وائل جمعة يزور الأهلى ويجتمع بالقيعى

حضر نجم الأهلى وصخرة دفاعه وائل جمعة والمعار إلى السيلية القطرى إلى النادى الأهلى اليوم فى زيارة خاطفة.

يعني هما لما يطفشوا وائل يبقي نعمل ايه مش كل حاجه يتنيل يعملها جوزيه الادارة توافق عليها يعني طهق وائل ومشي وقلنا اعارة وهايرجع لكن بقي لما يمشي خالص يبقي لاء كنا بنستحمل في الاول تدمير قطاع الناشئين وعدم تصعيدهم عشان بنكسب لكن دلوقتي النجوم الكبار المحترمين اللي عملوا كل حاجه للنادي وماشفناش منهم اي اساءة للنادي لما نفرط فيهم واحنا معندناش بديل وكمان متنيلين وضايع بطولتين كل واحده خرجنا منها بفضيحه واحده علي ارضنا ووسط جمهورنا وبالتلاته والكاس خرج من هنا والتانيه في دور ال32 من فرقه درجه تانيه يبقي علي ايه ان شاء الله عالناس اللي جبهوم يرفعوا ضغطنا زي احمد عادل واينو اللي ماشوفناش منه غير تصريحات


حسبي الله ونعم الوكيل فيك ياجوزيه

ولا تنسوا ذكر الله

على فكرة يا امة الله وائل مش لاعيب توب يعنى علشان يرجع تانى انا شايف انة لاعيب غبى ملعب وكوارث والله يدى فرصى لرامى عادل ونشوفة
شكرا على تشريفك يا امة الله

خسارة انا افتكرت انه هيرجع
فعلا رامي عادل لازم ياخد فرصة واراهن انه هيستغلها

Dr Mourad كتب:

أنا معاك يا أخ كوجاك إن رامى عادل كويس و شباب لكن أختلف معاك فى حاجة بسيطة إن كوارس وائل جمعة مش لأنه لاعب سيىء بالعكس ده ممتاز لكن كبر فى السن و أى مهاجم إسبرنتر هو اللى بيظهر عيوب عامل السن

اختلف معاك يا دكتور على ان وائل ممتاز اقولك على حاجة بسيطة العيب الى يلعب من غير عقل ميبقش لاعيب اصلا ولو ان ربنا معاة وموفقة كان اطردت كتير فى البطولة وائل بالظبط زى اينو بيلعب من غير عقل معلش اعذرنى انا كنت لاعيب نوادى وفاهم فى النقطة دة بالذات طبعا مع احترامى وتقديرى لرايك
وميرسى على تشريفك الجميل

شكرا ادمن وطاطا على تشريفكم الجميل والله

sherifalwakkad كتب:

يا بختك يا كوجاك .. المحظوظ هو اللى أمة الله تزور موضوعه
وبدل ما يجيله رد بتبقى ندوة .. بسبب آرائها المثيرة للجدل دائما .. وخاصة آرائها الوطنية المناهضة للأجانب
يا حكيمة المنتدى جوزيه ماطفش وائل .. وائل هو اللى حب يأمن مستقبله لأنه قرب يعتزل
وجوزيه إشترط تكون إعارة بس .. ووافق لمصلحة اللاعب لأن فترة الإعارة مافيهاش إرتباطات مهمة
ومع كوجاك فى رأيه .. التحكيم كان رحيم بوائل جدا فى البطولة .. بس مايمنعش إنه لسة مالوش بديل خصوصا بعد قضية أحمد السيد .. ولازم يرجع
مشكور نجمنا المتألق للمتابعة المستمرة

ماشى ماشى يا شريف هى كدة يعنى هتحسدنى علشان امة الله دخلت موضوع ليا وارجع اقولك وائل مش عاوزينوا وعندنا رامى عادل هههههه
ميرسى يا جميل لتشريفك

اخص عليك وانا روحت فين ههههههههههههههه

ههههههههههه ماشى يا جميل متخفش دفاع الاهلى صلب ومتخفش علية

لاء لاء لاء يأستاذ شريف يامناضل بأسم الاجانب جوزيه وفلافيو

وائل جمعه لما تيجي وتقعده عالدكه وهو الافضل يبقي في كارثه وخصوصثا بقي لو كان لاعب مستواه بيتأثر ببعده عن المباريات وديه الجهاز الفني عارفها كويس بدليل لما مادوش وائل اجازة في اخر الموسم اللي فات وقالوا أنه خايفين علي مستواه وبالنسبه لتأمين المستقبل والكلام ده فلو كان وائل بيلعب أساسي والاهلي محتاجه وهو حس بده ماكانش مستحيل هايسيب النادي لانه من القليلين اللي عندهم انتماء وحتي لما بمش مش وهو كسبان احترام الجميع لانه ما حبش يحط النادي في موقف حرج

