رئيس سيون يعرض حل أزمة الهارب ودياً والأهلى يرفض

رئيس سيون يعرض حل أزمة الهارب ودياً والأهلى يرفض

علم AhlyNews.com أن رئيس نادى سيون السويسرى عرض على مسؤولى الأهلى الحضور إلى القاهرة والتفاوض حول حل مشكلة الحارس الهارب ودياً .

وعلم AhlyNews.com أن عرض رئيس نادى سيون قوبل بالرفض من مسؤولى الأهلى الذ قرر الأستمرار فى القضية من أجل الحصول على حق النادى فى الهارب ناكر الجميل ولتفويت الفرصة على رئيس نادى سيون.

وتأتى هذه الخطوة من جانب رئيس نادى سيون ضمن المخطط الشيطانى الذى ينفذه رئيس سيون بالأشتراك مع الهارب من أجل إعادة بيعه إلى أحد الأندية الأوروبية الشهيرة وهو ما جعل رئيس سيون يطلب الحل الودى رغم قرار القاضى الأوحد الذى صدر لصالح ناديه أمس.

وهو الأمر الذى يفطن له مسوؤلى الأهلى والذين يحاولون تفويت الفرصة على الهارب وسيون فى إنتقاله لأحد الأندية الكبرى من خلال الأستمرار فى القضية التى من المنتظر أن تستمر طويلاً وهو مايعنى أن الحضرى لن يستطيع الأنتقال من سيون لأى نادى أخر فى فترة الأنتقالات الصيفية المقبلة.

من جهة أخرى تواصل لجنة الكرة إجتماعتها وإتصالاتها بالمحامى السويسرى المفوض من الأهلى بمتابعة القضية للأتفاق على الخطوات التى سيتم إتخاذها فى الأيام القادمة بعد صدور قرار القاضى الأوحد أمس بصحة تعاقد الهارب مع سيون وإصدار بطاقة مؤقتة له

معلش ياجماعه بلاش نحط صورة البنى ادم ده فى اى خبر لان شكله بالنسبالنا مستفذ واحنا اصلا مش عايزين نقرا اخباره كمان نشوف وشه المستفذ يعنى موت وخراب ديار وشكرا شريف باشا ومعلش على الطلب

إنت تؤمر يا شاعرنا الجميل
عندك حق فعلا فى رأيك وطلبك تم تنفيذه
شرفتنى بزيارتك ونورتنى برأيك أخى مروان

بكرة تندم يا حضرى على الخطوة الخايبة دى لما تقعد على دكة الاحتياطى فى سيفون بعد مل شباكه تستقبل لهدف بغزارة ان شاء الله
مشكووووووووووووور شريف

ياسلام والله مش عارف اقلك ايه غير ربنا يكرمك ويخلى العسل اللى فى الصوره و1000 شكر على ذوقك العالى

أرجو أن يكون قرار مجلس الاداره في محله علي ما أذكر ان عرض سيون السابق كان 400و000 يورو و 50% من بيعه لاي نادي مستقبلا
لما نشوف حترسي علي ايه الحدوته دي

يا رب يكونوا درسوا اللايحه كويس علشان ما تحصلش مفاجات تانيه تخلينا كمان ما نطولش تعويض عدل !!!!!!!!!!!

بيقولوا التعويض بيتحسب نسبة من عقد سيون مع البتاع ده
وبكده يقدروا يحطوا في العقد مبلغ قليل عن الحقيقي علشان الأهلي ما يأخدش مبلغ كبير
الحاجة الأهم من التعويش الجزء في الخبر اللي بيقول ان طول ما المشكلة ما اتحلتش ما يقدروش يبيعوه لنادي ثاني
يا ريت الكلام ده يكون صح لأن كده ممكن تفوته فترة الانتقالات الجاية في الصيف

لاعب خاين اتفق مع نادى سمسار للإنتقال إلى نادى حرامى كبير بمساعدة أعداء الأهلى و الجلسة كانت فى غانا تحت رعاية إتحاد الفراولة (مش عارف إتحاد أحمر بأمارة إيه!!!).......يبقى الأهلى يبوظ المخطط ده بالإستمرار فى القضية ثم رفعها للمحكمة الرياضية علشان الخاين يتربط فى النادى السمسار و مايروحشى للنادى الحرامى الكبير فى موسم الإنتقالات و يطلع نأب أعداء الأهلى على شونة و تفشل الرعاية.......و كلها مباراتى دور الــ 16 و نقيد حارس كمان.......أمير و عبد المنعم و الشناوى كلهم أحسن من بعض و لا يقلوا عن الخاين بل أصغر سناً و عندهم إنتماء (( و رب ضارة نافعة ))

شرفتونى بزيارتكم وأثريتوا الموضوع بآرائكم القيمة أحبابى
كبير العيلة وأدمين المنطقة .. أبو الذوق أخى الحبيب مروان .. الأهلاوى العجوز "الخبرة"
الزعيم الكبير وجارى الحبيب حزوم .. خبيرتنا الجميلة رباب .. حكيم المنتدى الفاهم د.مراد

انا حاسس ان القضية كلها هتتقلب

الخوف كله من اتحاد الكرة اللى شكله بيساعد الهارب و اعطاه مستندات تساعد النادى الحرامى و بنفاجأ بقرارات غريبة غير متوقعة بسبب الحاجات المستخبية دى و على فكرة القيعى مرة لمح للحاجات دى فى دريم سبورت

بإذن الله لا هيلعب فى سيون ولا المنتخب وربنا يورينا فيه يوم هو والغبى حسن شحاته

مش عارف ليه عندى نفس إحساسك يا طاطا .. شرفت يا أسد
فاهم كعادتك أخى الحكيم .. شرفتنى يا دكتور
يتحرق بجاز مش هايفرق معانا .. المهم فعلا حسابنا مع شحاتة واللى ساعدوه .. شرفت يا شرقاوى يا أصيل

انا بيتهيألى ان الحضرى هايفشل فى الاحتراف هاتقولولى ليه.. هاقولكم هو كان ممكن يبقى كويس فى مصر او فى الدورى المصرى وسط اهله والجماهير اللى كانت بتحبه وتسانده ويقولوله ارقص يا حضرى ويرموله البطيخ بعد الماتشات .. لكن برة مش متهيألى هيحس بحرارة التشجيع زى هنا ولو شجعوه بقوه مش هايفهم أى حاجة لأنه بالبلدى فلاح وجاهل والحضرى من اللعيبة اللى بتلعب بتشجيع الجماهير وبس ..شكرا

هو رأى وجيه أخى عبد الرحمن
لكن المهم الآن ليس نجاحه أو فشله .. الكلام ده لما يكون فى دورى قوى أو بطولات قارية
الأهم إننا نربطه فى النادى الفاشل ده .. اللى كفيل تماما بمسح تاريخه .. والتفرغ لكل من ساعده
شرفتنى بمرورك أخى الفنان

» سيون السويسرى يعرض 400 ألف دولار فقط لشراء الحضرى .. والأهلى
» رئيس سيون يحذر من مشاركة الحضري مع الأهلي
» رئيس وفاق سطيف : أديكو سيلعب للأهلى المصرى .. اتصالات بين اللاعب والأهلى والصفقة
» حسن حمدي يرفض وساطة إسماعيل عثمان لحل المشكلة ودياً
» الفيفا يستفسر من سيون .. والحارس الهارب يقرر السفر إلى سويسر