عودة الروح : الزمالك يهزم سكر الحوامدية

الزمالك يهزم سكر الحوامدية وديا

تغلب الزمالك على فريق سكر الحوامدية 3-1 وديا يوم الإثنين في إطار استعدادات الفريق الأبيض لبداية مشواره في دوري أبطال إفريقيا.

وانتهى الشوط الأول بتعادل الفريقين من دون أهداف قبل أن يسجل مصطفى جعفر هدفين وأسامة حسن هدف.

وأحرز هدف سكر الحوامدية إبراهيم عبد الفتاح.

وشارك الناشيء أحمد زكريا لأول مرة مع فريق الزمالك الأول، فيما غاب عن المباراة حازم إمام ومجدي عطوة وكريم ذكري وشريف أشرف لعدم اكتمال شفائهم.

وأقيمت المباراة بدون جمهور اتباعا لرغبة الهولندي رود كرول المدير الفني للزمالك، كما سيغيب الجمهور أيضا عن مباراة السكة الحديد يوم الجمعة المقبل.

وعلى جانب آخر، شدد أيمن منصور المدرب العام للفريق على أن لاعبي الزمالك المنضمين للمنتخب في كأس الأمم الإفريقية سينضمون للفريق في رحلة رواندا حتى في حال وصول المنتخب إلى نهائي كأس الأمم عكس ما تردد عن عدم حصولهم على تأشيرات السفر.

ويواجه الزمالك فريق الجيش الرواندي في يوم 16 فبراير الجاري في ذهاب الدور التمهيدي من دوري أبطال إفريقيا، فيما ينهي المنتخب مشواره في غانا في العاشر من فبراير في حال تأهله للمباراة النهائية

على كده الأهلى لازم يعمل ألف حساب للزمالك بعد هذه النتائج المبهرة و عودة روح البطولة و ذاكرة الإنتصارات للزمالك

طب يا جماعة لما الزمالك ماشاء الله ما شاء الله متفوق على أندية الدرجة التانية و الشركات المالية و الكهربا و السكر و بطل اليمن
كده الزمالك ممكن يكون السبب في أرتفاع أسعار السكر و يخدو الهزيمة زريعة لرفع سعر السكر لتوفير سيولة لتدعيم فريق سكر الحوامدية لإستعادة أمجاده
طب ما يفكه من الدوري المصري و يعملو دوري ليه و يجيب فيه الفرق اللي يقدر يكسبها
و احنا في عصر الديمقراطية و كل اللي عاوز يعمل حاجة بيعملها
مشكور مراسلنا المايسترو من أمام أتحاد الصناعات المصرية

الواحد مش قادر يتلم على جتته من الخضه من ساعة ما عرفت النتيجة .. نورت التوبيك يا حكيم
لو مشينا عالمبدأ دا يا بو الغالى تبقى مصيبة .. ويرفعوا سعر البنزين والمانجا والأسمنت علشان يدوا مكافآت للاعبى بتروجت والإسماعيلية وأسمنت السويس .. ويزودوا الضرايب علشان مكافآت الجيش
هاقول إيه ؟ وزير وزير يعنى (أنا عايز معايا حكومة تلعب بالبيضة والحجر)
شرفتنى بزيارتك يا بتاع الحوامدية يا سكر

تحياتي للناس العسل اللي نوروا الموضوع وردوا عليه وقلبوه فيلم كوميدي
ولو ليا اضافة هقول ان مسلسل عودة الروح دة طول اوي ومش عارف روح اية دي ياخواتي
اللي كل شوية تيجي وتروح دي غلبت الشعرة بتاعة سي لطفي
وكمان بيقولوا اننا نادي الحكومة
في حين ان الزمالك بيلعب مع اندية شركات ومصالح حكومية وبيغلبهم
يعني الدولة مشكورة بتساهم في عودة الثقة والروح (الظاهر اتعديت منهم) للزمالك وجماهيره

خلصنا الفيلم الكوميدى ؟؟؟؟؟؟؟؟؟؟؟؟

نتكلم جد بقى شويه

طب ما الاهلى مش عارف يكسب فرق الدرجه التانيه دى و محدش يقوللى ده الصف التانى و الكلام ده و الله انا فعلا قلقان على الاهلى
و مستقبله

