الإسماعيلي.."زعلان" من اتحاد الكرة

الإسماعيلي.."زعلان" من اتحاد الكرة
البوشي يتدخل في قضية عبدربه.. والجمل احتفل بالبراعم
الإسماعيلية - فوزي وهيدي وإبراهيم الكيلاني:
حال من الاستياء والغضب سيطرة علي الجميع داخل قلعة الدراويش بسبب رفض اتحاد الجبلاية لمطلب الإسماعيلي بتأجيل مباراته المؤجلة - الدور الأول - أمام طلائع الجيش والمقرر لها 14 فبراير الجاري أي بعد 48 ساعة فقط من عودة لاعبيه الدوليين من رحلة غانا وطالبوا اتحاد الكرة بتطبيق مبدأ تكافؤ الفرص والعدالة بين جميع الأندية المصرية علي اعتبار أن الإسماعيلي هو الفريق الوحيد المتضرر من جدول الدور الثاني الذي يبدأ يوم 18 من الشهر ذاته.
علي صعيد آخر حرص مجلس إدارة النادي بالكامل علي حضور حفل تكريم براعم الإسماعيلي الفائزين بدورة الصيد التي أقيمت بالقاهرة مؤخراً وقد تم صرف مكافآت لجميع الفرق المشاركة والأجهزة الفنية بناء علي المذكرة التي أعدها الكابتن محمد حسن "سونه" مدير مدرسة الكرة وقد حرص لاعبو الفريق الأول علي مشاركة البراعم ي هذا الاحتفال في مشهد لتواصل الاجيال داخل قلعة الدراويش وعقب انتهاء الحفل اجتمع مجلس الإدارة مع اللاعبين بالفريق الأول ووعدهم رئيس النادي بصرف الجزء الأخير من مستحقاتهم المالية خلال الأيام القادمة فور توفر أية مبالغ مالية بخزينة النادي مشيراً إلي أن جزءاً كبيراً من الأموال التي دخلت إلي الإسماعيلي مؤخراً ذهبت إلي الضرائب والمتعهدين وغيرها من مديونيات.
من جانب آخر علمت "المساء" أن رجل الأعمال نبيل البوشي قام بدفع تسعة آلاف فرانك هي قيمة المبلغ المطلوب من قبل الاتحاد الدولي لاستكمال قضية لاعب الفريق حسني عبدربه وتعهد البوشي بتحمل كافة مصاريف القضية واتعاب المحامي الألماني مشيراً إلي أن الحكم سيكون في صالح الإسماعيلي وأنه تم تأجيله حتي 28 الشهر الجاري لسماع أقوال حسني عبدربه الذي سيحسم الأمور بشكل نهائي في هذه الأزمة.

يارباب خلينا فير ده حقهم
حرام انهم يلعبوا بعد 48 ساعه بس من روعهم وده بعد المجهود الكبير اللي عمله اللاعيبه المشاركه سواء البدني او الذهني وبعدين حكاية ماتش الاهلي فالاهلي فريق بيسعي لتحقيق مجد ناديه واسعاد جماهيره وده مايخصهمش في حاجه يعني الاهلي لما فاز ببرونزية كاس العالم ده مجد للنادي الاهلي اللي هو نادي مصري لكن المنتخب حاجه تانيه وانجازه حاجه تانيه خالصصصصص ويارب ان شاء الله يرجعوا بالكاس وبصراحه كمان الاسماعيلي اكتر فريق اتظلم في كاس مصر لانهم مش زي الاهلي او الزمالك وده كلامنا احنا فلما يلعبوا ناقصين 9 منتخبات غير الاصابات يعني بيلعبوا بالفريق التاني اللي هو طبعا مش علي مستوي الاساسين وطبعا هما مش بامكانياتنا يعني المفروض عندنا انه يكون مستوي البديل زي او يقارب مستوي الاساسيين لاننا فريق بينافس علي بطوله وعندنا الامكانيات لده لكن هما لاء وكان لازم يتراعي ده

