إصابة فلافيو بالتواء فى الكاحل

إصابة فلافيو بالتواء فى الكاحل

يجرى الأنجولى فلافيو مهاجم الفريق الأول لكرة القدم بالأهلى أشعة على الكاحل للوقوف على مدى إصابته وتحديد البرنامج العلاجى ..

وقال الدكتور إيهاب علي طبيب الفريق إن التشخيص المبدئى لإصابة فلافيو هو التواء فى الكاحل وسوف تحدد الأشعة الموقف الحقيقى للإصابة .

وكان فلافيو قد خرج فى الشوط الثانى لمباراة فريقه أمام الاتصالات والتى انتهت بالتعادل الإيجابى 1 / 1 بعد التحامه فى كرة مشتركة مع لاعبى الاتصالات

العبيط محمود محمود ضربه من غير كوره زى ما قاله طارق يحيى

لما شعبولا يبقى عبيط
أمال الحكم يبقى إيييييييييييييييييييه ؟
نورت التوبيك يا شرقاوى يا أصيل

أعتقد انه مايستاهلش ان طارق يحيي يدي تعليمات انه حد يضربه ده كان سلبي جدا طول المباراه

يا أخ أهلاوى عجوز الفريق كله كان سلبى و مستهتر يعنى إيه رأيك فى أبو تريكة و بلال و بركات و أنيس و أحمد فتحى............على العموم كويس إن العيوب دى بانت فى الدورى اللى خلاص هيتحسم إن شاء الله ........و رأيي الشخصى إن جوزيه يلعب كل الناشئين اللى على الدكة و الإحتياطى لأن ظاهر جداً إن الأساسيين شكلهم عقدوا العزم على الإستهتار و السلبية ......يبقى نستفيد من تجربة الناشئين يمكن نطلع بواحد أو إثنين مميزين و كمان نجرب الإحتياطى علشان نعرف نقعد مين و نمشي مين........و رب ضارة نافعة

محمود محمود داس على رجل فلافيو من الخلف بطريقة مقصودة
يعنى تحس انه قاصد انه يعجزه
و فعلاً عندكم حق كل اللاعبين كانوا سلبيين امبارح
عايزين حاجة تفوقهم

اتمنى الماتش ده يفوقهم ان شاء الله

بصراحه كان ماتش سئ جدااااااااااااااااااااااااا
اياك يفوقو

الله يخرب بيت محمود زفت دا..دا قاصد مليون فى المية ..اللعيب دا اصلا مؤذى انا لسة كنت قبل الماتش بتفرج عاليوتيوب وشفت بعد ماتش الأهلى والزمالك لما عماد متعب اتنرفز وهزأه وقال عليه مش لعيب كورة ودا اللى نرفزنى زيادة ساعة ما داس على رجل فلافيو.. واللى غاظنى أكتر ان طارق يحيى كان بيقول واللهى ماعمله حاجة واللهى ماعمله حاجة..لا والنبى انت عايزه يخرج برجل واحدة عشان يبقى عمله حاجة ..حاجة تقرف جتكم القرف مليتو البلد.. وشكرا عالخبر

علي فكرة مش فلافيو بس اللي ضربه اللاعب المحترم ده
في اعادة للقطة اعتقد كانت ضربة حرة كان بيضرب فيها لاعب في دماغه
عموما ده العادي بتاعه

الف سلامة يا فلافيو يا فهد الاهلي

» إصابة شادي محمد بالتواء في الكاحل
» إصابة أبو تريكة بجزع فى الكاحل
» إصابة عاشور بجزع في الكاحل وخضوعه لعلاج بالثلج والليزر
» إصابة فلافيو وعاشور وبوجلبان بالإجهاد
» إصابة طفيفة فلافيو .. تألق النحاس والمحمدى .. حوار جوزيه مع