حصرياً لمنتدانا : صور من شباك الطائرة

السلام عليكم و رحمة الله و بركاته
بصراحة يا جماعة دى أول مرة أسافر بطائرة
كنت فى مأمورية تابعة للشغل فى شرم الشيخ لمدة 3 أيام الإسبوع الماضى
و سافرت بالطائرة من مطار الإسكندرية مروراً بالغردقة إلى مطار شرم الشيخ
و إلتقط لكم بعض هذه الصور من شباك الطائرة
و صدقونى كانوا 3 أيام شغل فقط و مش اتفسحت أو نزلت البحر
عشان بس محدش يفهمنى غلط
إليكم الصور

دى صورة للإسكندرية و لكن السحاب دارى عليها شوية

[img]https://ahlylovers.ahlamontada.com/[/img]

و دى صورة للسحاب من فوق (سبحان الله)
[img]https://ahlylovers.ahlamontada.com/[/img]

السحاب مرة أخرى (سبحان الخالق العظيم)
[img]https://ahlylovers.ahlamontada.com/[/img]

صورة لجناح الطائرة أثناء الطيران
[img]https://ahlylovers.ahlamontada.com/[/img]

صورة لجناح الطائرة أثناء الهبوط (لاحظوا الفرق)
[img]https://ahlylovers.ahlamontada.com/[/img]

جزء صحراء مصر
[img]https://ahlylovers.ahlamontada.com/[/img]

شواطئ الغردقة من الجو
[img]https://ahlylovers.ahlamontada.com/[/img]

جزء من صالة الإنتظار بمطار شرم الشيخ
[img]https://ahlylovers.ahlamontada.com/[/img]

أتمنى الصور تكون عجبتكم
و أى حد من اللى بيسافروا كتير زى أخونا حازم ياريت لو يعرف يجيبلنا صور زى دى يبقى مشكووووووور

انا مسافر الصبح الى المانيا بس مش معايا كاميرا ديجيتال

هاحاول اجيب لكم شوية صور بالموبايل ان شاء الله

و فعلا يا شاذلى المناظر من الطياره حاجه تانيه

مشكوووووووووور حازم لمرورك و تعليقك
و تروح و ترجع بألف صورة
قصدى بألف سلامة

تسلم يا جميل وليك هدية منى فى نفس القسم

وصلت الهدية يا ملك الصور
مشكوووووووووور كوجاك

صور جميله جدا يا ادمين وماما عجبتها الصور جدا وبتقول اللي بعتهم فنان

تروح وتيجي بالسلامه يا حازم

شكرا حماة ابنى

كل ما اشوف الصور هاقول ما شاء الله لا قوة الا بالله

ماهو ما يحسدش المال الا اصحابه

تسلم ايدك يا ادمين وعاوزينك شغال كدة باستمرار
بس هو انت لية صورت شواطيء الغرقدة ولا انت كتبت الغردقة بدال شرم الشيخ
ولا المسار كان بيعدي على الغردقة
ابقى عرفني يا ادمين عشان انا محتار بصراحة

مشكور أدمين جميله جداً الصور و الله
بس مين الراجل اللي حاطط أيده على عينيه اللي في أخر صورة

أم سيوفه كتب:

اشكرك يا رانيا و سلميلى على مامتك كتير و قوليلها متشكر على رأيها

atilla كتب:

الله يخليك يا أتيلا انا تحت أمرك كل مرة هسافر هجيبلك صور من دى
بس لو انت قريت الكلام اللى انا كاتبه فبل الصور هتعرف انى الطيارة مرت على الغردقة الأول و بعدين راحت على شرم الشيخ
سلامتك من الحيرة

أبوسيف حلمي كتب:

العفو حبيبى ابو سيف
مش عارف مين ده بصراحة ده واحد كان قاعد فى المطار و خلاص
كويس ان مكنتش وحدة

جميله جدا الصور يا ادمن

المناظر من فوق حاجه تانيه وجميله السحب وكمان مصورلنا الفرق بين الجناح فالاقلاع والهبوط
بجد مجهود تشكر عليه

تسلم يارب
وجزاك الله خيرا

Admin كتب:

atilla كتب:

الله يخليك يا أتيلا انا تحت أمرك كل مرة هسافر هجيبلك صور من دى
بس لو انت قريت الكلام اللى انا كاتبه فبل الصور هتعرف انى الطيارة مرت على الغردقة الأول و بعدين راحت على شرم الشيخ
سلامتك من الحيرة

تصدق يا ادمين اني شفت الكلام وماشفتش الغردقة
عموما معلش انا الايام دي مغيب شوية
واعذرني ده انا ما اخدتش بالي من اسمي في موضوع التهنئة يبقى هاخد بالي من الغردقة

» إنفراد لمنتدانا : أحمد المحمدى وقع للأهلى
» صور جديدة صممت خصيصا وحصريا لمنتدانا .. لو عجبتكم نكمل
» خاص وحصريا لمنتدانا احداث مباره الاهلي والاتحاد سله بالتفاصيل
» اليوم مصر و بولندا في الكرة الطائرة
» مبروك مقدما... كاس الكرة الطائرة اهلاوي