وبالنسبه لموضوع حسني فاعتقد انه اصبه موضوع وقت لانه الاوضاع حاليا بتقول انه ان شاء الله الموضوع محسوم للاهلي واللي انا شايفاه حتي من حسني انه راضي بس طبعا لو ده حصل هانصدع بالحورات والكلام الكتير وكمان حدوتة الاحتراف وهو ما شاء الله عليه في البطوله يعني عروضه هاتكون كتير ما علينا ربنا يوفقه في اي مكان

شكرا استاذ بوسيف عالخبر

ولا تنسوا ذكر الله

اولا حمد الله علي السلامة بعد الغيبة
ثانيا تفتكري يا أمة الله لما فريق من دولة ما يكسب بطولة القارة ويمثل بلده وقارته في كأس العالم للأندية تمثيل مشرف بجد يبقي كده مجد للنادي بس وهم ملهمش علاقة به
تفتكري لو كان الماتش المؤجل ده للأهلي كان حد منهم قال الرأي ده
وبعدين لو تفتكري الأهلي لعب السنة اللي فاتت ماتش في الكأس ناقص 10 لاعبين ومحدش اعترض

لاء يا د\ مراد مش بادافع عن حقوق الفرق التانيه وماعنديش مشكله انه الاهلي يتظلم

يعني لما خسرنا من الاسماعيلي 3 السنه اللي فاتت مازعلتش للخساره اينعم كان دمي محروق وده لسبب واحد هو انه فعلا اللاعيبه ديه تعبت وحرام 3 مواسم متواصله وكل ده بسبب فشل نظام المسابقات
وبالنسبه لظلم الاهلي فانا شايفه انه فعلا الاهلي اكبر من انه يبص لاي حاجه تصغره وزي ما دايما بقول المفروض المفروض يعني بما اننا نادي كبير وعندنا خير اللهم اجعله خير 27 في القايمه يبقي انا عندي بديل جاهز لما احتاجله لازم يكون جاهز!!!!!!!!!! وطبعا ده مش حاصل ربنا يسامحك ياجوزيه

لكن بالنسبه للاسماعيلي فالموضوع مختلف لانهم مش عارفين يجددوا ويدفعوا حقوق الاساسيين هايجيبوا بدلاء من فين وحكاية انهم بيتظلموا فده بيحصل بدليل المباراة ديه اللي هي اساسا لغز لانه الاهلي خلوه لعب كل ماتشانه المؤجله رغم انه الوقت كان قصير وكانت حاجه مستفذه وكان اللاعيبه كأنهم بيتعاقبوا لخروجهم من بطولة افريقيا ومالعبوش الماتش ده برضه وبجد نفسي اعرف سبب تأجيله للدور التاني وعدم لعبه في يوم من الايام اللي الاهلي لعب فيها ماتشاته مش قصدي انهم تعمدوا يخلوه عشان يحطوهلهم بعد ما يرجعوا ب48 ساعه بس لقصد انهم تقريبا نسيوا انه الاسماعيلي متأجله ماتش

وبالنسبه للظلم فالزمالك اعتقد انه ما بيتظلمش لكن الاهلي في حاجات بيتظلم فيها ومحدش يقدر ينكرها ومش قليله وعمري ماوافقت علي ده بس الاسماعيلي اعتقد انه هو كمان بيتظلم في حاجات اقل مننا لاننا احنا الاكبر

ولا تنسوا ذكر الله

أبوسيف حلمي كتب:

atilla كتب:

والله يا دكتور انا دايما بقول ان الجدل في الدين او الرياضة اكبر غلط
لانه بيوصل للانفعال والغلط والناس تخسر بعض

و الله الراجل ده بيقول كلام زي الفل
و علشان كده أنا علشان بطبيعتي عصبي مبحبش أقرأ او حتى أدخل موقع الأندية المنافسة و كمان مبحبش يكون في حد زملكاوي معايا في المنتدى لأنه فكرة المنتدى قائمة على تشجيع فريق بعينه
رغم أن عندي أقرب أصحابي لقلبي من مشجعي الزمالك