التحقيق مع الحضري مساء الأحد .. والحضري في تدريبات فريق 18

من غير ما أقرأ الخبر كله كلام فاضى و كذب و الحضرى و سيفون عاملين خطة و جايين ينصبوا على الأهلى و بيستدر عطفنا و حب الجماهير لغاية ما يستخرجوا بطاقة مؤقتة بتواطؤ من الفيفا

والله صعب عليا مش اي حاجه غير انه يبقي واقف مع شباب اكبر من بنته بكام سنه
لا حول ولا قوة الا بالله العلي العظيم
ديه اخرتها ياللي عايز تكون كابتن الاهلي شباب 18 سنه

ولا تنسوا ذكر الله

طب والله بجد ياستاذ شريف بجد صعب عليا
وفعلا مش عارفه اقول حاجه عشان صعبان عليا عشان هو عمل كل حاجه غلط بس بجد صعبان عليا عشان قلبت عليه من كل ناحيه ياحرام

ربنا يهديه لنفسه

ولا تنسوا ذكر الله

انا مش صعبان عليا عشان اعتذر والكلام ده لاني شايفه انه رجع فقط لسوء موقفه والله اعلم بالنوايا

بس صعبان عليا انه حتي اللي حرضوه وضحكوا عليه دلوقتي خليوا بيه وانه عنده 35 سنه وبيتدرب مع شباب 18 سنه

عارف حضرتك كنت بقول عادي اي حاجه تتعمل يستحقها وتبقي قليله عليه بس مش عارفه ليه اتاخدت لما عرفت انه بيتدرب مع 18 سنه مش مع انه يلعب ومش هاقدر اسامحه او حتي أئمن لوجوده مع النادي بس برضه صعبان عليا اللي عمله في نفسه لانه واحد كان من يومين ناس كتيرين بيحيوه وشايلينه في عينيهم والنهارده المتهم اللي حتي مش عارف يكون مع فريقه
عصام انتهي بالنسبه للاهلاويه بس صعبان عليا انه انسان طمعه يعمل فيه كده وادينا مستنين عقوبة وموقف الاهلي
سبحان الله
ولا تنسوا ذكر الله

انا مع حضرتك في كلامك وعشان كده كنت بقول اول حاجه لازم تتعمل انه يمضي علي عقد جديد وفعلا مابقاش ليه امان نهائي واحد هرب من كل حاجه ورمي كل الناس وراء ظهره ولمجرد سفره سمح لزوحته تخلع حجابها مابقيناش نأمنله اكيد
المشكله انه في حاجات مابتتقدرش بفلوس وفي ناس كتير بتجري وراها رغم انها مش كل حاجه يعني كتير من ذوي المليارات الواحد بيستغرب هما دول ليه بيسرقوا وعايزين ايه تاني ليه هوس الماده ده بيحصل رغم انه مش في حد هاياخد اي حاجه

عصام انا حسه انه هوس الماده او جنون العظمه او الغرور كان وراه بس المشكله مش في عصام بس مع الاسف لاعيبه كتير مع المال والشهرة ونقص مستوي التعليم او الثقافه عندهم او حتي عدم الرضا والقناعه بما قسم الله لهم بيخلي سلوكهم غريب وبيتجهوا لحاجات تدمرهم هما قبل اي حد يعني ممكن في النهايه يبقوا ضحايا نظام وجو فاسد في بلد لا تقدر احد عارف حضرتك واحده صحبتي كنا بنتكلم في حاجه وقالتلي انه مرتب المعيدين في الكليه عندنا 120 جنيه
تخيل حضرتك معيد في كلية هندسه ب120 جنيه والبشمهندس راح والبشمهندس جيه طب المفروض يعمل بيهم ايه دول يعني مايكفهوش بنزين عربيه

حسبي الله ونعم الوكيل في كل حد خلي حال البلد ديه بالشكل ده

ولا تنسوا ذكر الله

sherifalwakkad كتب:

الطمع .. يعمل أكتر من كدا
وعلى فكرة (بس الكلام دا بينى وبينك) أنا كمان صعب عليا ضياع لاعب زى دا

اطمن ياستاذ شريف ولا كأن حضرتك قلت حاجه وماحدش هايعرف سر حضرتك في بير

ولا تنسوا ذكر الله

اهو ده قمه الذل عصام الحضري يتدرب مع فريق 18امفيش اكتر من كده عقاب