'إبراهيم سعيد' يجدد عرض نفسه على الأهلي

في مفاجأة من العيار الثقيل علمت 'بص وطل' أن 'إبراهيم سعيد' لاعب المنتخب الوطني المحترف في أنقرة جودجو التركي قد أجرى اتصالا هاتفيا بـ'محمود الخطيب' نائب رئيس النادي الأهلي أمس السبت، وعرض نفسه عليه من أجل العودة إلى القلعة الحمراء اعتباراً من الموسم المقبل.

وطالب اللاعب نائب الرئيس بمساندته لتحقيق رغبته بعدما أبدى ندمه على أي خطأ ارتكبه في حق ناديه الأهلي الذي تربى فيه.

جاء ذلك بعدما نما إلى علم 'إبراهيم سعيد' أن الجهاز الفني للفريق بقيادة البرتغالي 'مانويل جوزيه' طلب من لجنة الكرة ضرورة التعاقد مع ليبرو له خبرة بعد إصابة 'عماد النحاس' ليبرو الفريق بالرباط الصليبي في المباراة الأخيرة من الإسماعيلي، مما سيبعده عن اللاعب لمدة 6 أشهر على الأقل، فضلاً عن أن تلك الإصابة قد تقضي على مسيرة 'النحاس' الكروية؛ لأن عمره اقترب من اثنين وثلاثين عامًا، وبات على وشك الاعتزال.

وفي الوقت الذي أكد فيه 'الخطيب' لـ'إبراهيم سعيد' أنه مقتنع بإمكاناته الفنية كلاعب متميز، ولا يمانع في عودته للقلعة الحمراء، أوضح له أن عودته تعتبر صعبة للغاية؛ لأن هناك أصواتاً كثيرة داخل لجنة الكرة في النادي سبق أن أعلنت رفضها تلك الفكرة، حيث كان حاول بنفسه -أي 'الخطيب'- إقناع مسئولي الأهلي بعودة 'إبراهيم سعيد' في يناير الماضي، ولكن 'حسن حمدي' رئيس النادي و'طارق سليم' عضو لجنة الكرة اعترضا بشدة، ورفضا الصفقة؛ بسبب الشغب الذي يتسبب فيه اللاعب والأزمات التي يثيرها دائماً.

ووعد 'الخطيب' اللاعب ببذل أقصى جهده خلال الفترة المقبلة؛ لإقناع 'حمدي' و'سليم' بعودته، ونسيان أزمات الماضي.

انا كنت زمان معاك وبساندك ونفسى ترجع للأهلى ..بس بعد اللى عمله البطيخاوى عمر الأهلوية ما هايقبلو وجود لاعب فى النادى اتمرد على النادى فيوم من الأيام حتى لو ندم واعتذر لأن دا بيفتح الباب فدام كل اللعيبة للتمرد والرجوع لأعتذار للنادى لما الحالة تبقى وحشة معاهم..شكرا عالخبر

الله الغني عن أمثال اللاعب ده حتي لو بقي احسن لاعب في العالم

يا جماعة اللاعب بيبوس إدينا يرجع بقاله سنة و قدم إعتذار مكتوب و بالفيديو كمان ......و إن كنت أشك فى أخلاق إبراهيم سعيد لكن أنا قبل كده قلتها: نجيبه بعقد فيه شروط معينة و ضمانات مادية بطريقة معينة و يكون تحت الإختبار من الناحية الأخلاقية فإما ينصلح حاله لإما مع السلامة

Dr Mourad كتب:: يا جماعة اللاعب بيبوس إدينا يرجع بقاله سنة و قدم إعتذار مكتوب و بالفيديو كمان ......و إن كنت أشك فى أخلاق إبراهيم سعيد لكن أنا قبل كده قلتها: نجيبه بعقد فيه شروط معينة و ضمانات مادية بطريقة معينة و يكون تحت الإختبار من الناحية الأخلاقية فإما ينصلح حاله لإما مع السلامة

انا مش مع حضرتك يا دكتور مراد الانسان المحترم محترم بطبعه ومش محتاج لعقود او شروط عليه عشان يبقى محترم ..وهو بطبعه بتاع مشاكل وعلى رأى المثل يموت الزماروايده بتلعب ..يعنى حتى لز اتعدل شوية فى اول مشكلة او نرفزة هايرجع ابراهيم اللى احنا عارفينه..دا غير انه بيفتح باب الأمل قدام اى لاعب يتمرد على النادى انه يرجع يتأسف ويعيط للنادى عشان يرجعوه..لكن لأ والف لأ

هو أهلاوى ولاعب كبير بس مجنون

انا موافق علي رأي الدكتور مراد

يا أخ عبد الرحمن أنا معاك فى كل اللى قلته و كله كلام صحيح بس لو كان مجرد إعتذار و الأهلى وافق فى ساعتها لكن ده كذا إعتذار بالصوت و بالصورة و كتابى و على شاشات التليفزيون و الأهلى برضه رفض فى يناير اللى فات و اللاعب رجع تانى يعرض نفسه على الأهلى و دى مش بسيطة و مش أى حد يقبلها على نفسه و تدل على إنه ندمان بجد و هيموت و يرجع الأهلى و كمان شفنا إبراهيم سعيد قاعد إحتياطى طول بطولة إفريقيا و مالعبشى غير حوالى 8 دقائق و ماإعترضى ولا عمل مشاكل....و خصوصاً كمان إن إحنا محتاجين ليبرو و محمد سمير خذلنا إلى حد ما.و تحياتى لك