وبعدين أيه كل التحامل ده علي وائل جمعه يأستاذ كوجاك هو يعني أحمد السيد اللي ما بيعملش فولات ورامي عادل كلنا بنتمي أنه يؤدي كويس بس ماعلشي بقي شاء الجميع أو أبي وائل جمعه سطر لنفسه تاريخ يجبر الجميع علي أحترامه

وبعدين أنا ارائي مسيرة للجدل طب بأستاذ شريف ارجع للردود وشوف أذا كانت الردود معايا ولا ضدي ومفيش حد علق علي ردي غير حضرتك المناضل بأسم جوزيه ومش محتاجه كل 5 دقايق أفكر حضرتك وأقولك بص لمستقبل ندي شويه

ولا تنسوا ذكر الله

اقولك على حاجة بصراحة يا امة الله انا مشوفتش مدافع فى الاهلى كويس بيلعب بعقلة قبل رجلة غير ابراهيم سعيد وبكل امانة والله وانا مش متحامل ولا حاجة بس دة راى فية

اوك ياستاذ كوجاك يبقي وائل هو الافضل بخبرته يعني متفقين

طبعا يأستاذ شريف هاتلوي دراع حضرتك أمال حضرتك فاكر أيه وبعدين أخويا سافر لا حول و لا قوة إلا بالله ده دخل ينام من شويه قدامي اصله مجتهد بقي ومدرسة وكده يبقي سافر فين

وأنا علي فكرة مش بتحامل علي جوزيه أو فلافيو عشان أجانب بدليل أني متعاطفه جدا مع جيلبرتو كل ما هناك أنه جيلبرتو بحس أنه اهلاوي قوي لكن فلافيلو بحس أنه مش طايقنا حاجه كده عجيبه ومش عارفه علي خيبة أيه

وبالنسبه لجوزيه فمش معني أني مش عاجبني حاجات ليه أني بقول أنه فشل مع الاهلي لانه حقق أنجازات محدش عملها ومحدش ينكرها لكن غروره اللي بقي زياده ممكن يضرنا ولازم مش كل حاجه يعملها نقول عليها أوك لانه في الاول والاخر مش هايفضل مكانه علطول ومايفرقش معاه اللي هايجي بعده هايعمل أيه واحنا اللي هانشيل هم الفريق
يعني جوزيه مدرب كويس جدا لكنه لايجيد النظر للاعبين نهائي بدليل أنه تعاقد مع الويشي ومشي أحمد جلال ابن النادي واللي ما شوفناش مستواه الحقيقي وكل اللي لعبه ماتش الهاتريك وأجزاء من ماتشات تانيه يعني ما أخدش فرصه هو كان أولي بيها بالاضافه لاحمد عادل وميدو وحاجات تانيه كتير يعني جوزيه مدرب له مميزاته وله عيوبه وبس

ولا تنسوا ذكر الله

اوك ياستاذ كوجاك يبقي وائل هو الافضل بخبرته يعني متفقين


اعذرينى انا مش متفق معاكى فى افضل بخبرتة وانا اصلا مقولتش كدة من البداية ومازالت مصمم انة لاعيب غبى ملعب وبيعمل كوارث

أولا : شكرا أدمين على التصحيح اللغوى ؛ و احب أعترف بكل شجاعه انى أنا اللى أخطأت قبل كده فى الأيه الكريمة ؛ و جل من لا يسهو ؛ و أنا أسف ؛ بس أنا كتبتها من الذاكرة ؛ أسف للمرة الثانية.

ثانيا : شكرا أمة الله على الأراء الموضوعية.

