زوجة الحضري: أجبروني على خلع الحجاب بسويسرا

أسامة نبيل
كشفت السيدة صابرين زوجة عصام الحضري حارس مرمى الأهلي ومنتخب مصر عن أنها خعلت الحجاب في مطار جنيف رغما عنها.. حيث أن أجهزة الأمن أصرت على أن تخلع حجابها وقالوا لها إنتي إرهابية.. ويجب خلعه مما اضطرني لأن أخعله حتى أستطيع الدخول.

وقالت صابرين خلال حوارها لفضائية "الحياة": أول ما دخلت مطار جنيف.. قلعوني الحجاب وقالوا إنتي إرهابية.. لأن الجهاز ظل يصفر فخعلت "السلاسل وكل الدبابيس التي ارتديها" ففوجئت بهم يقولولي اقلعي الحجاب لأنك إرهابية.. وهو ما اضطرني لأن أخعله.. لكن أنا ماحدش جبرني على دا وأصلا أنا أما أحب أقلع الحجاب ماحدش يقولي بتقلعيه ليه لأنها حرية شخصية.. والكلام اللي اتكتب في الموضوع دا ضايقني جدًا لأن ماحدش عارف حاجة.. واحد جابلي صورة بالحجاب ثم صورة تانية من غير الحجاب ونشرها واتكلم عني.. وبعدين أيه علاقة الحجاب بسفر عصام واحترافه.. وهو قالي مالناش دعوة بحد وماترديش على الكلام دا خالص فبالتالي سكت.


وأكدت صابرين أنها لم تكن تعلم بأن عصام مسافر للاحتراف فهو اتخذ قراره فجأة وقالي إحنا رايحين سويسرا.. وأنا ماكنتش اعرف أي حاجة عن الحكاية دي.. لأنه خد القرار بالليل بس.. قال أنا ماشي خلاص.. وهو صاحب القرار والناس اتهمنتي إني خدته وسافرت وأنا ماعرفش إلا قبلها بأربع ساعات بس.. هو خد جواز السفر بتاعي وقالي هانروح عمرة.. وقالي جهزي شنطتك لكن كنت متخيلة إننا رايحين شرم مثلا,, وفوجئت بأنه رايح سويسرا وقالي قرار خدته وماحدش يراجعني فيه..

وأضافت قائلة: عصام عارف بيعمل أيه.. لكنه قرار ومش هانقدر نرجعه تاني.. عصام كان نفسه يحترف ودي فرصته خاصة أن سنه بقى 35 سنة وكل بطولة بيقولوا بعد الموسم ومش بيحصل سفر ولا احتراف.. والله أنا ماعرفتش إلا قبلها بأربع ساعات ودا قراره وعمر ما حد يرجعه فيه ومفيش واحد في بيته مراته تمشيه ومش عصام اللي مراته تمشيه.. أنا قلتله هانسيب الأهلي فقالي مش راضيين يمشوني ومش هاعمل حاجة وحشة أنا رايح احترف ودي فرصتي.

وتابعت: لو الجمهور مش بيحب الحضري ماكنش حد اهتم.. إعلاميا وجمهور وزملاء وكل الناس برأيهم دا يؤكد أنه محبوب حتى من اللي هاجموه.. أما الناس اللي قالت إني وراء قرار سفره فدول "مجانين".. لأن جوزي مش ست اللي تمشيه.

وبعثت برسالة إلى جمهور الأهلي وقالت: أقول للجمهور ماتزعلوش من عصام ولولا حبه للأهلي ماكنش رجع.. جمهور الأهلي على عيننا وراسنا والأهلي بيتنا ومالناش مكان تاني غيره.. وياريت ماحدش يزعل مننا.. وحطوا نفسكوا مكاننا دا احترف وان شاء الله زوبعة وهاتعدي.

يذكر أن الحضري كان قد سافر هربا إلى سويسرا للاحتراف في صفوف فريق سيون إلا أن الأهلي تمسك به ورفض احترافه مما جعله يعود رغما عنه إلى القاهرة لينتظر عقوبات قد تلحق به.

حقيقي كان كلام بايخ ومستفذ اهتمام الاعلام بزوجة الحضري واقحامها في القضية من الاساس ، دي حرمات ناس ولا اعتقد انه يهمنا كجماهير الاهلي زوجة عصام محجبة ام لا
وان كنا ندعو للجميع بالهداية والالتزام بتعاليم الاسلام

تحياتي ابوسيف للمتابعة الرائعة انت شكلك خطير بتعرف كل شيء انا خايف يوم الاقيك كاتب عني خبر ولا حاجة ربنا يستر

ياختى كميلة قالولك انتى ارهابية ههههههههه

kogak كتب:

ياختى كميلة قالولك انتى ارهابية ههههههههه

Dr Mourad كتب:

كلام فارغ و إستخفاف بعقولنا كالمعتاد مين اللى يصدق الكلام العبيط ده (إرهابية إيه أمال اللى لابسين الحجاب فى أوربا دول عايشين ازاى على العموم لا الحضرى و لا زوجته يهمونا فى شىء و حسبنا الله و نعم الوكيل)

كلام جميل و كلام معقول ما قدرش اقول حاجه عنه

يا عيني ياختي خلاص الدمعو هتفر من عيني صعبتي عليا ههههههههههههههههههه