حسنى عبد ربه يرفض الانتقال للنادى الأهلى( فيديو )

[ندعوك للتسجيل في المنتدى أو التعريف بنفسك لمعاينة هذه الصورة]

أيوة كورة - محمد صلاح - أبدى حسنى عبد ربه نجم نادى الإسماعيلي و نجم المنتخب المصري تمسكه الشديد باللعب للنادى الإسماعيلي وعدم الرغبة فى الانتقال للنادى الأهلى و أكد أن حب جماهير مدينة الإسماعيلية له لا يعادله أى أموال ولا يستطيع أن يتخلى عن ناديه فى هذه الفترة.
وأوضح حسنى عبد ربه أنه لا يريد أن يترك نادى الإسماعيلي مؤكدا أن لا توجد أى ضغوطات يمارسها نادى الإسماعيلي عليه أكثر من ضغط حب الجماهير الاسمعلاوية عليه .
وأجاب حسنى عن سؤال حول ضغط بعض لاعبي النادى الأهلى ( شادى محمد و أبوتريكة ) عليه من أجل التوقيع لنادى الأهلى أكد حسنى أن جميع لاعبي النادى الأهلى محترمين ويكن لهم كل الاحترام ولكن هذا لم يحدث لأن كل التركيز كان عن البطولة و المباريات ولكنهم كانوا دائما يحترمون رغبتى فى البقاء فى النادى الإسماعيلي .
وعن سؤال حول حكم المحكمة لصالح ستراسبورج بما يعنى انتقاله للنادى الأهلى أكد حسنى أن النادى الأهلى من الأندية المحترمة و من أندية القيم و المبادىء الرفيعة فلا يمكن للأهلى أن يجبر لاعب أن يلعب لصالحه و اللاعب متضرر من ذلك .
كما أكد أن فى حالة صدور القرار لصالح ستراسبورج بمعنى ذهابه للنادى الأهلى فأنه سيتقدم للنادى بعرض مغري للاحتراف بالخارج فى حين أكد أن الحكم سيكون فى صالح نادى الإسماعيلي إن شاء الله .
جاءت تصريحات حسنى عبد ربه خلال مكالمة هاتفيه فى برنامج الدرجة الثالثه.
[ندعوك للتسجيل في المنتدى أو التعريف بنفسك لمعاينة هذا الرابط]</TD></TR></TABLE>

مش بمزاجه دلوقتي يجي ويفعد علي الدكة وينسي حاجة اسمها الكورة و اللون الاخضر

خلاص يا طاطا هو رافضنا ومش عاوز يلعب لينا والاهلى مش مبادئة يجيب حد غصب عنة
ربنا يوفقك فى النادى الى عاوزة

طيب كان وقع ليه من الاول؟حدضربه علي ايده؟! ده لعب عيال

بجد انا شخصيا من الناس الى رافضين وجوده فالاهلى حتى ولو كان احسن لاعب فالعالم اجمع

لان الاهلى نادى رجاله
والراجل ميرجعش فكلمه او قرار اخده
ولكن اولا واخرا ربنا اعلم بنوايا عباده

جزيت خيرا كوجاك للخبر
واصل التميز

والله انا مش مقتنع بفكرة انه يلعب غصب عنه طبعا
بس سيد معوض كانت رغبته يلعب للاهلي والاسماعيلي قالوا مصلحة الفريق
يبقى الحل يكون واحد في الحالتين هما رفضوا رغبة اللاعب عشان مايلعبش للاهلي
ودلوقت رغبة اللاعب هي المهمة عشان مش هيلعب ليهم
وانا محبش نظرية وش القفص دي
وامشي اللي يمشي مع مصلحتي بس
مهو مادامت رغبه اللاعب مالهاش قيمة عندهم ورفضوها بمنتهى البجاحة
يبقى يجي عندنا وبعدين نشوف ونفكر نعمل بيه اية
واظن اننا لو اخدناه هنبيعه ونكسب من وراه بس يبقى من حقنا ونشوف الاول
ومشكور كوجاك

