احسن لاعب في تاريخ النادي الاهلي

رشح اسماء
الاسماء اللي هتترشح هنعمل بينهم استفتاء

لو هرشح فانا هقسم اللاعبين لقسمين
القسم الاول لاعبين لم اراهم يلعبون وهم
حسين حجازي- مختار التتش- صالح سليم- طه اسماعيل- حسن حمدي

لاعبين شاهدتهم يلعبون
محمود الخطيب- مصطفى عبدة- طاهر ابوزيد- وليد صلاح الدين- هادي خشبة- سيدعبدالحفيظ
بركات- ابوتريكة- محمد عبدالوهاب- جيلبرتو

ولو هختار احسن لاعب
فانا هختار واحد من اربعة
صالح سليم- الخطيب- بركات- ابوتريكة

محمد أبو تريكة
محمود الخطيب
صالح سليم
محمد بركات
طاهر أبوزيد
مختار مختار
وليد صلاح الدين
رضا عبد العال

مشكور عمور للفكرة

في انتظار الكثير من الاراء حتى نستقر على من سيدخل الاستفتاء

انا ارشح
محمد أبو تريكة
محمود الخطيب
صالح سليم
محمد بركات
طاهر أبوزيد

فكرة جميلة جدا يا عمرو
بس هل الاستفتاء هيكون علي اللعب بس ولا ها يدخل فيه الناس خدموا النادي بعد اعتزالهم ولا لأ
يعني لو علي اللعب بس فأنا هأختار
محمود الخطيب ثم أبو تريكة ثم بركات
لكن لو دخلنا خدمة النادي بعد الاعزال
يبقي اختياري
صالح سليم ثم الخطيب ثم حسن حمدي
بالرغم أن فيهم أكثر من حد ما شفتش لعبه بس من الماتشات المعادة وعلي السمع

موضوع صعب خاصة وانت بتتكلم عن نادي نجوم طوال تاريخه خاصة وان هناك من كانوا نجوم في مركزهم رغم انهم مدافعين في رايي هتكون قائمة كبيرة جدا عن نفسي انا اعشق جيل الثمانينات واعتبره اعظم جيل في تاريخ مصر كلها ولولا الظروف الاقتصادية وغياب الوعي الاحترافي وقتها كان لهذا الجيل شان آخر فلقد كان الاهلي يملك وبحق وقته جيل كل نجما في مركزه نجم يشيل فرقة بحالها فلو تذكرنا جيل الثمانينا وكان الاهلي يلعب وقتها على ما اعتقد بخطة4-3-3
فكان ثابت البطل (اكرامي) حارس مرمي- مصطفي يونس - ماهر همام قلبي دفاع
مختار مختار-ربيع يس باك شمال - حسام البدري حمدي ابوراضي باك يمين
مجدي عبدالغني - (علاء ميهوب & خالد جادالله) - طاهر ابوزيد وسط ملعب
مصطفى عبده - الاسطورة الخطيب - محمد عامر هجوم
مع كامل احترامي للجيل الحالي لكن تخيلوا لو الاهلي لديه هذه الاسماء الان بكل الامكانيات المتوفرة للاهلي حاليا ماذا كانوا بفاعلين اما بالنسبة للنجومية او اللاعبين الذين كان الجمهور يضع كل اماله عليهم ويذهب للاستاد خصيصا لمشاهدتهم فمن وجهة نظري احرف لاعبي الاهلي بالترتيب هم :
1- الاسطورة الخطيب
2- مارادونا النيل طاهر ابوزيد (ظلمه الاعلام الاهلاوي كثيرا بنسيان تاريخه الكبير)
3- ابوتريكة
4- علاء ميهوب - محمد بركات
5- حسام حسن
6- وليد صلاح الدين
7- مصطفى عبده
8- طه اسماعيل
9- مجدي عبد الغني
10- هاني رمزي
11- سيد عبدالحفيظ

تحياتي لك عمرو

فكره جامده يا عمور

صالح سليم (كلاعب و قائد للفريق ثم للنادى)
حسن حمدى (وزير الدفاع)
محمود الخطيب (الاسطوره)
محمد أبو تريكه (نجم النجوم)
محمد بركات (الزئبقى الجميل)

