احتفالية كبرى بالدورى فى لقاء الاهلى والاتحاد السكندرى

تقوم لجنة من الاهلى برئاسة الكابتن محرم الراغب مدير عام النادى بعقد اجتماعات مكثفة لإقامة احتفالية لجماهير الاهلى وفريق الكرة على هامش مباراة الاهلى والاتحاد السكندرى فى إطار مباريات الأسبوع السادس والعشرين لمسابقة الدورى وأجرى الكابتن محرم الراغب مدير عام النادى مشاورات مع الكابتن هادى خشبة المنسق العام للكرة والكابتن حسام البدرى المدرب العام والقائم بأعمال مدير الكرة للوصول إلى الصورة المناسبة للحفل بالشكل الذى يليق بالإنجاز الكبير الذى حققه الاهلى بالحصول على درع الدورى للمرة الرابعة على التوالى والـ 33 فى تاريخه ..

من جانبه وجه الكابتن محرم الراغب الدعوة لجماهير الاهلى لحضور الحفل باعتبارها السند الحقيقى للنادى والسبب الاساسى فى حصده لكافة البطولات ..

وأشار مدير عام النادى إلى أن الاحتفالية ستكون فى ارض الملعب وسوف تتضمن العديد من المفاجآت لإسعاد الجماهير الغفيرة وبالشكل الذى يليق بالإنجاز الكبير ..

[ندعوك للتسجيل في المنتدى أو التعريف بنفسك لمعاينة هذه الصورة]

انا لو من الاداره اعمل الدخول مجانى لجماهير الاهلى الوفيه اللى عمرها ما اتأخرت عن الفريق و دى تبقى أقل حاجه تقدمها الاداره للجمهور الكبييييييييييييير ده

و مبرووووووووووووووووووووووووووك الدوووووووووووووورى

أووووووووووووووووووه أهلاوووووووى

فكرة هايلة جداً يا حازم بتاعة الدخول المجانى دى
بس انا نفسى تبقى فى اخر مباراه فى الدورى
و ياريت الاهلى يعمل معايا واجب و يسيب الماتشش للاتحاد عشان الاتحاد دلوقتى عايز نقط بأى شكل
جمهور اسكندرية حالته صعبة اوى و مش متخيلين ان ممكن الاتحاد ينزل درجة تانية

Admin كتب:: فكرة هايلة جداً يا حازم بتاعة الدخول المجانى دى
بس انا نفسى تبقى فى اخر مباراه فى الدورى
و ياريت الاهلى يعمل معايا واجب و يسيب الماتشش للاتحاد عشان الاتحاد دلوقتى عايز نقط بأى شكل
جمهور اسكندرية حالته صعبة اوى و مش متخيلين ان ممكن الاتحاد ينزل درجة تانية

قلبي معاك يا حبيبي و مع جمهور الأتحاد

و سلامات سلامات سلامات
الأهلي و الأتحاد أخوات

خلاص بقا يا ابو سيف طالما الموضوع سلامات و اخوات
يبقى نكلم ابوتريكة و اخواته يعملوا واجب مع الاتحاد
و احنا مش هننسوهم بردو فى ماتش اسكندرية فى أكلة سمك و جمبرى من عند ابو اشرف اللى فى بحرى

hazemsoliman كتب:: انا لو من الاداره اعمل الدخول مجانى لجماهير الاهلى الوفيه اللى عمرها ما اتأخرت عن الفريق و دى تبقى أقل حاجه تقدمها الاداره للجمهور الكبييييييييييييير ده

و مبرووووووووووووووووووووووووووك الدوووووووووووووورى

أووووووووووووووووووه أهلاوووووووى

دا اقل اقل اقل حاجة

يا ريت يكون الدخول مجاني أو حتي بأجر رمزي
وان شاء الله تكون احتفالية جميلة
ونفوز علي الاتحاد يومها
ما لكم يا اسكندرانية ما الأوليمبي طيرنا وهايطلع الممتاز أهه
عايزين ايه ثاني
يا محظوظيييييييييييييييييييييييييييييييين

