الكومي يصطحب عبدربه إلي سويسرا للإدلاء بشهادته

كتب: كريم سعيد - يصطحب المهندس يحيي الكومي رئيس النادي الاسماعيلي السابق لاعب الفريق حسني عبدربه خلال أيام إلي سويسرا للإدلاء بشهادته في القضية المثارة حاليا بين النادي الساحلي ونادي ستراسبورج الفرنسي.

وعلم مراسل Yallakora.com أن خطوة الرئيس المستقيل تأتي لتأكيد الورقة التي وقع عليها حسني من قبل والتي أكد فيها رغبته في اللعب للنادي الاسماعيلي والتي يعتبرها الكومي إنها ستكون الفيصل في حسم القضية للنادي الساحلي.

وكانت المحكمة الرياضية قد حددت نهاية شهر فبراير موعدا لحسم القضية التي شغلت الشارع الرياضي المصري منذ شهر يونيو الماضي.

الجدير بالذكر انه في حالة حسم القضية للنادي الاسماعيلي، سيكون علي النادي الفرنسي إعادة مبلغ 700 ألف يورو إلي النادي الأهلي الذي كان قد وقع عقدا رسميا مع النادي الفرنسي لشراء اللاعب.
[img][ندعوك للتسجيل في المنتدى أو التعريف بنفسك لمعاينة هذا الرابط][/img]

الكومي دة تاجر شاطر
لو الفيفا حكمت ان اللاعب من حق الاسماعيلي هيبقى فارس الفرسان ومحدش هيقدر يكلمه تاني
بس مش عارف هتنفعه الشطارة دي ازاي لو اتحكم لستراسبورج
جايز وقتها يرجع لاسطوانة نفوذ الاهلي وتبعية الفيفا لينا وكالعادة ان بلاتر اهلاوي
وان القيعي هو السبب بكل تأكيد

إجراء عجيب .. أول مرة أسمع عن موضوع شهادة اللاعب دى
القضية قضية ورق .. واحد مضى عقد .. يعنى مافيش قيمة للرغبة بعد كدة
مشكور وزير إعلامنا للمتابعة المستمرة

تاجر شاطر إزاى يا أخ أتيلا طيب لو حكموا للإسماعيلى (وده إن شاء الله مش هيحصل):يبقى لازم الإسماعيلى يدفع ثمن تحويل الإعارة لبيع نهائى (اللى هو دفعه متأخر) و كمان اللاعب هيتوقف مدة كبيرة أقلها 4 شهور و هيوقع عليه عقوبة كبيرة حوالى 120-150 ألف يورو (المفروض النادى الإسماعيلى اللى هيدفعها علشان هو سبب المشكلة) يعنى موت و خراب ديار و ساعتها يبقوا يبيعوا باقى الفريق بالكامل علشان يحتفظوا بحسنى اللى برضه هيتوقف (لكل داء دواء يستطاب به إلا الحماقة أعيت من يداويها)

العزيز دكتور مراد
مهي دي الشطارة زي ماقلت
لو اللاعب فضل معاهم مش مهم يتوقف والفلوس هيدفعها من جيبه
بس هيكون وقتها بطل الابطال واقف الزحف الاهلاوي محرر الاسماعيلي منقذ حسني عبدربه
وكلها القاب تدخله الانتخابات وتكسبه باكتساااااااااااااااح

مش هنقول كلمة واحدة بعد كلام الكبار الأفاضل غير
نورتو الندوة يا رجالة
الشاب أتيلا : الكفاح و الثورة بتجري في دمك
المايسترو : أنت جبت من الأخر الموضوع ورق الرغبة دي هناك عندها
د. مراد : دكتور دكتور يعني في كل حاجة

أشكرك يا أخ أبو سيف

» مجلس الإدارة يكلف الكومي بمرافقة عبدربه في سويسرا
» مبعوث أهلاوي في سويسرا لمتابعة قضيتي عبدربه والحضري
» الكومي: القاضي ابتسم من إصرار عبدربه على اللعب للإسماعيلي
» خاص- لانشغال جوزيه بلجنة الكرة : فيدالجو يصطحب النحاس للسفارة البرتغالية لاستخرا
» 'سمير زاهر' لـ بص وطل من سويسرا