ثالثا : Kogak أرائك غير منطقية بالمرة ؛ أعذرنى ؛ أنا عارف ان الكلام اللى هاقوله ده ممكن يفتح على النار ؛ و يزعلك منى ؛ بس رأيك فى وائل جمعة استفزنى ؛ و يخلينى أسألك عن النادى الحلو اللى كنت بتلعب فيه ؛ و اللى كون عندك الفكر الكروى الهايل ده ؟؟؟؟؟!!!!!!!!!!!!!!!!!
أنا ضد الحكم بأن رأى أى انسان فى جزئية ما ؛ يعبر عن فكره العام ؛ بس شايف ان الأخ الكريم زودها حبتين !!! كما لو كان فى مشكله شخصيه بينه و بين وائل جمعه !!! كلنا عارفين - من غير فلسفة أو إدعاء مزيف بفهم الكرة - ان وائل جمعه مش بكنباور و لا بوبى مور ؛ و لما نيجى نقارنه ؛ لازم نقارنه بالمدافعين اللى بيلعب معاهم أو قدامهم فى الفرق المنافسة ؛ و شوف هاتحطه فى اى درجه ؛ وائل جمعه أساسى فى الأهلى ما يقرب من 7 سنوات ؛ وائل جمعه شارك فى 4 بطولات كأس أمم أفريقيه متتالية كان النجم الأول للدفاع فى أخر أثنين منها ؛ طبعا يا أخ kogak ؛ انت أفضل من ( الجوهرى + محسن صالح + فتحى مبروك + تارديللى + جوزيه + بونفرير + أوليفييرا ) اللى كلهم أعتمدوا عليه بصفة أساسيه ؛ الى جانب ( مارك هيوز ) اللى كان طالبه فى Black Burn Rovers و الأهلى أفسد الصفقه ؛ اذا كنت تدعى - ظلما - ان وائل "غبى ملعب " و " بتاع كوارث " ؛ يبقى نفس الكلام ينطبق على ( ريو فيردناند ) و ( كولو توريه ) و ( كارلوس بويول ) و ( كانافارو ) و ( لوسيو ) و ( جوان ) و كل مدافعى أوروبا ؛ لأن كلهم - لو انت متابع - غلطوا خلال السنه دى بس غلطات أبشع من الغلطات اللى وائل بيغلطها ؛ يبقوا كلهم أغبياء ملعب و بتوع كوارث و المفروض انديتهم تسرحهم و ييجوا كلهم يلعبوا فى النادى اللى كنت بتلعب فيه . و أخيرا تابع أراء و مقالات أعضاء المنتدى - لو انت معتقد انهم بيفهموا كورة - بعد رحيل وائل لقطر ؛ و شوف ارائهم و تعليقاتهم.

فى النهاية أرجو انك ماتزعلش منى .

لا حول و لا قوة الا بالله ؛ العلى العظيم.

gohary كتب:

أولا : شكرا أدمين على التصحيح اللغوى ؛ و احب أعترف بكل شجاعه انى أنا اللى أخطأت قبل كده فى الأيه الكريمة ؛ و جل من لا يسهو ؛ و أنا أسف ؛ بس أنا كتبتها من الذاكرة ؛ أسف للمرة الثانية.

ثانيا : شكرا أمة الله على الأراء الموضوعية.

ثالثا : Kogak أرائك غير منطقية بالمرة ؛ أعذرنى ؛ أنا عارف ان الكلام اللى هاقوله ده ممكن يفتح على النار ؛ و يزعلك منى ؛ بس رأيك فى وائل جمعة استفزنى ؛ و يخلينى أسألك عن النادى الحلو اللى كنت بتلعب فيه ؛ و اللى كون عندك الفكر الكروى الهايل ده ؟؟؟؟؟!!!!!!!!!!!!!!!!!
أنا ضد الحكم بأن رأى أى انسان فى جزئية ما ؛ يعبر عن فكره العام ؛ بس شايف ان الأخ الكريم زودها حبتين !!! كما لو كان فى مشكله شخصيه بينه و بين وائل جمعه !!! كلنا عارفين - من غير فلسفة أو إدعاء مزيف بفهم الكرة - ان وائل جمعه مش بكنباور و لا بوبى مور ؛ و لما نيجى نقارنه ؛ لازم نقارنه بالمدافعين اللى بيلعب معاهم أو قدامهم فى الفرق المنافسة ؛ و شوف هاتحطه فى اى درجه ؛ وائل جمعه أساسى فى الأهلى ما يقرب من 7 سنوات ؛ وائل جمعه شارك فى 4 بطولات كأس أمم أفريقيه متتالية كان النجم الأول للدفاع فى أخر أثنين منها ؛ طبعا يا أخ kogak ؛ انت أفضل من ( الجوهرى + محسن صالح + فتحى مبروك + تارديللى + جوزيه + بونفرير + أوليفييرا ) اللى كلهم أعتمدوا عليه بصفة أساسيه ؛ الى جانب ( مارك هيوز ) اللى كان طالبه فى Black Burn Rovers و الأهلى أفسد الصفقه ؛ اذا كنت تدعى - ظلما - ان وائل "غبى ملعب " و " بتاع كوارث " ؛ يبقى نفس الكلام ينطبق على ( ريو فيردناند ) و ( كولو توريه ) و ( كارلوس بويول ) و ( كانافارو ) و ( لوسيو ) و ( جوان ) و كل مدافعى أوروبا ؛ لأن كلهم - لو انت متابع - غلطوا خلال السنه دى بس غلطات أبشع من الغلطات اللى وائل بيغلطها ؛ يبقوا كلهم أغبياء ملعب و بتوع كوارث و المفروض انديتهم تسرحهم و ييجوا كلهم يلعبوا فى النادى اللى كنت بتلعب فيه . و أخيرا تابع أراء و مقالات أعضاء المنتدى - لو انت معتقد انهم بيفهموا كورة - بعد رحيل وائل لقطر ؛ و شوف ارائهم و تعليقاتهم.

