تصريحات الحضري النارية قبل السفر بساعات تمهد للواقعة

تصريحات الحضري النارية لـAhlyNews.com قبل السفر بساعات تمهد للواقعة .. و بند "سيد معوض" يتيح الفرصة!

كتب صفوت عبدالحليم, في 21-02-2008 16:31


يبدو أن أزمة عصام الحضري هي أزمة حقيقية بالفعل، و هنا ينشر AhlyNews.com تصريحات الحضري للموقع مساء أمس، و التي كنا بصدد نشرها مساء اليوم، إلا أن تلك الخطوة غير المتوقعة عجلت من نشرها.


بالطبع كانت مفاجأة للجميع الخبر الصحيح الذي صدر بسفر الحضري لسويسرا في الطائرة الصباحية، و ذلك للتعاقد مع نادي اف سي سيون السويسري، و من هنا يجب أن نشير من خلال AhlyNews.com أن الحضري ليس لاعب ناشئ أو لاعب متهور، بل هو لديه من الخبرة و الحنكة ما يؤهله لفعل مثل تلك الخطورة بحذر شديد و بموقف سليم تماماً، و من هنا يجب أن نستبعد تماماً أن يجبره الأهلي على العودة من خلال القانون، لأن الحضري بالتأكيد تفحص القانون و وجد شيء ما يسمح له بفعل ذلك.


و بعد ما صدر البيان الرسمي من النادي الأهلي الذي يؤكد عدم علم الأهلي بذلك و بحث مسئولو النادي موقف الحضري في القريب العاجل، فهو الأمر الذي يؤكد أيضاً أن رحيل اللاعب يبدو أمراً قريباً جداً إذا أصر على رغبته.


و من هنا أيضاً يجب أن نشير للبند الذي ظهر في أزمة سيد معوض مع نادي الإسماعيلي الذي رفض رحيله للأهلي، حيث ظهر في ذلك الوقت أن سيد معوض يحق له الرحيل باعتبار أنه يفوق الـ28 سنة و يلعب في النادي منذ أكثر من عامين، و بالتالي يرحل عن النادي بتعويض مادي معقول، و بالتالي فإن تلك الشروط تنطبق تماماً على الحضري.


و لم تكن تصريحات رئيس نادي اف سي سيون السويسري في الصحف السويسرية بالكامل من فراغ إذاً، و هو الأمر الذي أثار التعجب لكن في الوقت نفسه لم يتم تكذيبه من طرفنا، لأن رئيس النادي السويسري ليس طفلاً ليصرح بمثل هذه التصريحات، و هو الأمر الذي قد يؤكد أمر الحضري.


و دعونا ننشر ما قاله حارس أفريقيا الأول لـAhlyNews.com مساء أمس :"أنا متمسك بالفعل بعرض نادي اف سي سيون السويسري ... نعم هذا النادي ليس قمة طموحي لكنه على الأقل في أوروبا و سيكون مستواي واضحاً لبقية الأندية الأوروبية"


و أَضاف الحضري في لهجة غضب :"النادي الأهلي رفض عرض بـ400 ألف دولار لضمي و أفصح عن ذلك، لكنه لم يفصح عن عرض آخر تقدم به النادي نفسه مقابل مليون دولار، و تم الإفصاح عن رفض العرض الهزيل رغم أن النادي نفسه قدم عرض آخر غير هزيل"


و استطرد :"و عرض النادي أيضاً على الأهلي 50% من مقابل بيعي لأي ناد آخر، و هو ما سيعود بالنفع على النادي الأهلي لأني لن أستقر في نادي سيون، و كنت أتمنى أن أشارك معهم و أحقق مركز يتيح مشاركة أوروبية بعد ذلك، و أنا بالفعل متمسك بالفرصة هذه المرة لأنها الأخيرة لي"
و من خلال التصريحات أيضاً نفى الحضري ما نشر على لسان أبوتريكة في جريدة "شوت" بأن الحضري أساء لسمعة مصر بالرقص في الإمارات مؤكداً أن أبوتريكة لاعب محترم و لا يمكن أن يصدر عنه مثل هذا الكلام.
و بالرغم من تلك التصريحات، تبقى فعلة الحضري غير متوقعة بالمرة، و سنرى ما ستفصح عنه الأيام المقبلة عن ذلك الأمر.