أعتقد ان ديل الكلب عمره ما يتعدل ابدا
و كفاية الصور بتاعة فرحه اللى بتدل على مستوى اخلاقه
ياريت ندور على مدافع خبرة و صغير زى امير عزمى مجاهد

مافيش مدافع زملكاوى يصلح أبداً و مع إحترامى لرأيك يا ريس أمير عزمى ليس من مستوى الأهلى

شكرا احبابي علي المرور

كلامكم سليم .. لكن أنا مع الحكيم
ممكن يرجع بشروط تكتفه فى عقده وتضمن حقوق النادى فى أى وقت
يا جماعة مش هانكابر كتير .. إحنا مزنوقين فى ليبرو فعلا .. ومصر مافيهاش غيره هو وهانى سعيد
نضيع مكان لاعب أجنبى على ليبرو ؟
مشكور أسد المنتدى المميز

انا مؤيد لعودته بشروط

طيب لو رجع معني كده ان اي لاعب تاني عمل عمايله يقعد يعتذر ويعيط شوية ونسامحه
هوندمان وبيعيط علشان مش لاقي مكان يلمه
وبعدين لو جه ثاني وفي متش مهم الجمهور الثاني شتمه فنسي الماتش والدنيا ووقف يرد عليهم يبقي ايه الحل
حكاية العقود والشروط والكلام ده ما يضمنش اي حاجة ما هو كان مرتبط بعقد مع الزمالك وقرفهم في عيشتهم وحاليا مرتبط بعقد مع ناديه وبرضه قلق ومشاكل
وبعين ما احنا شوفنا ان اللي عايز يقل بأصله ما بيوقفهوش عقد
اللي زي ده مفيش منه فايده

ROBOS كتب:: طيب لو رجع معني كده ان اي لاعب تاني عمل عمايله يقعد يعتذر ويعيط شوية ونسامحه
هوندمان وبيعيط علشان مش لاقي مكان يلمه
وبعدين لو جه ثاني وفي متش مهم الجمهور الثاني شتمه فنسي الماتش والدنيا ووقف يرد عليهم يبقي ايه الحل
حكاية العقود والشروط والكلام ده ما يضمنش اي حاجة ما هو كان مرتبط بعقد مع الزمالك وقرفهم في عيشتهم وحاليا مرتبط بعقد مع ناديه وبرضه قلق ومشاكل
وبعين ما احنا شوفنا ان اللي عايز يقل بأصله ما بيوقفهوش عقد
اللي زي ده مفيش منه فايده

اعتقد بع اصابة فتحي ضروري عودة ابراهيم للاهلي
شكرا يا باب علي المرور المهم

من غير ما نكابر بعد أصابتي النحاس و فتحي الأهلي في حاجة مؤقتة لإبراهيم سعيد و خصوصاً أن الأصابتين طويلتي الأجل
مشكور الرجل الأحمر على الخبر

استني عليا بقي المعلم ابو سيف رجع

مش ها يبطل مشاكل
لو جه النهاردة قبل ما يعدي شهرين هايبدأ يقرفنا

ساعتها يا رباب نقوله مع السلامة

it's a silly project to be speak in it every year , this players does not play in ahly again , forgt him thank you -africia list is completed & thank you

يا جماعه على فكره انا مع قيم و مبادىء نادينا الحبيب ولكن ارجوكم لا تنسوا اننا بشر بمعنى
1- خير الخطائين التوابين وده هى تعاليم دينا الحنيف
2- هذه العبارة ( اشققت عن قلبه يا اسامه ) جزء من حديث رسول الله صلى الله عليه وسلم ومعناها ان لايعلم النوايا الا الله حتى لا نحكم على الاشياء بفكر كل واحد وميوله
3- ارحموا من فى الارض يرحمكم من فى السماء ( ارحموا - ترحمو )
4- العفو عند المقدره
5- ارجوا من الله ان يغفر لنا جميعا و يتوب علينا و يسامحنا على جميع اخطائنا
6- على فكره انا اهلاوى جدا جدا و بطريقه جنونيه فعلا و لكن ليه كلمه صغيرة و هى ان ابراهيم سعيد افضل واحد فى مصر و العالم العربى فى مركز الليبرو ( على فكره ده راى وهو غير ملزم لاى حد ) وفى اى مركز يحب اى مدرب يلعبه فيه و لكن يا اخوانى لو فيه حد فى الدنيا مبيغلطش ياريت حد يقولى عليه وعلى فكره فيه فرق كبير جدا بين ابراهيم سعيد المتهور و عصام الحضرى قليل الاصل ( اذا اكرمت الكريم ملكته و اذا اكرمت اللئيم تمرد ) المتمرد وشكرا لكم يا اهلاويه ربنا يبارك فيكم جميعا

أهلا بالأهلاوى الجامد أوى موسى مسعد موسى
نورت المنتدى برأيك و مشاركتك الجميلة
واضح اننا كسبنا عضو جديد محترم زى باقى أعضاء المنتدى
مستنيين باقى مشاركاتك اخى موسى

اهلا بيك يا موسي معانا

» إبراهيم سعيد:الأهلي لن يتوقف على أحد و شرف ان تذكرني الجماه
» الأهلي يجدد طلبه ضم هاني سعيد مقابل مليون دولار
» إبراهيم سعيد: الأهلي حلمي .. لم أتصل بعباس .. وداعا للمشاكل
» غلق ملف عودة إبراهيم سعيد
» مانيساسبور يسعى لضم إبراهيم سعيد