خاص / ابراهيم سعيد يثير المشاكل يوميا فى ملهى ليلى

ما يقوله ابراهيم سعيد فى الفضائيات و الصحف من تصريحات غير ما يعبر عنه حاله .. فمازال ابراهيم سعيد يثير المزيد من المشاكل بعد السهرات - الخاصة - التى يقضيها مع زملائه فى أحد الملاهى الليلية فى حى الزمالك حتى فجر اليوم التالى و ما يسببه من إثارة المشاكل .
ابراهيم سعيد بات من مرتادى أحد النوادى الليلة فى حى الزمالك مع بعض أصدقائه و يقضون تلك السهرات حتى فجر اليوم التالى مع شرب المشروبات - الخاصة جدا- وأدى هذا إلى بعض حالات اثارة المشاكل مما دفع بصاحب النادى إلى التحدث مع ابراهيم سعيد بالكف عن الشرب و اثارة المشاكل مع مرتادى النادى من الشباب والفتيات.
وهذا ما دفع بسعيد فى الهياج على صاحب النادى مؤكدا انه لا يعرف مع من يتكلم ولا يعرف " مين هو ابراهيم سعيد " ؟
وما يشغل تفكير ابراهيم حاليا هو اللون الجديد الذى يريد ان يصبغ به شعره بعد ان جرب اللون اللأحمر والبرتقالى و الأخضر فيأخذ أراء اصدقائه فى اللون الجديد ؟
ومن المعروف أن ابراهيم سعيد قد صرح أكثر من مناسبة فى أكثر من قناة تلفيزيونية أنه تغير و اصبح إنسان جديد يبتعد عن المشاكل وأبدى رغبته الملحة فى العودة مرة أخرى إلى نادى الأهلى .
ومن المعروف ايضا أن ابراهيم سعيد يثار حوله العديد من المشاكل فى حياته الخاصة و أيضا فى الملاعب فمنذ انفصاله عن زوجته و الاتهامات المتبادلة بالسرقة إلى الارتباط بفتاة تتحدى الملل إلى السهرات الخاصة و المشروبات - الخاصة - مما دفع بالمسئولين فى النادى الأهلى فى التردد بالتعاقد معه .
المصدر: أيوا كورة

لسه شوبير مستضيفه امبارح فى الدرجه التالته و قعد يردد انه أمله فى الحياه يرجع للاهلى و قعد يعتذر مره مليون للجماهير و زملاؤه و يطلب من الكابتن حسن حمدى يعتبره ابن من اولاده و يسامحه و انه اتغير و زوجته ووالدتها ما بيناموش الليل و بيدعوا ربنا يحنن قلب النادى عليه و يرجع اتاريهم سهرانين مستنيين البيه يشرف من الكباريه اللى هو سهران فيه

ممكن الخبر يكون مش صحيح و الاعلاميين الزمالكاويه مسربينه بعد اقترابه من العوده الله أعلم بس ماضيه بيخلينا نصدق أى حاجه عنه ربنا يهدى الجميع للصالح يا رب

اشك في هذا الخبر وخصوصا توقيت اعلانه

مش متهيألى لأن الكلام دا مش وقته خالص بالنسباله يعنى ممكن هو يكون دا الطبيعى بتاعة بس اكيد هو فى الوقت دا بيلم نفسه عشان يرجع الأهلى ..المنطق بيقول ان الخبر كدب

يا جماعة انا شايف انها فرقعة ملهاش لزمة
واية مصدر الخبر دا !!!!!

مش معقول لاعب بقيمة ابراهيم سعيد يقعد يتحايل علي الاهلي علشان يرجعوة
وفي نفس الوقت يقعد يسهر ويعمل مشاكل ومش عارف اية


دا خبر الغرض منة تشوية صورتة مرة اخري لادارة الاهلي علشان متجبوش

وبعدين حتي لو كان بيسبغ شعرة بنفسجي
مش مشكلة دي حرية شخصية للاعب انما احنا نتكلم علي اداؤة ومن حقنا اننا ننقدة في الحتة دي بس انما اي حاجة تانية هيا راجعة لية هو
وربنا الهادي

الموضوع ده فيه انه اشمعنا التوقيت ده بالذات يعنى ما فتكروش ابراهيم سعيد وسهراته ومشاكله الا لما جات سيرة الاهلى وانه بيفكر يرجعه حاجه تحير وتخلى الواحد شامم ريحه مش كويسه جايه من ناحيه صفايح الزبالك اللى دايما رحتها فايحه بالفضايح اللى مرميه فيها(اففففففففففف ايه الريحه الوحشه دى)