ارد بنفس الاجابه على كل ما يتعلق بهذا الموضوع

لو شهد فى المحكمه الرياضيه بانه متمسك بالاسماعيلى لازم الاهلى يشتكيه بالعقود اللى مضاها برغبته و محدش شربه حاجه اصفرا و يتوقف بقى يتشطب دى مش مشكلتنا

و بلاش نتمحك فى موضوع القيم و المبادئ ده لانه مش من القيم و لا المبادئ ان احنا نبقى ملطشه مره وائل القبانى و مره سيد معوض و مره حسنى و الباقى هايبقى اسوأ كل لعيب هايمضى للاهلى و لو لقى له مصلحه فى حته تانيه يقول الاهلى نادى قيم و مش هايأذينى

يقول رسول الله (ص) المؤمن القوى خير و أحب الى الله من المؤمن الضعيف

جزاكم الله كل خير
ياجماعة خلاص عيل ورجع فى كلامة خلاص مع الف سلامة

العيل يقعد جنب ماما لحد ما يكبر و يعرف يتعامل مع الكبار

على رايك يا حازم

بصراحة أنا مع حازم فى رأيه
لو إستمرينا على السياسة دى هانبقى لعبة فى إيد اللعيبة والسماسرة
وإن كان هو عيل .. يبقى مشعارف مصلحته وإحنا نعرفهاله
مشكور نجمنا للموضوع المثير للجدل

ولامثير ولا حاجة هو فى اصدق من كلام الشخص نفسة انت مسمعتش حوارة

ماسمعتش لكن مصدقك طبعا
بس طول ماهو فى الإسماعيلية ماينفعش ناخد على كلامه

[ندعوك للتسجيل في المنتدى أو التعريف بنفسك لمعاينة هذا الرابط]

رابط الحوار يالا يا شريف اسمعة وقولى رايك

اللينك معلق معايا يا محمد
عموما مش مختلفين .. لو يقصد كلامه أرجع لردى الأول
بصراحة أنا مع حازم فى رأيه
لو إستمرينا على السياسة دى هانبقى لعبة فى إيد اللعيبة والسماسرة
وإن كان هو عيل .. يبقى مشعارف مصلحته وإحنا نعرفهاله
والجدل المقصود مش عن صحة الخبر .. لكن عن إختلاف رأينا حول اللاعب

وانا معاكم بس حاجة غريبة الاخبار الحلوة كلها نزلة النهاردة لية ؟؟؟

هو اليوم باين من أوله

طبعا حسني عبد ربه لاعب عالمي بكل المقاييس لكن الاهلي اكبر منه ومن غيره
واعتقد ان الاهلي انزل الهزيمة بالاسماعيلي في ستاد الاسماعيلي بسداسية نظيفة
وحسني وغيره كانوا يلعبون ولم يستطيعون ايقاف الطوفان الاحمر ...طالما الاهلي مركز ولاعبيه منسجمين مع جهازهم الفني بدون مشاكل فالحمدلله لا يوجد من يستطيع مواجهة وحش افريقيا المخيف

جزاك الله خير اخى وائل

واللهى يابنى انت محترم واللى يحترم ناديه ويحبه بالشكل دا يستحق التحية والأحترام.. لأننا فى زمن انتهى فيه الأنتماء والاحترام

abdelrahmaaan كتب:: واللهى يابنى انت محترم واللى يحترم ناديه ويحبه بالشكل دا يستحق التحية والأحترام.. لأننا فى زمن انتهى فيه الأنتماء والاحترام

معاك فى كلامك بس لية من الاول وقع لينا ؟؟؟

الصراحه انا شايف ان كله مجرد كلام والايام جايه وهانت فى قضيه حسنى سواء موجود او مش موجود

شكرا يا كمال لتشريفك

» حرس الحدود يرفض الاستغناء عن "اوكا" للنادى الأهلى
» كما انفردنا للتأكيد :أحمد حسن يوقع للنادى الأهلى
» عاجل و خاص لـAhlyNews.com: بوجى يوقع رسمياً للنادى الأهلى
» حسام حسن لموقع الفيفا: أصعب لحظة علي تركى للنادى الأهلى
» حسنى عبدربه فى الأهلى