شوبير: الكومي "كداب"

موقف محرج تعرض له أحمد شوبير نائب رئيس اتحاد كرة القدم أثناء تقديم أولى حلقات برنامجه الجديد (الكورة مع شوبير) على قناة الحياة في بثها التجريبي.

الواضح من المشهد الذي تداولته بعض المواقع الكترونية أن ذلك الموقف حدث في بداية البرنامج حيث كان شوبير ينتظر بث الفقرة الإعلانية ولكن بدلا من بث الفقرة الإعلانية بثت كاميرات البرنامج كواليس الأستوديو حيث ظهر شوبير في حالة ترقب لانتهائها ويبدوا أن طول تلك الفقرة جعله يجرى حوارا قصيرا مع شخص موجود معه في الأستوديو يعتقد على الأرجح أنه هاني سعيد لاعب الإسماعيلي والمنتخب القومي الذي ظهر في فقرة تالية مع عمرو زكي، وهذا هو نص الحوار:

شوبير: والدوري حيوقف بأه ولا أيه؟

هاني: الأسبوع الجاي

شوبير:والله ، ليه؟

هاني: (كلام غير واضح)

شوبير: والله الاهلى حيلعب الاهلى ميش حيلعب اه لا الزمالك حيلعب بعديه الاهلى وياه مش كده؟ انت طلعتوا من الكاس مش كده؟

هاني: آه

شوبير: طلعتوا من مين؟

هاني: (كلام غير واضح)

شوبير:اه انتوا خسرتوا كتير! كان من غير الدوليين مش كده؟

هاني: (كلام غير واضح)

شوبير:والكومى بأه هيرجع من سويسرا رئيس للنادى تاني؟

هاني: مهو رجع دلوقتى

شوبير:هاه راجل عسل!

هاني: (كلام غير واضح)

شوبير:فرصة ايه؟

هاني: (كلام غير واضح)

شوبير:عايز يتشتم تانى هو انهارده كان معلقلينوا يفط فى الاسماعيلية؟

هاني: (كلام غير واضح)

شوبير:مفيش هه؟

هاني: (كلام غير واضح) ليه يا كابتن؟

شوبير:ها!

هاني: (كلام غير واضح)

شوبير:لا لا مش انا زى ما انا عايز هو راجل مش واضح غاوى شهرة وغاوى منظرة معرفش كداب!

(رجال الاستوديو ينبهون على شوبير بأن عليه الاستعداد للفقرة)

شوبير:حاضر، هل بعت فلوس للنادى فعلا؟

هاني: هو؟

شوبير:اه

هاني: (كلام غير واضح)

شوبير: كداب!

(شوبير يبدأ الفقرة)

والملاحظ انه في الفقرة التي استضاف فيها شوبير هاني سعيد بصحبة عمرو زكي أن شوبير أبدى عدم رضاه عن سياسات الكومي داخل الإسماعيلي.

هو اللي فقر في الموضوع كله هو الكاميرا الخفيه وكلام هاني اللي كله كلام غير واضح ياعيني كانوا مركزين مع شوبير بس ولا ايه يالا عشان كله يقع في بعضه


بصراحه شوبير ممكن يكون رائي فيه اي حاجه بس لحد حتة الاعلام وانا شايفاه احسن حد بيقدم برامج رياضيه

ولا تنسوا ذكر الله

اسفه جدا استاذ ابو سيف نسييييييييييت مشكور جدا عالموضوع
هو حضرتك اللي كنت بتصور الفقرة ديه
يعني مش كنت حضرتك تسأله اذا كان يحب يذيع ولا لاء

ولا تنسوا ذكر الله

يا خبر علي الفضيحة
بس بصراحة كلامه عن الكومي صح الصح

سبحان الله ماله شوبير وكأن احد داعي عليه بيخرج من مشكلة لاخرى في وقت قليل
بصراحة تركه لدريم كان قرار قمة في الغباء منه اضر به كثيرا انا كنت حاسس ان هو صاحب دريم بيعمل فيها كل حاجة يعوزها دا حتى قبل انتخابات اتحاد الكرة لف بالبرنامج بتاعه على كل الاندية ومراكز الشباب يعني عمل لنفسه دعايه ببلاش الان مع انه في اكتر من قناة لكن تحس انه زي مندوب المبيعات بيلف على كل محل شوية الاول كان له مكان وبيت وله قيمة
ارجع واقول من اعمالكم سلط عليكم ، سبحان الله من تلفظه الجماهير الاهلوية لا تقوم له قائمة مرة اخرى فشوبير تنكر لاهلويته وجرى وراء مصلحته وراهن على البيزنس وفكر انه هيكسب الزملكاوية وعبسو والاسماعيلي والكومي وشركاءه ولكنهم في النهاية باعوه
وهاهو اصبح في نظري بلا قيمة واصبح مكروها ...

تحياتي لابوسيف الهجان على المعلومات السرية دي

العفو يا أخ أبو سيف

ده بس من ذوقك يا أخ أبو سيف