عاوزين نفكر فى فريقنا قبل ما نتريق على الفرق التانيه

و شكرا لسعة صدر الاعضاء المحترمين فى المنتدى سيد قراره

تحياتى ليك أخى المناضل .. وأحب أقولك إن كلمة عودة الروح دى من عندى
سخرية من تكرارها على لسانهم فى كل مناسبة وكل ما لاعب عندهم يكسب دور بلاي ستيشن
يعنى إحنا متفقين على الزهق من الكلمة دى اللى بتخلينى أشك إن توفيق الحكيم رحمه الله كان زملكاوى
وبس بقى بلاش هزار علشان الزعيم وصل وبيزعق
عندك حق يا زعيم .. الوضع يقلق فعلا .. صحيح ناقصنا 9 نجوم هايفرقوا كتير لما يرجعوا
لكن لازم يكون عندنا بدلاء على مستوى الأساسى .. بس مضطرين نستحملهم لآخر الموسم وأمرنا لله
شرفتوا الموضوع وأثريتوه بآرائكم أحبابى المناضل الشاب أتيلا جارى الحبيب الزعيم حازم

انا مقدرش ازعق و لا افتح بقى حتى

و مع مين

المايسترو الماسى و المناضل الكبير اتيللا

مستحيييييييييييييييييييييييييييييييل طبعا

هما فعلا زهقونا من تكرار عودة الروح بعد اي حاجة ولو كان تدريب جامد
ومشكورين جميعا للردود الغير عادية دي

طيب يا أخ حازم ما تعتبر الهزائم دى شىء كويس لأنها أكدت إن إحتياطى الفريق لا يصلح للبقاء فى الأهلى و محسوبين علينا لاعبين و خلاص و خسرونا الكأس أونطة و بكده جوزيه العنيد صاحب الصفقات الفاشلة على مدار 3 سنوات غصب عنه يعترف بفشل إختياراته و يستغنى عن اللعيبة السكة دول و غصب عنه يستعين بناشئى الأهلى المميزين بعد ما دمر قطاع الناشئين و خلاهم بيفكروا يسيبوا النادى و يمشوا (يعنى رب ضارة نافعة)

جارى الحبيب الزعيم حازم .. سعادتك تزعق وتجيب إصحابك يزعقوا كمان
زعيق سعادتك صرخة للحرية .. وشلوت سعادتك دفعة للأمام (أنفع موظف؟)
راجى عفو الخلاق المناضل الثورى الحلاق .. عندك حق وشرفتنى بمرورك اللذيذ كالعادة
حكيم المنتدى .. رأى سديد معتاد (فعلا رب ضارة نافعة) .. شرفتنى بمرورك ونورتنى برأيك

sherifalwakkad كتب:: جارى الحبيب الزعيم حازم .. سعادتك تزعق وتجيب إصحابك يزعقوا كمان
زعيق سعادتك صرخة للحرية .. وشلوت سعادتك دفعة للأمام (أنفع موظف؟)
راجى عفو الخلاق المناضل الثورى الحلاق .. عندك حق وشرفتنى بمرورك اللذيذ كالعادة
حكيم المنتدى .. رأى سديد معتاد (فعلا رب ضارة نافعة) .. شرفتنى بمرورك ونورتنى برأيك

تنفع تنفع ولو كنت موظف وبالطريقة دي بعد سنتين تلاتة هتبقى رئيس مجلس ادارة

ههههههههههه .. خسارة .. مش كنت طلعت موظف أحسنلى
عسل حبيبى المناضل الحاج جيفارا

نسيت ان شخبطة أولاد سعادتك تخطيط لمستقبل البلد ههههههههههههههههههههههه

hazemsoliman كتب:: نسيت ان شخبطة أولاد سعادتك تخطيط لمستقبل البلد ههههههههههههههههههههههه

ودة واحد كمان خسره السلك الوظيفي العام
خسارة بجد

» رياضيون : لاعبو الزمالك في حاجة إلي تعزيز الروح الجماعية
» خاص: أجواء لقاء "عودة الروح للدورى المصرى"
» البدري مباراة الـ جانرز صعبة . وأدعو لقمة في الروح الرياضية أمام الزمالك
» الزمالك يهزم الهلال اليمني بنصف دستة أهداف
» أهلى 16 يهزم الزمالك 3/2