مسلسل التحكيم السيء مستمر بفضل الظالم - ريشه

مسلسل التحكيم السيء مستمر بفضل الظالم - ريشه - .. حمل تحليل د/ علاء صادق لأستفزازات ريشه

ستمر مسلسل التحكيم السيء هذا الموسم سواء في مباريات الأهلي وغيرها .. ألا ان التحكيم المستفز والسيء في مباراة الاهلي بالأمس أمام المقاولون العرب كان متوقعا من قبل الجميع بأيام

عندما تم الأعلان عن أسناد لجنة الحكام برئاسة المدعو - جمال الغندور - مهمة تحكيم اللقاء للبورسعيدي الأبيض الأنتماء والولاء والمعروف والمتفاخر دوما بكرهه وظلمه للأهلي - كمال ريشه -

د/ علاء صادق الناقد الرياضي المميز .. فضخ كل ممارسات ريشه الظالمه في مباراة الأمس أمام المقاولون , في أطار تقديمه لبرنامجه المميز (هنا القاهره ) عبر قناة مودرن

لتحميل الجزء الخاص في الحلقه بـ " ريشه "

[ندعوك للتسجيل في المنتدى أو التعريف بنفسك لمعاينة هذا الرابط]

على فكرة علاء صادق ده بيكره الأهلى و بيحقد عليه بس الأيام دى مش عارف ليه بيشترى ود الأهلى و بيجامله قوى( يمكن له مصلحة أو فقد الأمل نهائياً فى الزمالك و قال أما أشجع اللى بيكسب على طول)و إن كانت ضربة الجزاء فى ماتش المقاولين غير صحيحة و هى مجرد فاول عادى على حدود المنطقة من ناحية الكورنر لكن يكفى إن ريشة الحقود ما دمرشى الفريق بالإنذارات (يمكن علشان الأهلى كان معترض عليه من البداية و بيشكك فى نزاهته)

ياراجل حرام عليك دا علاء صادق دا راجل أهلاوى صميم.. وطول عمرى بشوفه منحاز للأهلى

يا دكتور علاء صادق كان كاتب فى مجلة الأهلى وهو أهلاوى إسكندرانى

بس دا مايمنعش إن كان له أحيانا خلافات مع الأهلى وده طبيعى .. وهو بطبيعته حاد فى خلافاته

لكن أفضل الموجودين على ساحة الفضائيات حاليا

مشكور سيادة النائب المتابع أبو البطل

ما كنتش عايز أقول الكلمة دى بوضوح كده لكن طالما جبت السيرة يا أخ شريف فهو ده السبب لما ساب المجلة بدأ يهاجم الأهلى و ينتقده بشدة و يمدح فى الزمالك بطريقة مبالغ فيها جداً

ريشة من اسوأ حكام مصر ولولا تفوق الأهلي وانه ما قدرش يقف قدام القطر كان بقي كلام ثاني
بالنسبة للاختلاف علي علاء صادق فيه رأي ان علاء صادق كاره للأهلي ورأي بالعكس
أنا باعذر اصحاب الرأيين لأني باشوف انه انسان محير فعلا
يعني مثلا الموسم قبل الماضي كان هو اللي بيقدم ماتشات الدوري فياذاعة الشباب والرياضة
ونجح باقتدار انه يكرهني اسمع الراديو خصوصا قبل الماتش من كثر ما بيتمني هزيمة الأهلي
ومن يوقف الأهلي ؟ ومجاملة الحكام للأهلي وكلام كتير بالشكل ده واستمر الاسلوب ده واسوأ في برنامج احتراف الموسم الماضي في القناة الثانية
مثلا مصر بطريقة غريبة ومستفزة ان فرصة فوز الزمالك والاسماعيلي أقوي من الأهلي في الفوز بالدوري اللي كان فاضل 8 ماتشات علي نهايته بحجة ان الأهلي له ماتشات بره أرضه أكثر من الاثنين
وبعد ما بدأ برنامجه في مودرن اخد الطريق العكسي تماما في فقرة التحكيم تحديدا
وهو فعلا حاد في مواقفه بس ما أظنش يكون ده سبب انتقاله من اليمين للشمال بالدرجة دي

شكراً يا أخت روبوس ..لقيت حد يؤيدنى و إن كان فى نفس الوقت بيؤيد الرأى الآخر..........و الإختلاف فى الرأى لا يفسد للود قضية يا أخ عبد الرحمن و الأخ شريف

منورنين موردن سبورت يا أفاضل و الله
د. مراد و الأخ عبد الرحمن المايسترو شريف و د. روبوس
و إن كنت أؤيد المايسترو في كلامه أنه أهلاوي و لكنه حاد في خلافاته

أنا قصدي يا د.مراد اني باحتار فيه ومش قادرة افهم سبب مواقفه
فيه بعض الأهلاوية بيقولوا كلام يغيظ علشان يعملوا نفسهم محايدين
وبعضهم عشان مكاسب معينة زي شوبير مثلا
وبعضهم لخلافة مع ادارة النادي أو الجهاز الفني زي مصطفي يونس
لكن علاء صادق مش لاقيه له سبب معين لتبدل مواقفه الحاد جدا بين السنتين اللي فاتوا وبين اسلوبه في قناة مودرن

» مسلسل عبد ربه مستمر بنجاح ساحق : أتليتكو مدريد مهتم باللاعب
» الزمالك لسه الثااني بفضل الفرق المنافسة
» الأهلي"السيء"ينجو بنقطة من الزمالك "الأفضل"
» الكاديكي: أخشي علي الأهلي غدا من التحكيم
» مفاجأة.. حسن مستمر مع أندرلخت