لجنة الكرة تبحث موقف الحضرى خلال ساعات

نقلا عن الموقع الرسمي للنادي الاهلي

لجنة الكرة تبحث موقف الحضرى خلال ساعات

[ندعوك للتسجيل في المنتدى أو التعريف بنفسك لمعاينة هذه الصورة]

تعقد لجنة الكرة بالاهلى اجتماعا مهما خلال الساعات القليلة القادمة لبحث موقف عصام الحضرى حارس مرمى الفريق الأول لكرة القدم بالاهلى والذى توجه إلى سويسرا اليوم للانضمام إلى نادى اف سى سيون السويسرى رغم انه متعاقد مع الاهلى لمدة 3 سنوات . ويأتى على مائدة المناقشات الحفاظ على قيم وتقاليد وحقوق الاهلى أولا ثم بحث الأمر من كافة جوانبه خاصة أن عصام الحضرى لم يقم بإبلاغ اى مسئول بالنادى قبل سفره والذى علم به الجهاز الفنى من أصدقاء الحضرى بعدما غادر القاهرة .. وقال الكابتن حسام البدرى المدرب العام والقائم بأعمال مدير الكرة بالاهلى انه تلقى معلومات صباح اليوم بأن الحضرى أبرم اتفاقا مع نادى اف سى سيون السويسرى وسافر إلى هناك وانه أراد التأكد من الحقيقة وأجرى عدة اتصالات بمسئولين بمطار القاهرة .. وعلم البدرى من احد أصدقاء الحضرى بأنه فى طريقه للانضمام لنادى اف سى سيون السويسرى وهو الأمر الذى يخالف تعاقد اللاعب مع النادى الاهلى .. وأضاف انه قد قام بإبلاغ لجنة الكرة وتقرر عقد اجتماع للجنة الكرة خلال الساعات القادمة لبحث الأمر واتخاذ قرار يحافظ على حقوق الاهلى .. وقال البدرى أن النادى السويسرى طلب البطاقة الدولية للاعب لأسباب سوف تكشف عنها الساعات القادمة من خلال بحث الأمر فى لجنة الكرة .. وكان النادى السويسرى قد تقدم بعرض لشراء الحضرى قبل عشرة أيام مقابل 400 ألف دولار وتم رفض العرض لأنه متواضع ولا يتناسب مع اسم النادى الاهلى ولا امكانات الحضرى الحاصل على لقب أحسن حارس مرمى فى بطولة كأس الأمم الإفريقية غانا 2008

أبوسيف حلمي كتب:

طب أيه اللي خلاه يعمل كده بس
عامة انا لسه عندي أمل لحد الساعة الخامسة

الحضري لو رجع مصر ملبش فانلة الاهلي تاني

Dr Mourad كتب:

انا زعلان جداً من اللى حصل و زعلان جداً جداً من الحضرى لكن لازم نقول اللى لنا و اللى علينا (الحضرى عمره 35 سنة و اتظلم من الجوهرى كتير و ما أخذشى حقه مع المنتخب إلا مؤخراً و صعب يحترف بعد كده لو ما إحترفشى دلوقتى و النادى السويسرى عدل العرض من 400 ألف إلى مليون دولار و شرط حصول الأهلى على 50% من قيمة إنتقال الحضرى لأى نادى آخر ) و كمان تعنت جوزيه فى حرمان الحضرى من شارة الكابتن بعد كل إنجازاته مع الأهلى و أحقيته لها بالأقدمية يبقى نلتمس بعض العذر للحضرى مع الرفض التام لهذه الطريقة التى رحل بها ولابد من رضى الأهلى قبل أى شىء و الأهلى لابد من المطالبة بجميع حقوقة و رفع قضية على النادى السويسرى للفيفا.

وجمهور الاهلي ظلمه في ايه دا اداله اكتر من حقه

كل دا عشان جاله سيون ؟؟ امال لو كان جاله برشلونة كان عمل أيه ؟؟ كان فجر النادى؟؟ فعلا زمان الكابتن زيور كان بيصور اللعيبة قبل ماتدخل أى نادى عشان يفكرهم بأشكالهم قبل ماييجو أى نادى كبير عشان مايتنططوش. ودى غلطة أدارة الأهلى أنهم ماعملوش معاك كدة.

هو كل واحد لو وخلى بالكم من كلمة لو لان الحضرى ما تظلمش ونرجع تانى ونقول هو كل واحد لو اتظلم يهرب ويسيب ناديه فى وقت محتاجه وبشده عاشان نادى مش معروف وببلاش دى تبقى نداله احنا ماننكرش تاريخ الحضرى وانجازاته مع الاهلى والمنتخب ولكنه مسح كل ده باستيكه وببلاش علشان يروح يتفسح بره وانا بقول يتفسح لان ده مش نادى ولا دورى ولا مقابل مادى كويس الراجل رايح يتمشى فى سويسرا ولازم نعزره لان عمره ماخرج بره مصر الا علشان يلعب كوره

abdelrahmaaan كتب:

كل دا عشان جاله سيون ؟؟ امال لو كان جاله برشلونة كان عمل أيه ؟؟ كان فجر النادى؟؟ فعلا زمان الكابتن زيور كان بيصور اللعيبة قبل ماتدخل أى نادى عشان يفكرهم بأشكالهم قبل ماييجو أى نادى كبير عشان مايتنططوش. ودى غلطة أدارة الأهلى أنهم ماعملوش معاك كدة.