ضم حسين علي لاعب بتروجيت

نجح 'حسام البدري' المدرّب العام والقائم بأعمال مدير الكرة بالنادي الأهلي في الحصول على توقيع 'حسين علي' لاعب بتروجيت؛ للعب لصفوف الأهلي بداية من الموسم القادم لمدة 3 سنوات، ليخطف الأهلي صفقة أخرى من الزمالك في إطار الصراع بين الناديين على ضم لاعبين جدد، ورغم تكتم مسئولي الأهلي على الصفقة إلا أن 'بص وطل' علمت أن اللاعب وقع بالفعل 'للبدري'.

وبضمّ 'حسين علي' يكون الأهلي قد تفادى مشكلة خط الوسط؛ خاصة وأن 'حسن مصطفى' لاعب الفريق المُعَار إلى نادي الوحدة السعودي طلب تجديد إعارته للنادي السعودي؛ لشعوره بالراحة هناك.. وبالفعل وصل طلب من مسئولي الوحدة السعودي يطلبون فيه التجديد لـ'حسن مصطفى' على الإعارة، ورحّب مسئولو الأهلي بالتجديد.

على صعيد آخر يبذل الأهلي قصارى جهده؛ لإنهاء المفاوضات مع مسئولي البلدية؛ لضم 'محمد نجيب' مدافع الفريق بعد أن دخل الزمالك طرفاً قويّاً في الصفقة، وطلب 'محمود الشامي' مبلغ مليون و250 ألف جنيه للاستغناء عن اللاعب، وتدرس لجنة الكرة بالأهلي طلبات 'محمود الشامي' خاصة بعد التجديد لـ'جوزيه'، والذي سيتم حسمه خلال الساعات القادمة.

هو لاعب كويس
وتقريبا كان من ناشئي الأهلي
بس مش كثير كل دول في المكان ده

ما هى دى المشكله يا رباب مش عارف ليه دايما نركز فى مكان واحدمع اننا محتاجين اكتر من مركز عموما لجنة الكره شايفه اكتر مننا

فعلاً يا رباب زى ما انتى بتقولى كان ناشئ فى الأهلى قبل كدا
و بالنسبة لعدد اللاعبين فى المركز ده
أعتقد ان بوجلبان و إينو مستواهم مش على قدر خط وسط الأهلى
يفضل عندنا فى المركز ده أحمد حسن و حسام عاشور و ممكن أحمد فتحى
بس فعلاً لازم نركز شوية على ظهراء الجنب
و طالما بتروجيت فتحت بابها للأهلى يبقى ياريت نشوف أسامة محمد بقا
و بالنسبة للباك اليمين صوتى اتنبح فى المطالبة باللاعب مصطفى طلعت
مشكووووووووووووووووور عمرو

السلام عليكم ورحمة الله وبركاته

من شوية على قناة دريم سبورت

برنامج 24 ساعة رياضة

محمد الليثى قال ....

أن الآهلى خلاص اتفق مع /حسين على

لاعب بتروجيت اللى كان أصلا ناشىء فى الآهلى

على الانضمام للاهلى ابتداء من الموسم القادم

وكمان قال أن اعارة حسن مصطفى هتجدد كمان موسم

خبر كاذب مائة بالمائة لان اللاعب عقده ينتهي مع بتروجيت في 5/2009 اي لابد علي الاهلي ان ياخذ موافقة النادي ولم يذكر الخبر ذالك اللاعب كان فعلا في ناشئ الاهلي ( خالد بندق الزبلكاوي بيجري وراه منذ سنتين لكي يلعب للزبالك ) نرجو اعطاء الفرصة لجميع الناشئين بدلا من شرائهم مرة اخري بمبالغ طائلة وشكرا

طب وبتروجيت هتوافق
وانمني ان حسين يرجع بيته

والله يا ريت لاعيب عالي اوي

فيه خبر نازل في جرنال مش فاكراه
ان الزمالك انهي اتفاقه مع حسين علي ده
وكمان علاء كمال لاعب المقاولون

معلش هأعيد كلام كتبته في نوبيك ثاني علشان لو حد عنده معلومة يقولها
فيه خبر اتنش بيقول ان الزمالك انهي اتفاقه مع علاء كمال لاعب المقاولون
وحسين علي لاعب بتروجيت
هو احنا اصلا محتاجين حد ثاني في المكان ده
ولو محتاجين مش هشام محمد الناشئ اللي لعب نص ماتش أولي
والكل بيتكلم عنه كويس وهيبقي معاه لاعيبه كبار في نفس المكان يسندوه وياخد خبرة منهم

الأهلى مش محتاج الاثنين لا علاء كمال ولا حسين على

بما ان الموضوع الجديد متعلق بموضوع الاهلى يخطف حسين على من الزمالك انا دمجتهم مع بعض فى موضوع واحد

» الأهلي يخطف 'حسين علي' لاعب بتروجيت من الزمالك
» بالرغبة المكتوبة والهاتفية : حسين علي لاعب بتروجيت في الأهلي
» حسين علي باق مع بتروجيت
» بتروجيت يقرر بيع حسين علي
» حسين علي رفض الانضمام لمعسكر بتروجيت.. لاتفاقه مع الأهلي