيفارا وسيمون بوليفار
وياريت تبلغ سلامي للعزيز سيف
وشكرا للجميع

صديقى العزيز محمد مرحبا بك فى منتداك منتدى الاهلاويه اللى ان شاء الله يعلوا بالمثقفين امثالك انت و ابو سيف
من فضلك فعلا راجع قول الامام الشافعى لانى متذكر ان كلام ابو سيف صحيح و الله اعلم
عموما انا مستنى موضوع جبفارا و سيمون بوليفار و يا ريت احسن منهم سيرة الصحابه هاتبقى مفيده لنا اكتر
ارجوا دوام التواصل و انا بأنزل السعوديه كتير بحكم عملى و كنت لسه فى الرياض الاسبوع اللى فات فلو عاوز اى حاجه اجيبهالك معايا المره الجايه (بعد العيد ان شاء الله) عنيا انت تأمر و رمضان كريم يا اخى الكريم

atilla كتب:: الصديق العزيز ابوسيف
تحياتي وسلامي لك وللجميع وياريت تقبلي اعتذاري عن عدم ردي عليك طول الفترة دي بس دة كان غصب عني عشان الصداع المستمر معايا بسبب الصيام وربنا ما يكتبه على حد
واوعدك باذن الله قريب يكون لينا لقاء مع جيفارا وسيمون بوليفار
وياريت تبلغ سلامي للعزيز سيف
وشكرا للجميع

أخي العزيز شفاكم الله و عفاكم و لا بأس طهور عليك
و بعدين صداع أيه يا عم اللي بسبب الصيام ده من التفكير في الأكل بس
و سيف يشرفه سلامك ليه يا سعادة الباشا

تحياتي للجميع وشكر خاص للعزيز hazemsoliman على رده وعلى عرض خدماته وماتحرمش منك ولا من ذوقك وشكر خاص للعزيز ابو سيف لاستمراره في التواصل معايا
وبالنسبة للصداع بتاعي فهو فعلا من الصيام بس مش بسبب تفكيري في الاكل والله دة بسبب ان ضغطي بينزل بسبب الصيام لاني في الاساس أكلي ضعيف يعني مش تفكير خالص في الاكل
واترككم واترك الجميع على أمل لقاء قريب جدا بأذن الله
ومبروك التعادل ياجماعة في ليبيا وعقبال مانوصل للنهائي يارب
ملاحظة: انا لعدم التاكد من قول الامام الشافعي ولحد ما اتاكد مش هنسب الجملة السابقة له بس مش هعدلها
لانها بتعبر فعلا عن اسلوبي وطريقتي بالتفكير والحوار
وشكرا للجميع

خليك كده على طول تقيل علينا

يا هلا بيك ويارب نكون اصدقاء

» ممكن أعرفكم بنفسى
» تسمحولي اعرفكم بنفسي اكتر
» طلب بسيط من ادمن
» أمير لـEl-Ahly.com : انتظرت مباراة الاسماعيلي لمصالحة الجمهور ففوجئت بنفسي خارج
» ممكن تغيير بسيط في المنتدي يا شاذلي