حسام أسامة تحت منظار الأهلي

حسام أسامة تحت منظار الأهلي
عادل أبوشاميةبدأ مسئولي الأهلي مفاوضات سرية مع اللاعب حسام أسامة مهاجم فريق الكرة الأول بنادي بلدية المحلة والذي كان قد انضم لصفوف البلدية خلال فترة انتقالات يناير الشتوية ووقع عقدا مع النادي لمدة ثلاثة مواسم وذلك لضمه للقلعة الحمراء بداية من الموسم القادم ليكون البديل لأي مهاجم يمكن ان يحترف بعد نهاية الموسم.
أكد حسام أسامة صحة المفاوضات واعترف بأنه تلقي بالفعل اتصالات من جانب مسئولي الأهلي ولكنه رفض الافصاح عن شخصية المسئول الذي اتصل به.

لو كان هو لاعب الزمالك اللى انتقل للبلدية يبقى مش كويس ..مستواه متوسط و الأهلى عايز لعيبة سوبر و شكراً لك يا أخ أبو سيف (أبو أبوتريكة)

مين حسام اسامه ده مش ده ناشئ الزمالك

اى نعم هو مهاجم كويس بس مش سوبر يعنى و بعدين ماحنا قلنا مش عاوزين مهاجمين

Dr Mourad كتب:: لو كان هو لاعب الزمالك اللى انتقل للبلدية يبقى مش كويس ..مستواه متوسط و الأهلى عايز لعيبة سوبر و شكراً لك يا أخ أبو سيف (أبو أبوتريكة)

متفق معاك و د. مراد لأنه مهاجم عادي و أن كان بنيانه قوي و يشبه عبد الحليم علي
و أحنا محتاجين أفذاذ
و اللقب ده وسام على صدري لأنه منك و كمان لأنه لأبوتريكة

العفو يا أخ (أبو أبوتريكة) و ما شاء الله عليك كل ما أروح للصفحة الرئيسية ألاقى كلمة جديد ظهرت تانى يعنى بمعدل خبر كل 5 ثوانى (ما شاء الله لا قوة إلا بالله....ماكينة أخبار لا تهدأ)....أكيد ماكينة ألمانى

Dr Mourad كتب:: العفو يا أخ (أبو أبوتريكة) و ما شاء الله عليك كل ما أروح للصفحة الرئيسية ألاقى كلمة جديد ظهرت تانى يعنى بمعدل خبر كل 5 ثوانى (ما شاء الله لا قوة إلا بالله....ماكينة أخبار لا تهدأ)....أكيد ماكينة ألمانى

ماكينة صعيدي وقودها رضائك و تشجيعك منتحرمش من ذوقك الجم يا د. مراد

هو حسام أسامة ناشئ الزمالك
أتمني يكون خبر مش صح
ازاي نلعب واحد زي ده وما نعطيش فرصة لهدافين فرق الناشئين
لو ها نجيب من بره يبقي حاجة علي مستوي يا اما بلاش

hazemsoliman كتب:: مين حسام اسامه ده مش ده ناشئ الزمالك

اى نعم هو مهاجم كويس بس مش سوبر يعنى و بعدين ماحنا قلنا مش عاوزين مهاجمين

لو كان فعلا هو ناشيئ الزمالك يبقى مليون المية خبر من اللاعب نفسه لرفع سعره لاني لا اعتقد الاهلي ممكن يخطأ الخطأ الرهيب ده دا لاعب ما بيعرفش يلعب حاولوا فيه البدع ومانفع حتى في المنتخب الاولمبي كان من افشل اللاعبين ثم انا ما شفته ابدا في مباريات البلديةا لاخيرة فمش عارف هل هو فعلا حسام اسامة ام واحد غيره

أنا موافق وائل فى كل كلمة قالها
ده لاعب فاشل بمعنى الكلمة
بنيانه ضعيف و مش عنده اى فكر كروى خالص
و حتى وصفه انه مهاجم عادى ده كتير عليه
ده اخره لاعب تنس طاولة
خطأ كبير لإدارة الأهلى لو الخبر ده صحيح

أنا كمان متفق تماما مع الفاهم قوى وائل زويلة
اللاعب بيحاول يروج لنفسه .. خاصة إنه دفعة العجيزى والإتنين مشيوا سوا من الزمالك
الفرق إن حسام خد فرصته مع الزمالك وفشل والعجيزى ماخدهاش
الغيرة إشتغلت وقال أطلع الإشاعة دى يمكن الزمالك يرجعنى علشان يرد على قلم العجيزى
مشكور سيادة النائب اللى جابر بخاطر المشتاقين

أثرتو الموضوع بردودكم و الله يا أفاضل
د. روبوس و الشاب وائل و الريس أدمين و كالعادة المايسترو شريف

» الأهلي يقترب من ضم أسامة محمد وأبو تريكة في الحج
» خاص: أسامة حسني: كل الفرق تلعب بخشونة ضد الأهلي
» أسامة محمد يقترب من الأهلي بـ4 ملايين جنيه
» الأهلي يجدد محاولاته لشراء 'أسامة محمد'
» بتروجيت يرفض طلب الأهلي شراء 'أسامة محمد'