فى النهاية أرجو انك ماتزعلش منى .

لا حول و لا قوة الا بالله ؛ العلى العظيم.

عاوزنى مزعلش ازاى يا اخ جوهرى لو سمحت لما تحب تتكلم على حد يكون كلامك علي اللاعب هو بس وتوضح وجهة نظرك فية مش تغلط فى الناس كدة وتسخر من النادى الى لعبتلة يكفى عندى انى لاعبت فى نوادى ودة حقيقى والله مش كدب يعنى توضيح وتاكيد و احب افهمك حاجة كويس اوى لو انت ملعبتش كورة يستحسن متتكلمش خالص معايا انا بالذات عن الكورة لان الى لعب كورة فى نادى غير الى لعب فى شارع غير الى بيتفرج والمتابع ليها و غير برضة الى درسها دة معلومة ليك يعنى لو متعرفهش
ارجع واقولك انت عاوز تفهمنى او حتى تقنعنى ان الناس الى انت قولت عليها زى وائل اغبياء ملعب وبتوع كوارث اقولك انا حاجة بسيطة جدا وصغيرة اوعى تعمل مقارنة بنهم وبية لان الناس دة نجوم وبيلعبوا فى احسن اندية العالم وبملاين والا مكنوش لعبوا فيها ولا اية الناس دة لما بتدفع فلوس فى حد بيكون متاكدين مليون فى المائة انهم الافضل فى العالم او على الاقل من افضل الاعيبة فى العالم
وهما دلوقتى عندهم خبرة اكبر بكتيررررررر ولو فعلا غلطوا زى مانت بتقول دة بيكون شى نادر لما بيحصل ليهم
وانا مش بهاجم وائل كرة فية لشخصة انا مفيش حاجة بينى وبينة اصلا ولا حتى اعرفة انا وجهة نظرى فية فى الملعب بس انا شايف وائل بيلعب من غير عقل وبدون تركيز ودة وجهة نظرى فية ومش هغيرها ابدااا
اختلاف الراى لا يفسد للود قضية ولا اية
وارجو انت كمان متزعلش منى

جزاك الله خيرا يأستاذ أدمن أنا عارفه أنه اساسا ما ينفعش اقول اللي كان مكتوب بس بجد مش عارفه اتكتبت ازاي والحمد لله أساسا ما بقولهاش
وشكرا لحضرتك أستاذ جوهري لشكري

وحدوا الله يأستاذ جوهري وأستاذ محمد في أيه بالراحه شويه الموضوع مش للدرجة ديه وائل كمل مع الاهلي أو مشي فهو عمل لنفسه تاريخ مشرف جدا يتمناه أي مدافع وكفايه شهادة المهاجمين المنافسين ليه

ورأي أي حد فينا هو حر فيه ومستحيل كلنا نتفق علي حاجه واحدة وكل واحد مننا بيحكم من وجهة نظره هو سواء اختلفنا أو أتفقنا

علي فكرة صح يأستاذ ادمن ماشي عالسياحه ديه وأخطاء لغويه وكده رغم أني ساعات كتير بعدل لاعضاء وساعات لحضرتك وما باعملش سياحه هه مش عشان 4 نكت حضرتك تشيل للدرجة ديه وكويس يأستاذ جوهري أحيي حضرتك علي شجاعتك أهو يبقي في حد معايا في الاخطاء اللغويه وأن شاء الله مردوده لحضرتك أستاذ أدمن

ولا تنسوا ذكر الله

ينفع طيب الكلام الى قالة دة يا امة الله

ما خلاص يأستاذ كوجاك أستاذ جوهري اخو حضرتك وقالك أنه ردك أستفزه وقالك ماتزعلشي يعني حصل خير

وبعدين(( ألتمس لاخيك 70 عذرا))
مش من أي حاجه ينفع أننا نقفش أو ندايق من بعض وبعدين أنا مالعبتش كرة قبل كده ايه حضرتك تقصد أني ما بفهمش كورة


ولا تنسوا ذكر الله