على فكرة يا أدمين إحنا الأهلاوية بنحب الإتحاد و المصرى جداً بس أنا فى رأيي الشخصى إنهم محتاجين قرصة ودن بالنزول للدرجة الثانية و لو لموسم واحد لأنه مش معقول يكونوا أندية كبيرة و جماهيرية و إمكانياتهم برضه كويسة و بقالهم حوالى أربع مواسم بيلحقوا نفسهم بالعافية و يهربوا من الهبوط فى آخر أسبوع أو أسبوعين........بصراحة إدارات فاشلة بمعنى الكلمة

ابو سيف جه 0000 أبو سيف جه

cheers

دى احلى احتفاليه بالدرع

فكره حلوه فعلا يا مستر حازم الدخول مجانى او حتى باجر رمزى ويارب نشوف احتفاليه محترمه تليق بنادى القرن والدورى ال 33
فالف الف الف الف الف الف مبروك للاهلى وجماهيره وادارته ولاعبيته وعقبال كاس افريقيا يا اهلى

يالا بقى مستنين الاحتفاليه مع الاتحاد
ومعلش يا ادمن احنا عايزين التلات نقاط معلش معلش على الاتحادوايه يستحملو بقى بس مفيش مانع بفرحو معانا
وكمان نفرح فى اخر ماتش فالدورى ان شاء المولى
مشكوره ام سيوفه الجميله على الخبر المفرح
فى انتظار كل جديدك اختى

نورتو الموضوع
حازم
ادمين
نونا
دكتور مراد
طاطا
رباب
أبو سيف

Dr Mourad كتب:

على فكرة يا أدمين إحنا الأهلاوية بنحب الإتحاد و المصرى جداً بس أنا فى رأيي الشخصى إنهم محتاجين قرصة ودن بالنزول للدرجة الثانية و لو لموسم واحد لأنه مش معقول يكونوا أندية كبيرة و جماهيرية و إمكانياتهم برضه كويسة و بقالهم حوالى أربع مواسم بيلحقوا نفسهم بالعافية و يهربوا من الهبوط فى آخر أسبوع أو أسبوعين........بصراحة إدارات فاشلة بمعنى الكلمة

كلامك صح يا دكتور مراد و أؤيدك فيه تماماً
بس انت مش متخيل الإتحاد بيمثل إيه لجماهير الكورة فى إسكندرية
على فكرة فى معلومة مهمة جداً إن مش كل الإسكندرانية بيشجعوا الإتحاد و متابعين ماتشاته لأن الإتحاد مش فريق بطولة
بس جمهور الإتحاد الإسكندرانية اللى بجد بيعشقوا النادى بطريقة جنونية
انا حضرت ماتش الاتحاد و الترجى فى ستاد اسكندرية و كنت مستغرب من حماس الجمهور
و قلت لو اللاعيبة عندها نص حماس الجمهور ده ممكن الإتحاد يبقى حاجة تانية
بس زى ما انت قلت
إدارات فاشلة بمعنى الكلمة

إحنا بنحب الإتحاد و المصرى و نتمنى لهم التوفيق لكن لازم يصحصحوا شوية الجماعة الكبار أهلى زمالك و منجاوية و كمان الشركات و المؤسسات انبى -بتروجيت- الجيش -ح الحدود-............ مش هيرحموا حد و الدورى مش هيقبل فريق ضعيف أو إمكانياته محدودة أو إدارته فاشلة مابتعرفشى تخطط صح و تدخل فلوس للنادى و تسوق اللاعبين صح (و بالنسبة لرأيي الشخصى الشركات و المؤسسات إضافة ممتازة للدوري و ليس عيب كما يقول النقاد اللى مابيعرفوش حاجة و بيواسوا فرق هتنقرض قريباً )

» خاص: اتصال بين جمال والقذافي قبل لقاء الأهلي والاتحاد
» حسام البدرى ينفى رغبة الأهلى فى تأجيل لقاء الأتحاد السكندرى
» بركات يغيب عن لقاء الاهلى والترسانه
» قناة الاهلى تذيع تسجيلا كاملا لمباراة الاهلى والقطن فى الساد
» قبل لقاء غدا .. الاهلى تخطى الحدود 11 مرة وتعادل مرة واحدة