خارج اختياراتك

رضا عبد العال
وليد صلاح الدين
هادى خشبه

أعتقد إن الاستفتاء ده ممكن يبقى ظالم شوية
لأن كل جيل من أجيال الأهلى كان فيه نجم أو مجموعة من النجوم سارقين الأضواء بشدة
كمان فيه لاعيبة كتير مش اتصوروا فى التليفزيون و إحنا كجيل شباب مش شوفنا لعبهم
أنا مثلاً سمعت إن حسين حجازى كان لاعب خارق و ملكة هولندا فى دورة أمستردام الأوليمبية طلبت منه الحذاء بتاعه
كمان طه إسماعيل مش شوفناه لكن سمعنا إنه كان جامد جداً
و لاعيبة كتير زى توتو اللى جاب 7 أهداف فى الزمالك
و صالح سليم صاحب السباعية فى مرمى الإسماعيلى و رمز الأهلى الكبير
كمان فى لاعيبة إنت ناسيهم يا عمرو
زى حسام حسن إللى ترك علامة كبيرة فى الأهلى بالرغم من تركه للأهلى بعد كدا
ربيع ياسين و مصطفى عبده مثلاً كانوا ظهراء جنب عصريين جداً و كانوا ماليين الجبهتين ديماً

علشان كدا بقترح نعمل نجم كل جيل من الأجيال
يعنى الجيل القديم و جيل الوسط و الجيل الحديث
الجيل القديم اللى همة فترة الاربيعينات و الخمسينات و الستينات
جيل الوسط فترة السبعينات و الثمانينات
الجيل الجديد فترة التسعينات و بداية الألفية
و مشكووووووور عمرو

مينفعش يكون حد غير الخطييب مع اني مشفنش معظم العمالقة دول

اقتراح ادمن وجيه

برضه كبير العيله له نظره مختلفه

ادمن ادمن يعنى

مشكووووووووور يا حازم
حازم حازم يعنى

1-ابو تريكه
2- محمد بركات
لان انا ماشوفتش كل الباقيين
احدث واحد فيهم الخطيب ما شفتهوش وهو بيلعب خالص أو يعني كنت صغيره فمقدرش اقيم لاعب
انا مع اقتراح ادمين

أم سيوفه كتب:: 1-ابو تريكه
2- محمد بركات
لان انا ماشوفتش كل الباقيين
احدث واحد فيهم الخطيب ما شفتهوش وهو بيلعب خالص أو يعني كنت صغيره فمقدرش اقيم لاعب
انا مع اقتراح ادمين

عذرا للتدخل ...ولكن صدقيني لو رايتي الخطيب وهو يلعب لكنتي عرفتي لماذا كل هذا العشق من جماهير الاهلي له ولكنتي ندمتي على حظك انك لم تكوني موجودة لتشاهدي لعب هذا الساحر على الطبيعة
لاسطورة بيبو رغم اعتزاله منذ اكتر من 20 سنة فمازال متربعا على قلوب الاهلوية والله عندما اشاهده في اي لقاء تليفزيوني بيكون عندي امل كداب انه يقول هيرجع يلعب تاني لاعبي جيله كانوا يقولون انهم يقفون في الملعب ليشاهدوا ماذا يفعل الساحرالخطيب في الكرة ..... مين يقدر ينسى بيبو محمود الخطيب اعظم لاعب في تاريخ افريقيا كلها بلا منازع من عير مبالغة واعتقد ان اي احد في مصر لن يختلف معي ان قلت ان الخطيب لو موجود هذه الايام بالامكانيات المادية المتوفرة حاليا وقدر له الاحتراف في اوروبا لكان هو احسن لاعب في العالم حاليا ولكان سعره وصل لمائة مليون دولار

» ابوتريكة يتعدى بمرض احسن لاعب فى افريقيا وبيتعالج فى لاجوس العملية بكرة يارب
» عاجل :خاص بشعبية النادي الاهلي العالمية
» مصطفي طلعت لاعب النادي الأهلي ينضم رسميا للنادي الاسماعيلي
» تقرير : هامبورج الألماني يسعي للتعاقد مع الانجولي جيلبرتو لاعب النادي الأهلي
» البقاء لله : أشرف شكري لاعب ومدرب الاهلي السابق في ذمة الله