د\ مراد حضرتك بتبرر ايه ولمين يعني النهارده مبقاش في حاجه اسمها انتماء وولاء طب مادام بقوا غمله نادرة يبقي المفروض اننا نقدر اللي يتمسك بيهم زي حسني ولا ايه
وعصام بجد باللي عملة هو اقل من ان الناس تتكلم عليه لان ما حصلتش في الاهلي قبل كده انه حد سابه وهرب وعموما اللي هايخسر اكيد مش النادي واللي ما يتعلمش من تجارب اللي سبقوه يبقي صعب حتي اننا نثق في تفكيره وحسام وابراهيم وابراهيم سعيد سابوا الاهلي وهما ايه ودلوقتي بقوا ايه

وفي توقعي الشخصي والله اعلم انه الحضري هايرجع بس هو دلوقتي خسر كل حاجه


ولا تنسوا ذكر الله

مع كل التبريرات التى تساق للمتعاطفين مع الحضرى ولكنه باع النادى فى ثانيه فى سبيل نادى مغمور وغير معروف وباع حب الجماهير اللى كان ليها الفضل بعد ربنا سبحانه وتعالى فى المكانه اللى وصلها الحضرى هو راح اوروبا علشان يقولو محترف (فين مش مهم) يعنى بقه ده كلام واندية ايه اللى لو شفتك ها تخدك يا راجل دانت يومين وبالسلامه معاش يعنى فيه نادى اوربى كبير يشترى حارس مرمى يعدى 37 ده لو استمريت فى النادى اللى هربت علشانه موسم او اتنين خساره ياحضرى التاريخ اللى انت عملته ليك فى النادى وحب الجماهير ترميهم على الارض بتراب الفلوس وعلشان حلم عمره ما ها يتحقق انا لو من ادارة النادى اشطبه من النادى وامنعه من دخول النادى حتى ولو رجع تانى لان الجزاء من جنس العمل وكفانا تبريرات للحضرى علشان اللى عمله ده ملهوش اى تبرير او عزر وفى ستين الف ...........يا حضرى والقلب مش دعيلك

خليه ياخد شارة الكابتن فى سويسرا اللى هو رايحها دى

و بعدين مليون دولار اللى هو بيزعمهم دول يعنى خمسه مليون جنيه هو واخد نصهم مكافات فى بطوله واحده غبر اللى بياخده من الاهلى عموما اللى هرب قبل كده من الاهلى ندم و رجع زى ال00000
(هانى سعيد و محمد يوسف و محمد فاروق)

ياجماعه موضوع عصام اقل من اننا نتكلم فيه

الله يرحمه محمد عبد الوهاب قال انا وعدت الاهلي اني هاكون معاهم يبقي ان شاء الله هاكون معاهم مش ممكن اخلف وعدي مع النادي الاهلي لان الاهلي مخلفش وعده معايا في حاجه ده كلامه في اخر لقاء ليه ماشاء الله ربنا يرحمه كان راجل بيحترم وعده وكلمته


اما عصام فهو
1- ما احترمش عقده مع النادي
2-ساب النادي في وقت اتقفل فيه باب القيد يعني الاهلي حاليا مسجل حارسين فقط يعني لو بعد الشر حد منهم اتصاب او اي ظرف مش هايبقي في حارس بديل
3- ساب الاهلي بصورة وقيمه لاتناسب النادي الاهلي يمكن تناسبه هو
4- اللي ماريعيش ربنا في أكل عيشه وفي مكان عمله ربنا مش هايباركله
واخيرا حسبنا الله ونعم الوكيل

ولا تنسوا ذكر الله

بالسلامة ياحضري
وزيك وزي ابراهيم سعيد
ومش عايزين نشوفك تاني في الاهلي
مع احترامي لكل اللي قدمته لكن انت ماحترمتناش وان شاء الله امير يكون احسن منك ويعوضنا عنك
لكن اللي يهرب من الشباك مش الباب يبقي
اخص عليك ياحضري
تصغرنا للدرجادي تصغر النادي اللي كبرك وخالاك عصام الحضري السد العالي انت بقيت بالنالسبالنا سد ......

هييييييييييييييييييييييييييييييييييي ه
هييييييييييييييييييييييييييييييييييه

توقعي كان صح
وتوقعت رجوع عصام الحضري من الاول
ماليش دعوة انا عايزة مكافأه ياستاذ ادمن
انا اللي كنت متوقعه كده وماليش دعوة
ماليش دعوة عايزة مكافأه بسيطه تكون يالا مش مشكله هاقبل نصف مليون استرليني بس عشان القناعه كنز لا يفني وربنا يديمها علينا نعمه