العقوبات المقترحة و التي تدور داخل النادي الأهلي

انا لسه عند رائي قبل اي عقوبه يمضي علي عقد جديد من تاريخه لانه مالوش امان وممكن اخر الموسم يعمل نفس الحكايه ويمشي قانوني لانه اللي رجعه مش اي حاجه غير انه موقفه غير سليم
واهم حاجه انه الاهلي ياخد حقه ولو هايمش يبقي من خلال النادي وبموافقته مش يهرب ويحط النادي في حيطه وكل من هب ودب يقعد يرغي ويخبط في الادارة وفي الاسلوب والتعامل والافلام اللي حصلت

وبالنسبه للعقوبه اقترح الايقاف شهرين وهامشي زي استاذ ابوسيف ويتخصم نص مستحقاته
ولو اني اعتقد انه جوزيه مش هايوريه الكورة تاني واللي محيرني اكتر واكتر ازاي هايوري وشه لكابتن احمد ناجي اللي كان بيدمع وجواه بركان غضب للغدر وكمان زمايله

وربنا يهدي بس موقفي انا شخصيا انه الحضري خرج ولن يعد

ولا تنسوا ذكر الله

طبعا رأى حكيم كالعاده من حكيمة المنتدى الغاليه امة الله
يا رانيا ال0000 لا يستحق انك تحرقى دمك علشانه ده 0000ولا يسوى
و ما يؤيد رأى اختنا امة الله انه رجع لما عرف ان موقف الاهلى سليم 100% و انه عقده مع سيون هايشدوا عليه السيفون مش ندم و عرف غلطه و الاهلى بيتى و الكلام ده

الهارب اثبت بما لا يدع مجالا للشك (معلش يا هند تعديت على اختصاصك) انه ليس عنده ولاء و لا انتماء و لازم يغور من النادى بأكبر مصلحه للنادى

وده مصير كل اللي يقف في وش الاهلي

يا طاطا الشيء ده اصغر من انه يقف فى وش صرح عظيم زى الاهلى

بصراحه انا زى امة الله مش قادر اسامحه و زى شريف العرق الصعيدى نفر فى قفايا
مع ان معنديش جذور صعيديه

hazemsoliman كتب:

يا طاطا الشيء ده اصغر من انه يقف فى وش صرح عظيم زى الاهلى

بصراحه انا زى امة الله مش قادر اسامحه و زى شريف العرق الصعيدى نفر فى قفايا
مع ان معنديش جذور صعيديه

أنا رأيى ان الأهلى يوقع عليه عقوبة مالية كبيرة لأن اللى زى دا عبد للقرش .. دا غير أنه مايلمسش الكورة خالص فى النادى طول عمره.. والعقوبة الأكبر انه يتباع أخر الموسم للزمالك

أنا رأيي : 1- أكبر عقوبة مالية ممكنة
2 - ايقاف لآخر الموسم
3 - عرضه للبيع لأي نادي جوه أو بره
المهم ما يفضلش في النادي الأهلي لأنه ما يستحقش
هاكرر كلامي ثاني معلش
لازم يكون عبرة مش باقول كده كره فيه لكن علشان مصلحة النادي وباقي اللعيبة وباقي الأندية كمان

اول حاجه لازم يتعاقب بس انا شيفه ان العقاب الي هيحرق دمه ويريحني انا انه يمضي مع الاهلي عقد ويقعد كل متش علي الدكه وجنبه الحارس التاني للنادي بعد امير ويتفرج علي امير ولو لقدر الله حصل حاجه وامير خرج ينزل البديل التاني ويفضل السد الواطي علي الدكه نفسي اشوفه وهو مكسوف كده وعمال يهري في نفسه لحد مبقاش عالي بقي واطي اوي اوي اوي في نظر الجميع

مع احترامي لجميع الاراء ولكن ارى اننا جميعا غلبتنا العاطفة في الموضوع ونسينا ان هناك مايسمى احتراف وان العلاقة بين اللاعب والنادي هي علاقة عمل فلا يستطيع الاهلي الخصم من مستحقاته دون وجه حق كذلك لا يستطيع ايقافه عن اللعب او التدريب لفترة طويلة حسب تعليمات الاتحاد الدولي ، في رأيي يجب على ادارة الاهلي اولا ان تسأل هل الاهلي في حاجة الى الحضري ام لا فلاننسى انه ياخذ رواتب واموال نظير لعبه للاهلي فايقافه لمدة طويلة لن يضر به فقط ولكن سوف يضر بالاهلي ايضا ، لذلك ارى ان ادارة الاهلي امام خيارين :
1- يا اما عرض اللاعب للبيع وتحديد سعر معين لمن يريد شراءه وعدم النظر للنادي الذي يريد شراءه بمعنى انه حتى لو الزمالك قدم عرض فيه المقابل الذي يطلبه الاهلي فلا مانع من بيعه

2- توقيع عقوبة تتناسب مع ما نصه الاتحاد الدولي في مثل هذه الحالات ويجب ان تكون الادارة دقيقة جدا في هذه العقوبات حتى لا تؤخذ كذريعة ضده في المستقبل ان اتخذ عقوبات تتجاوز مايقره الاتحاد الدولي ،واما بالنسبة للمشاركة في الملعب من عدمه فهذه تترك للجهاز الفني هو من يحددها حسب مايراه من سلوكيات اللاعب نفسه

waelzewela كتب:

مع احترامي لجميع الاراء ولكن ارى اننا جميعا غلبتنا العاطفة في الموضوع ونسينا ان هناك مايسمى احتراف وان العلاقة بين اللاعب والنادي هي علاقة عمل فلا يستطيع الاهلي الخصم من مستحقاته دون وجه حق كذلك لا يستطيع ايقافه عن اللعب او التدريب لفترة طويلة حسب تعليمات الاتحاد الدولي ، في رأيي يجب على ادارة الاهلي اولا ان تسأل هل الاهلي في حاجة الى الحضري ام لا فلاننسى انه ياخذ رواتب واموال نظير لعبه للاهلي فايقافه لمدة طويلة لن يضر به فقط ولكن سوف يضر بالاهلي ايضا ، لذلك ارى ان ادارة الاهلي امام خيارين :
1- يا اما عرض اللاعب للبيع وتحديد سعر معين لمن يريد شراءه وعدم النظر للنادي الذي يريد شراءه بمعنى انه حتى لو الزمالك قدم عرض فيه المقابل الذي يطلبه الاهلي فلا مانع من بيعه

2- توقيع عقوبة تتناسب مع ما نصه الاتحاد الدولي في مثل هذه الحالات ويجب ان تكون الادارة دقيقة جدا في هذه العقوبات حتى لا تؤخذ كذريعة ضده في المستقبل ان اتخذ عقوبات تتجاوز مايقره الاتحاد الدولي ،واما بالنسبة للمشاركة في الملعب من عدمه فهذه تترك للجهاز الفني هو من يحددها حسب مايراه من سلوكيات اللاعب نفسه