احكي لنا يا TATA

تامري بصي يا ستي اولا الدخول كان زي الزفت طابور طويل جدا ووقوف كتير جدا وحصلت بعض حالات الاغماء وقبلها حدث تبادل للسباب بين الجمهوريين نظرا لانهما كانا قريبيين جدا من بعض المهم دخلت بعد ان تم تفتيشنا حوالي عشر مرات لحد ما تخنقت وواحد سالني قالي معاك حاجة قلت ليه معايا صواريخ وشماريخ ومية نار ومولوتوف دخلت واخترت اني اقعد مع الالترا وكانت اساعة حوالي 3 وربع شوية كده وبدات الهتافات بين الجمهوريين وروقنا شيكا شوية وكان جمهور الزمالك قليل جدا جت الساعة 5 كان جمهور الاهلي مقفل الاستاد والزمالك لسه وكان فيه راجل عنده حوالي 40 سنة كان مولع الاستاد لحد ما جه ريعو الساعة 6 وشوية وريعو ده مايسترو مدرجات الاهلي المهم مدرجات الزمالك الرجة الاولي لم يتم ملئها والتاتة فيها اماكن فاضية وعليكي وعلي السباب المتبادل بس بصراحة اتروقوا الزمالكاوية وفي هذه الاثناء وزع علينا رجال الالترا الورق الاحمر والاصفر والاسود علي الملعب كله ومجهود غير عادي منهم لحد ما نزل اللعيبة وهتاف غير عادي لامير وباقي العيبة بس بصراحة نسينا رامي عادل وتمت الدخلة وسكت جمهور الزمالك تماما مع سيطرة الاهلي وتشجيع غير عادي لا يهدا من جمهور الاهلي وانتهي الشوط الاول وبدا الشوط الثاني وسباب من جمهور الزمالك لشادي نرد عليه بسب غير عادي لشيكا ثم سب من جمهور الزمالك امتعب نرد عيه ايضا الي ان جاء هدف فتحي ومن ساعت الهدف لم تهدا مدرجات الاهلي حتي هدف متعب وبعد هدف متعب بدا جمهور الزمالك في الانصراف واحتفالات صاخبة وشمارخ ولعت في مدرجات الاهلي الي ان انتهت المباراة وبعد الماتش مهزلة امنية بخروج جماهير الاهلي والزمالك من نفس الباب واشتباكات بالجلة انا نفسي اشتركت فيها وخلصت الحكاية ومبروك لينا

sherifalwakkad كتب:

تصدقى خدتيها من على لسانى يا رانيا
كنت لسة هاطلب منه توبيك فيه كل تفاصيل المدرجات
والهتافات فى الجانبين والأحداث اللى ماشقناهاش

أكنك انت اللي طلبتها يا شريف مفيش فرق
وبعدين اصل انا بصراحه نفسي احضر ماتش في الاستاد بس بعد اللي قاله تاتا مش هعملها ابدااااااااااااااااااااااااا

ahlawy3agooz كتب:

بصراحه أنا مش موافق خالص علي موضوع الشتيمه ده,حتي لو هم بدأوا لازم نكون أرقي منهم و ما نردش عليهم و نشجع فرقتنا بس

الله ينور عليك هو دا الكلام السليم

معاكم حق الشتيمه بتجيب شتيمه و بتخرج الواحد من انه رايح يشوف الماتش لانه رايح يشتم و يتشتم

بس على الجانب الاخر بقى الموضوع بيبقى مستفز فعلا و انا ايام ما كنت باروح الاستاد كنت باحاول اهدى الناس اللى جنبى و كل ما انجح فى كده و يسكتوا نلاقى شتايم و قلة ادب من الجماهير التانيه لحد بصراحه انا نفسى كنت احيانا اخرج عن شعورى و اشترك فى الرد عليهم

ربنا يهدى الجميع و الفوز دائما يكون من نصيب الاهلى

مشكووووووووووووووووووور طاطا على التوبيك و كأننا فى الاستاد

ربنا يخليكو ليه يا حماعة معلش يا ادمين اصل موبيلي كان بايط
وبالنسبة لموضع الشتمة هي بتبقي كتير في ماتشات الاهلي والزمالك وبتبقي بصراحة مستفزة ليه جدا وغصب عنك تخرج عن شعورك لما تلاقي فريقك بيتشتم